معاكم في كل حرف
عايزين حل ايجابي يا جدعان للعالم دي :I_angr1[1]:
عرض للطباعة
معاكم في كل حرف
عايزين حل ايجابي يا جدعان للعالم دي :I_angr1[1]:
مرة واحد صاحبى كان بيركن عند السراج مول .. طلع له واحد من القرود دول قال بيساعده فى الركنة .. فصاحبى طنشه وركن ومشى ... فالولد برطم بشتيمة ... صاحبى رجع مسح بكرامته الأرض ومشى.
لما صاحبى رجع ملقاش الولد واقف ... لكن لقى فردة كاوتش مضروبة سكينة بعرض الكاوتش وبوظها له
دول مالهمش حل غير الشرطة تيجى تلمهم من الشوارع
لكن نجيبها منين الشرطة
والله العظيم بقت حاجة تقرف ... ما عادش في شارع عندنا في اسكندرية الا و فيه واحد واقفلك !
حاجة تقرف
انا عن نفسى بقضيها بمزاجى
يعنى لو لقيت واحد حسيت انه غلبان فعلا بديله
ولو واحد ماليش مزاج اديله بطنشه وامشى
لكن بتوع الباركن اللى تبع الاحياء وعاهم تذاكر
بدفع ولازم اخد تذكره
وماينفعش اديله مبلغ اقل فى سبيل انى ماخدش تذكره
لان كده ابقى انا وهو بنسرق حتى لو كنا بنسرق حقنا
والله الواحد خايف يخش بيته يلاقى سايس يقولوا إركن الجزمه هنا وسيبها مموره :36_1_1[1]:
الحل و انت طالع بالعربية تدوسه و كل واحد لو عمل كده هايخلصوا من البلد و نستريح زى كده الناس اللى تلف عليك و تبخرلك العربية و انت واقف فى اى حتة و لا يبخروا محل و تلاقيه شاب فى صحته و يقف يتنح عشان ياخد تمن الدخان اللى بخره الغريب ان الناس ديه بقت واخدة الموضوع حق مكتسب
و الله انتوا فتحتوا موضوع كبيييييييييييييييييير و الكلام فيه كتييييييير قوي
كل اللي انتوا قولتوة كوم و اللي منهم ماسك فوطة كوم تاني
تلاقي الواحد منهم يسبك تركن عادي مالوش دعوه بيك و كأنه مش موجود أساسا وانت خارج من المصلحة أو المكان اللي انت فيه أول حاجة تلاقيها مساحات العربية مرفوعة , هتعرف تلقائي إنك هتدفع , و تلافي التراب عليها زي ماهو يعني العربية محدش لمسها ولو اديتلة 2 جنية مثلا وانت مضطر علشان تخلص , يقولك يابية العربية اتغسلت بالكامل و الكاوتشات ولو كنت راجل بقى قولة حاجة و لازعق معاه , مش هو اللي هيتكلم هتلاقي أكتر من واحد من الناس اللي واقفة يقولك حرام عليك يعني انت هتاكل عرقة وواحد تاني يقولك بطلوا افترا بقى يعني تخرس خالص ( آسف ) و تديلة الخمسة جنية و انت ساكت
طبعا غير اللي انتوا قولتوه على موضوع السايس اللي بقى مالي كل مكان , لدرجة إني بكون خايف آلاقي حد منهم عندي في الشارع يخليني أركن و لا حاجة .
حصل موقف معايا عند السيرك القومي كنت أنا و إسرتي , واحد سايس جه تعالي تعالي تعالى وركني صف تاني و أقسم عليا بالله إني مخافش و الناس كلها هنا عارفاه وطلب مني أسيب مفتاح العربية طبعا مستحيلرأسيبهم له رفضت قالي طيب سيب العربية ممورة , كان عنده حق طبعا فسبتها ممورة ودخلت قبل ما أدخل قالي خمسة جنية و أصر عليها قبل الدخول برضة معترضتش .
أثناء العرض وقبل آخر فقرة قلت أشقر على العربية و الله لاقيت كل العربيات الصف تاني متكلبشة لحد قبل العربية اللي قبلي و آمين شرطة واقف بيلزق مخالفات على عربيتي و لما سألته إشمعنى دي متكلبشتش هي و اللي قدامها قالي الكلبشات خلصت و الونش راح يجيب كلبشات تاني و هيرجع يكمل باقي الكلبشة .
المهم ظبطت الأمين بورقة بعشرين ( محدش يلومني مكنش عندي حل تاني ) شطب رقم عربيتي من الدفتر اللي معاه و قالي بس خلي ورقة المخالفة اللي عليها و أقسم بالله إنه مخدهاش مخالفة دخلت كملت العرض و خرجت لاقيت فعلا باقي العربيات متكلبشة ماعدا عربيتي و أنا خارج الأمين غمزلي بعينة يعني أخلع من المكان بسرعه .
معلش طولت عليكم بس بجد الموضوع جه على الجرح بالمللي .