شكرا أخوانى اعضاء المنتدى ؛؛؛؛؛؛

16-01-2008 04:39 AM

المشاركة الأصلية كتبت بواسطة KiNgMaX

مبروك عليكى العربية واهلا بيكى فى جمعية ملاك الياريس النبيتى الكاملة المانوال اللى انا على مايبدو العضو الوحيد فيها

الله يبارك فيك
و يا رب اكون انا العضوه التانيه اللى تمتلك ياريس نبيتى
انا سيفت صورتها اللى انت حاططها فى التوقيع و حبتها فعلا من الصوره دى
كتكوته كده و جميله
ربنا يحفظهالك و يكفيك شر طريقها

16-01-2008 04:44 AM

المشاركة الأصلية كتبت بواسطة hazem_khidr

انا عربيتي لونها رمادي (موجوده في الصور اللي كنت حاططها علي المنتدي لما جبتها)
مانيوال برضه علي فكره و سحبها ما شاء الله(اول ما جبتها رغم اني لمفروض ما اجري وصلت بيها لحد 160 علي الزراعي و في منتهي السلاسه العربيه ما اتأخرتش و قامت بالوجب:) )
انا علي فكره بسوق بقالي 17 سنه و لما سوقتها في الامارات حسيت انها غريبه فعلا لان الواحد قاعد في مكان عالي و مش شايف اي حاجه نهائي من بره. و لما جيت مصر لقيت ابن خالي معاه واحده فبقيت بركبها كتير بس كان كله طريق و ارتحت ليها جدا .
بس لما جبتها انا بقي قولت لازم اتعلم عليها كويس و اسوقها زي ما بسوق السويفت كده يعني ابقي حافظ ابعدها بالمللي من غير ما اغلط و الحمد لله باخدها كل يوم بالليل في الروقان و اتمشي بيها و احاول احضنها جنب الرصيف و اركنها بين عربيتين و انزل اشوف المسافات بعد ما اركن علشان بعد كده احفظها كويس و الحمد لله المرايات قربت الحكايه دي اوي.
بس اللي تخدي بالك منه و اللي انا اخدت بالي منه بالصدفه اني مثلا لو ماشي علي الشمال و عربيه من علي اليمين و يدوب قدامي ب 30 او 50 سنتي و نور الاشاره الشمال و انت جوه العربيه مش حتشوفيها!!!!!! لان الموقف دا حصل معايا بس انا الحمد لله اخدت بالي قبل ما ينور لاشاره يعني من الاخر ضهر العربيه اللي قدامك مش بيبقي واضح ليكي علي مسافه اقل من متر

مبروك عليك الياريس الرمادى
عارف يا حازم التوكيل اتصل بيا امبارح و قالى فى عربيه فرانى جاهزه للاستلام بدل متستنى شهر
بس بصراحه حابه اللون النبيتى و البترولى ظريف برضو
لكن الفرانى و الاسود بحس انهم يمكن رجالى شويه
فقلت استنى الشهر و نشوف ربنا حيقسم لنا لون ايه

و اشكرك على توجيهاتك - فعلا شكل سواقتها فى الاول حتكون مبهمه و ربنا يستر
و لا تبخل علينا بأى معلومه جديده

**hazem_khidr** · 16-01-2008 04:51 AM

المشاركة الأصلية كتبت بواسطة alsindrella

مبروك عليك الياريس الرمادى
عارف يا حازم التوكيل اتصل بيا امبارح و قالى فى عربيه فرانى جاهزه للاستلام بدل متستنى شهر
بس بصراحه حابه اللون النبيتى و البترولى ظريف برضو
لكن الفرانى و الاسود بحس انهم يمكن رجالى شويه
فقلت استنى الشهر و نشوف ربنا حيقسم لنا لون ايه

و اشكرك على توجيهاتك - فعلا شكل سواقتها فى الاول حتكون مبهمه و ربنا يستر
و لا تبخل علينا بأى معلومه جديده

سبحان الله انا بقي كان قدامي اتنين نبيتي و كنت مستني الرمادي و لولا الاجراءات اتاخرت كنت استلمت النبيتي.:)
الابيض كنت عاوزه علشان مش منتشر رغم انه وحش عليها ميزته الوحيده بس هو و الفضي ان الفرش لونه غامق مش بيج زي باقي الوان العربيه.
و يا ستي لا شكر علي واجب سواقتها متعبه اول يومين بس و بعد كده خلاص عادي بس اهم حاااااااااجه خدي بالك و انت بتركني .
و اي معلومه جديده حبلغك بيها فورا انا بتصفح الكتالوج اليومين دول علشان اعرف كل صغيره و كبيره فيها .

