الموضوع: حمله ضد السياس والشحاتين

أنا مش عارف أكتب الموضوع ده فين بس كان لازم أكتبه علشان إتخنقت

اللى مش لاقى وظيفه دلوقتى وعاوز يشتغل يشتغل سايس أو شحات على طول مهى شغلانت اللى مبيشتغلش الواحد بعد كده لما ييجى يشترى عربيه يخصص نص مرتبه بنزين وزيت وصيانه للعربيه والنص التانى للسياس والشحاتين مفكرين علشان معانا عربيات يبقى إحنا مليونيرات إنما مايعرفوش إن حالتهم الماديه أحلا مننا كل واحد فيهم بيقفشلوا مبلغ يومى لايقل عن 100 جنيه ويمكن أكتر والله أعلم
لا وعاملين لنفسهم سعر الباركنج ب 3 جنيه وإنت وزوقك ياباشا وإن إديته أقل من نص جنيه ممكن يرميهوملك فى وشك ويقعد يقولك ورا وقدام ويمين وشمال ولا كأنك مش معاك رخصه وكأنك منغيره مكنتش ها تعرف تركن ولو ملحقكش وإنت بتركن يقولك سنه قدام بس ياباشا ياجماعه بجد بجد لازم نقف واقفه قصاد الناس ديه ومحدش يديهم ولا شلن سواء إذا كان سايس أم شحات وأنا مبشوفش فرق بينهم الإتنين يتسموا بالبرود والتباته والبلطجه معلشى فى اللفظ بس من نرفزتى
وياريت كل الناس تقترح إزاى نقضى عليهم

طبعا دول ناس حرمية ونصابين....
مثلا عند سيتي ستارز يقولك 3 جنيه ...وطبعا بيجمع مبالغ خيالية بجد وياسلام بقى إذا كان عيد أو يوم أجازة مثلا. وعالفكرة في منهم كتير بيلبسوا لبس موحد عشان نفتكر انهم شغالين في المكان ده تبع مثلا المول أو مطعم وبيكونوا ناس عادية جدا ولا يعرفه اسم المكان أصلا.

هو كل واحد مش عارف يعمل إيه يختارله شارع ويقف فيه...تعالى هنا وروح هناك وياخد أي حاجة...وياريت بيرضى بأي حاجة تديهاله,...بيفضل باصص على الفلوس ولا كاني ماشي ومعايا ATM في العربية مثلا....ناس زبالة ونصابين وياريت ماحدش يفضل يقول ياعم دول غلابة ومش عارف إيه و الكلام بتاع الناس الكبيرة اللي لسة عيشين في زمن الناس الكويسة,,,عشان دول معاهم فلوس يمكن أكتر مننا بكتير.كل واحد يلبس لبس مبهدل حبتين ويقف على شارع بقى سايس ولازم نديله فلوس...وعلفكرة دول مشكلتهم أكبر بكتير من الشحات..عشان الشحات بييجي يطلب فلوس هو عارف إنها مش من حقه يعني مستحيل يقعد يقاوح معاك, هو ممكن يظن بس مش هيقاوح...انما دول بيقاوحو وإزاي متديهوش وهوا حللك مشكلة حياتك,...ده غير الناس اللي تيجي تفتحلك باب العربية وشوية شوية هيقلع اللي لابسه ويفرشهولك على الأرض عشان تمشي عليه...حاجة تقرف بجد.

آسف على الاطالة بس أنا مخنووق منهم جدا.