-
بجد بقه حاجه تقرف
خصوصا لو عندك مشاوير ورا بعض
يعني مثلا رايح سيتي ستارز اجيب حاجه من كمبيو مي مش حاخد اكتر من 10 دقائق فمش مستاهله اروح الباركينك
وبعدها مشوار المهندسين شارع جامعة الدول برضه تلاقيهم
ورحعت الوكاله اشتري حاجه للعربية نفس القصة
واخيرا روحت رميسيس عند المستشفي
برضه متسلمش منهم
ده كله في يوم واحد
اللي انا عايز اعرفه هما اذاي سايبنهم ينهبوا فينا ليه؟
-
اقترح الاتى:
لو سألك بدون تذكره تقول انك معكش فكة للباركنج ودة مش كدب لانك تقصد عدم الدفع تحت الاكراه لشئ ليس من حقه او واجب عليك
طيب لو قالك هفكلك: قلة معاك فكة 200 جنية..
فى الاغلب لو قلت الرد الاول 95% فى الحالات هيقلك معلهش
والرد الثانى هيتكسف ويخاف تعرف انه معا اكثر من 200 جنية فهيسيبك ويقلك معييش فكه
اعتقد الاسلوب ده هينجح مع الركن الغير يومى بشكل كبير جدا
-
النهاردة كنت عند مرور فيصل
راكن من 8 الصبح لحد 12 الظهر
المهم وانا طالع عملت الاسلوب اللى مكتوب فوق
السايس عايز خمسة جنيه
اديته 3
بيقولى ما ينفعش
عربيتك محطوطة فى الامان - فى دى عنده حق لان اى حرامى عارف انك فى المرور ومش هتطلع قبل 3 ساعات ولا حاجة - وبعدين ده ما يجزيش
قلت له 3 حلو اوى وبعدين ما تخليش الواحد يقولك فين نحاستك ولا هات تذاكر زى الناس التانية
وكدة كويس
وسيبته
-
فعلا هم حاجة مريعة و ملهمش حل غير ان الاخوة اللي بيسبوهم وياخدوا في ايدهم انهم يتشد عليهم و تنزل حملات تشوف العيال ديه وكل مايشوفوا واحد يشدوه من قفاه عشان يحرم يعملها لوعملوا بس حملة كل اسبوع اسبوعين يشدوهم كل ما يشوفوهم و كل واحد يتشد يتسجل اسمه عشان لو كررها تااني يبقي في كلام تااني خالص يبهدلوه اول مرة و يفهموه انه لو اتشاف هيتجاب و الخ الخ الخ الكلام هده كله و بعدين يتساب المرة اللي بعدها مفيش سماح
و اكيد طبعا العيال دول بيستهبلوا ع السياح فنبقي ضربنا عصفورين بحجر منها عشان السياحة و منها عشانا احنا
-
يا باشا مش هما اللي بيخدوا الفلوس دي لوحدهم في الونش بتاع المرور و..... و....؟؟؟؟؟
فلازم يعلي علشان يطلع بحاجة كويسة
-
كل ما تنزل محل تشترى حاجة وتلاقى مكان فاضى تركن فية وانت بتركن تلاقى واحد طلع من تحت الارض وبيقلك تعالى وتخرج تلاقي رافعلك المساحات وانت طبعا مجبر تديلو فلوس
-
والله انا شايف فموضوع المساحات دى انا مره ركنت عربيتى عند الوكاله كده فى كنيسه هناك المهم قبل ما امشى قعد واحد يقولى بارك وكده وخد 3 ج .. رجعت لقيت واحد رافع المساحات ... واحد تانى غير اللى خد فلوس البارك وبيقولى نضفتلك العربيه .. رضيت عليه حرفيا .... وانا مطلبتش منك انك تنضفها انا كنت عايزها وسخه نضفتها ليه مش فاهم .... قعد يحور ويتكلم انا قفلت الازاز وسيبته ومشيت ...... طبعا هو كان تصرف فيه قلة زوق بس ما باليد حيله ..
-
بجد فى بعض المشاركات تغيظ!!!!!!!!
عن نفسى لما اجى اركن وواحد يجى يركنى يبقى كده تمام انزل انا من العربيه وامشى الأقيه جاى يقولى البارك اقوله لما اخرج لو قعد يزن ولو حتى دخل معايا ولا هعبره ولما بخرج والآقيه لسه واقف بديله بمزاجى والى انا عاوز اديهوله..لأن انا موتى وسمى ان حد يعمل فيها فالح عليا وهو الشاب الى مش هتعرف تغلبه
وطبعا الى بيركن قدام جامعه القاهره كده زى حلاتى هيعرف الزن وشغل الناموس وبجد العيال الى هناك شكلها تشرد وبكون حاسس لما هخرج هلاقى العربيه معمول فيها حاجه بس طبعا ربنا موجود ومدام انا ماشى صح اكيد ربنا هيسترها لأن ربنا بيحب المؤمن القوى عن المؤمن الضعيف(طبعا قوه الشخصيه مش قوه الجسد)
-
التكاتف لصد هذه الصورة الإجتماعية السيئة هو الحل
-
ولعلمك لو رفضت تدي المعلوم للناس دول:3mla: .. بمنتهى البساطة ممكن يجرح عربيتك بمطوه او اي اله حادة عشان يغيظك ومش حتاخد بالك منها الا لما تنزل من عربيتك .:majd(4):
Content Relevant URLs by
vBSEO 3.6.0 PL2