شكرا أخوانى اعضاء المنتدى ؛؛؛؛؛؛

15-01-2008 11:43 PM

dentist

حاصله على دبلومه جراحه الفم و الاسنان
اى خدمه المشارط جاهزه ؛؛؛؛؛؛؛

**عزوز** · 15-01-2008 11:45 PM

الف مبرووووووووووووووووك

15-01-2008 11:48 PM

المشاركة الأصلية كتبت بواسطة عزوز

الف مبرووووووووووووووووك

الله يبارك فيك عزوز
و الله كلكم ذوق و انا فعلا سعيده بأنضمامى للمنتدى الرائع ده

**حماده عزو** · 15-01-2008 11:56 PM

يا دكتوره والله مبثوط ان حضيتك طيعتى التخثث الى أنا مبثتغناث عنو

15-01-2008 11:59 PM

شكلك خلعت كل سنانك و مستنى الطقم
و الله ممكن افيدك
بس اكيد دكتور احمد متخصص فى الموضوع ده اكتر
بجد حالتك كده صعبه كل الحروف ضاربه
هههههههههههه

**حماده عزو** · 16-01-2008 12:04 AM

بجد أخبار العربيه معاكى أيه
وأنتى فى السواقه يعنى
جن ولا عفريت ولا شبح

**dr.amr** · 16-01-2008 02:29 AM

المشاركة الأصلية كتبت بواسطة alsindrella

dentist

حاصله على دبلومه جراحه الفم و الاسنان
اى خدمه المشارط جاهزه ؛؛؛؛؛؛؛

مبروك علي الياريس :)
اختيار موفق باذن الله
ثانيا بقي ممكن تعتبريني زميلك:D
لأني كلها ان شاء الله سنتين واخلص البكالوريوس
انا في طب عين شمس
علي فكره الياريس رائعه وعمليه بس مش بتاعت شد بقي وكده
علشان الموتور 1300

**KiNgMaX** · 16-01-2008 02:58 AM

مبروك عليكى العربية واهلا بيكى فى جمعية ملاك الياريس النبيتى الكاملة المانوال اللى انا على مايبدو العضو الوحيد فيها

**hazem_khidr** · 16-01-2008 04:32 AM

المشاركة الأصلية كتبت بواسطة alsindrella

الله يبارك فيك يا حازم
و مبروك عليك انت كمان عربيتك - و موضحتليش لونها ايه ؟
و الحمد لله انك بتطمنى ان الاختيار موفق
و فعلا انا بسوق من 9 سنين و كنت فاكره ان مفيش مشكله فى سواقتها و ان شاء الله فعلا ميكنش فى مشكله
لكن لما قعدت فيها مش باين لها كبوت من شنطه
فقلت لهم فى التوكيل ده بتتساق بالاحساس
و ربنا يستر
و فكرت أأجر يارس و لو اسبوع خلال الشهر ده و أجربها شويه
بس كسلت بس الفكره قائمه برضو و ربنا يسهل
و أشكرك يا حازم على نصايحك

انا عربيتي لونها رمادي (موجوده في الصور اللي كنت حاططها علي المنتدي لما جبتها)
مانيوال برضه علي فكره و سحبها ما شاء الله(اول ما جبتها رغم اني لمفروض ما اجري وصلت بيها لحد 160 علي الزراعي و في منتهي السلاسه العربيه ما اتأخرتش و قامت بالوجب:) )
انا علي فكره بسوق بقالي 17 سنه و لما سوقتها في الامارات حسيت انها غريبه فعلا لان الواحد قاعد في مكان عالي و مش شايف اي حاجه نهائي من بره. و لما جيت مصر لقيت ابن خالي معاه واحده فبقيت بركبها كتير بس كان كله طريق و ارتحت ليها جدا .
بس لما جبتها انا بقي قولت لازم اتعلم عليها كويس و اسوقها زي ما بسوق السويفت كده يعني ابقي حافظ ابعدها بالمللي من غير ما اغلط و الحمد لله باخدها كل يوم بالليل في الروقان و اتمشي بيها و احاول احضنها جنب الرصيف و اركنها بين عربيتين و انزل اشوف المسافات بعد ما اركن علشان بعد كده احفظها كويس و الحمد لله المرايات قربت الحكايه دي اوي.
بس اللي تخدي بالك منه و اللي انا اخدت بالي منه بالصدفه اني مثلا لو ماشي علي الشمال و عربيه من علي اليمين و يدوب قدامي ب 30 او 50 سنتي و نور الاشاره الشمال و انت جوه العربيه مش حتشوفيها!!!!!! لان الموقف دا حصل معايا بس انا الحمد لله اخدت بالي قبل ما ينور لاشاره يعني من الاخر ضهر العربيه اللي قدامك مش بيبقي واضح ليكي علي مسافه اقل من متر

16-01-2008 04:35 AM

المشاركة الأصلية كتبت بواسطة dr.amr

مبروك علي الياريس :)
اختيار موفق باذن الله
ثانيا بقي ممكن تعتبريني زميلك:D
لأني كلها ان شاء الله سنتين واخلص البكالوريوس
انا في طب عين شمس
علي فكره الياريس رائعه وعمليه بس مش بتاعت شد بقي وكده
علشان الموتور 1300

الله يبارك فيك دكتور عمرو
اهلا بيك يا زميلى العزيز
و الله فكرتنى بأيام الكليه الحلوه و مواقف كتير اكيد ححكى لك عليها ان شاء الله
على فكره كان معايا كورسا مو 97 - 1200 cc
و كنت بعمل البدع بيها ههههههه
متخفش حاضر حسمع الكلام و مش حشد و حبقى هاديه ان شاء الله