طيب يا جماعه إيه الحل
عاوزين موقف إيجابى نعمل إيه اللى عنده حل ياريت يقولنا عليه
أنا عن نفسى مبديش فلوس إلا إذا كان مكان يستاهل يعنى صعب الركن فيه بس ده مش حل لإنى مره كنت شارى جهاز كمبيوتر جديد من مول فى مصر الجديدة وحطيته فى شنطة عربية والدى فيات 124 وركنت قدام أرض المعارض بمدينة نصر راح جالى السايس قالى باركنج 3جنيه قولتلوا لا مفيش ودخلت أصلى المغرب طلعت لقيت شنطة العربية مفتوحة والكمبيوتر مسروق روحت أعمل محضر فى قسم تانى مدينة نصر ظابط المباحث زعق بصوت عالى وقالى إنتوا تتفسحوا ومتأمنوش على حاجتكم وإحنا اللى نشيل المصايب !!!!
أمال هوه شغال ليه !!! وبعدين تقولشى يعنى هيجيب الحرامى ولا هايتحركوا ولا هايعملوا أى حاجه راح ناده للأمين قالوا خدوه إعملوا محضر وآمين الشرطه منتظر أدفعله فلوس هيه ناقصه موت وخراب ديار
حسبنا الله ونعم الوكيل فى كل ظالم وحرامى وسايس تبت وشحات مش محتاج وظابط شرطه مبيقومش بعمله وبيتنك على خلق الله