شكرا أخوانى اعضاء المنتدى ؛؛؛؛؛؛

15-01-2008 02:42 AM

الحمد لله اولا و اخيرا
ثم بفضل تعاونكم و ارشادكم اخوانى الاعزاء
فقد ساعدتمونى فى اتخاذ القرار بشأن اختيار نوع السياره
و الحمد لله حجزت الياريس
و فعلا تويوتا توكيل محترم جدا
و فؤجئت بخدمات ما بعد البيع يقدمها التوكيل بصراحه مكنتش اعرفها
و هى عباره عن دفع رسوم 70 ج نظير سواق يحضر العربيه الى اى مكان اطلبه
و يجى معايا يخلص لى ترخيص العربيه من اى مكان اطلبه
و يجى معايا كمان يعمل لى فرش جلد للعربيه و يساعدنى فى شراء اى لوازم للعربيه
فعلا اعتقد انها خدمه مميزه
نسيت اقول لكم ان الاستلام ان شاء الله بعد شهر و ان الحياه وحشه جداااااا من غير سياره :(
و شكرااااااااا جزيلا لكم

**Karim_Monir** · 15-01-2008 10:57 AM

الف مبروك واحسنتي الاختيار فعلا
تويوتا لا يعلى عليها
وجديدة حكاية الراجل ابو 70 جنية دي
هما فعلا لما مايكونش في ضغط بيطلعوا حد معاكي يرخصلك
وكمان جديد موضوع الفرش وبقية الحاجة بس ماتخليش حد يشتغلك
ولو عايزة اي استفسار ما تتاخريش انك تسال اخواتك

كريم منير

**أبو عبدالله** · 15-01-2008 11:33 AM

الف مبروك وربنا يعطيك خيرها ويكفي عنك شرها ان شاء الله

**hero** · 15-01-2008 01:03 PM

الف مبروك علي العربية....
وكويسة قوي حكاية الراجل السواق دة....

ياريت برضة نعرف الاسعار وهل فعلا فية خصم 3 آلاف جنية...
وبرضة الحجز بقد اية فلوس....

15-01-2008 06:14 PM

المشاركة الأصلية كتبت بواسطة karim_monir

الف مبروك واحسنتي الاختيار فعلا
تويوتا لا يعلى عليها
وجديدة حكاية الراجل ابو 70 جنية دي
هما فعلا لما مايكونش في ضغط بيطلعوا حد معاكي يرخصلك
وكمان جديد موضوع الفرش وبقية الحاجة بس ماتخليش حد يشتغلك
ولو عايزة اي استفسار ما تتاخريش انك تسال اخواتك

كريم منير

ميرسى كريم - كلك ذوق
الله يبارك فيك
و اكيد عندى اسئله كتير الفتره الجايه
جهز نفسك للرد

15-01-2008 06:17 PM

المشاركة الأصلية كتبت بواسطة mido777

الف مبروك وعقبال الأستلام

ياترى اللون ايه ؟؟؟

والسعر ولكماليات بعد اذنك ؟؟

الله يبارك فيك ميدو
اللون ان شاء الله نبيتى و طلبوا منى لون تانى احتياتى فأخترت البترولى

العربيه مانيوال فول اوبشن ب 89 ألف

15-01-2008 06:20 PM

المشاركة الأصلية كتبت بواسطة أبو عبدالله

الف مبروك وربنا يعطيك خيرها ويكفي عنك شرها ان شاء الله

الله يبارك فيك ابو عبد الله
كلك ذوق

15-01-2008 06:22 PM

المشاركة الأصلية كتبت بواسطة hero

الف مبروك علي العربية....
وكويسة قوي حكاية الراجل السواق دة....

ياريت برضة نعرف الاسعار وهل فعلا فية خصم 3 آلاف جنية...
وبرضة الحجز بقد اية فلوس....

الله يبارك فيك هيرو
فعلا حكايه السواق دى جميله جدا خصوصا للسيدات
مفيش خصم و لا حاجه - اسعار كل حاجه بتعلى يوم ورا يوم
الحجز من تويوتا ايجيبت ب 50 ألف نظرا لان العربيه عليها سحب كبير
و الاستلام ان شاء الله نصف فبراير

**hazem_khidr** · 15-01-2008 06:33 PM

الف الف مبروك و ربنا يحفظهالك و فعلا اختيار موفق و عن تجربه .
اينعم لسه ما رخصتش و لسه ما عملتش بيها اكتر من 500 كيلو لكن كل يوم بيتثبت ان اختياري برضه كان موفق و بصراحه فيها كل اللي الواحد عاوزه.
الف الف مبروك و كمان للون بتاعها حلو انا كنت متحير في اللون و كنت بقول يا نبيتي يا رمادي يا ابيض بس انا بميل للغوامق .
اه صحيح نسيت اقولك.
خدي بالك من ابعادها كويس و ما تحاوليش تخشي بيها اماكن ضيقه بقدر الامكان لحد ما تحفظيها
و لما ترجعي بضهرك بصي علي المرايات كويس لان ممكن تكون عربيه واقفه وراكي و انت ما تخديش بالك منها