16-01-2008 05:03 AM

عارف يا حازم ايه المطلوب منك انت و كل ملاك الياريس
خصوصا كريم منير و king max
يا ريت تكتبوا موضوع كبير تشرحوا فيه من اول استلام العربيه ان شاء الله ايه اللى يحصل :
من ناحيه مثلا
الفرش جلد و لا قماش و لا ايه
التليين بيكون ازاى
ايه اللى نهتم بيه فى العربيه : مثلا نبص على المايه كل أد ايه - مياه ملونه و لا لا بس الاكيد اه
شرح لللمبات مثلا اللى بتنور - زى لمبه الحراره فى الاول خضرا بعد كده برتقالى و عند حدوث مشكله بتبقى حمرا
بصراحه فى عضو سأل على لمبه الحراره و انا سألتهم فى التوكيل و شرح لى
و لولا اسئلتكم و اجاباتكم مكنتش أخدت بالى من حاجات كتير
و اى معلومه تحب تضيفها و انا نسياها يا ريت توضحها

لانى بصراحه لا أفقه شىء فى العربيات و خصوصا الزيرو
لانى زى اى سيده تدور و يا دوب احط بنزين و كان الله بالسر عليم
و شكرا لكم مقدما

**hazem_khidr** · 16-01-2008 05:19 AM

و الله يا سندريلا فكرت في حاجه زي كده بس لقيت الموضوع مش حيبقي ملمووم .
بس عموما دي شويه حاجات لاحظتها:
1.العربيه مش بدور غير لما تحطي رجلك علي الدبرياج
2.اول ما بتشغلي الكونتاكت فيه لمبه التشيك و فرامل اليد طبعا و الاير باج و لمبه الحراره الحمرا
3.لما تيجي تدوري العربيه يدوب تديها سنه مارش بسيطه و هيا اتوماتيك تشتغل لوحدها!! و بصراحه حاجه جميله جدا,
4.لو لعربيه كنت لسه بارده لمبه لحرره الخضرا هيا اللي حتنور و ما ينفعش تمشي بالعربيه قبل ما اللمبه تطفي علشان يكون الموتور مستعد للحركه.
ممم دا كل اللي اعرفه حاليا .
بالنسبه للتليين ف انا مش بلين بالمعني المتعارف عليه يعني انا بقرص علي النقلات دلوقتي لحد ل rbm يبقي علي 3 او 3.5 و اول ما جبتها لحد 300 كيلو ما كنتش بزود عن 2 rpm.
بس انا بعمل كده علشان عاوز اخلي الموتور شديد و جاهز للشد ف بفتح المكنه وحده واحده و طبعا بسمع صوتها كويس و بحس بيها .
علي الطريق لسه ما طلعتش بيها تاني غير بطلع علي الدائري و كده و مش بزود عن 100 او 120 .
بلنسبه للفرش بقي ف انا مش حجيب ليها فرش خالص لحد ما الفرش دا يبدأ يتبهدل قوم اغسله بشامبو مخصوص للكراسي و بعد ابقي اعمل ليها فرش جلد نفس اللون برضه بس خد زهوه العربيه الاول و بعد فتره لما احتاج تغيير اعمل ليها فرش.
اللي ناوي اجيبه هيا فوانيس الشبوره بس مستني شهر و لا حاجه و هيا بحولي 530 جنيه عندي في المحله ممكن في القاهره الاقيها ارخص.
طبعا البنزين 92 و الميه انا جايب جركن ميه خضرا موبيل بس طبعا ما استعملتوش لسه.
بالنسبه للمرايات ف انا في اي عربيه مش بيعدي 10 ثوان غير لما بكون باصص علي المرايه اللي في النص و المريات الجانبيه لما باجي اكسر يميم او شمال لازم بص و كمان ابص بعيني ور القايم لان الزويه دي ميته المريه مش بتجبها في اي عربيه(ما عدا السيفيك الجديده !!!!!)

16-01-2008 05:26 AM

بالنسبه للتليين ف انا مش بلين بالمعني المتعارف عليه يعني انا بقرص علي النقلات دلوقتي لحد ل rbm يبقي علي 3 او 3.5 و اول ما جبتها لحد 300 كيلو ما كنتش بزود عن 2 rpm.
بس انا بعمل كده علشان عاوز اخلي الموتور شديد و جاهز للشد ف بفتح المكنه وحده واحده و طبعا بسمع صوتها كويس و بحس بيها .
علي الطريق لسه ما طلعتش بيها تاني غير بطلع علي الدائري و كده و مش بزود عن 100 او 120

بصراحه مش فاهمه الجزء ده
rpm يا ترى معناه ايه
معلش دوشتك ممكن ترد بكره لانى حستأذنك دلوقتى

**hazem_khidr** · 16-01-2008 05:30 AM

انا كمان كنت قايم اصلي الفجر :)
ال rpm دا عداد جنب عداد السرعه و في نفس الحجم تقريبا
فايدته انه بيعرفك عدد لفات الموتور في الدقيقه الواحده يعني لما الامبير يبقي علي 2 يبقي كده الموتور بيلف 2000 لفه في الدقيقه
ف علشان تحافظ علي العربيه و خصوصا في التليين لا ينصح ان الامبير دا يطلع لارقام زي 4 او 5 مثلا لان دا بيسبب حمل علي الموتور.