مشكله في الباور

**samirayad** · 05-04-2010 05:18 PM

هل في ضرر علي العربية لما اسيبها كدة ولا اعمل اية؟؟

مفيش ضرر ولا حاجه

طالما أنت متعايش مع الوضع ده

وطالما أنت متأكد من وضع الزيت ومفيش هواء فى الدايره

والزوايا تمام والكاوتش على درجة نفخ تمام

وبيض الطرف مش تقيل عندك

يبقى التقل اللى أنت حاسس بيه فى الباور

وضع طبيعى نتيجة تقادم بعض مكونات الدايره
زى العلبه بتاعة الدركسيون أو الطلمبه

**bakkarahmed** · 05-04-2010 05:30 PM

انا عارف اني باسأل كتير بس آسف علشان انا عايز ابقي فاهم علشان ما ارميش ودني للصنايعية اللي بتفتي:b4_592:
بالنسبة لوضع الزيت (بينقص حاجة بسيطة كل شهرين)

الدايرة واخده هوا( ما بعرفهاش) انا مثلا لما بيكون منسوب الزيت بين min\max والعربية طافية لما باشغلها بلاقيه علي لحد الاخر وبشوف تقليب الزيتز
الكاوتش والزوايا تمام
ماعرفش بيض الطرف خالص وماعرف اعراض تقلة اية(مع العلم ان العفشة عندي في المطبات زي الجديدة الحمد لله,,,)
العربية موديل 2005 (يعني ما لحقتش تقدم؟؟)
يعني كدة احتمال بيض الطرف انة تقيل ؟؟؟اكشف علية والا اسيبة (مايضرش وما يتعبش الباور؟؟)
انا باكرر اسفي معلش انا باحب اسأل علشان اتلسعت كتير من الصنايعية,,,, وبارك الله فيك عن مجهودك

**samirayad** · 05-04-2010 05:40 PM

بلاقيه علي لحد الاخر وبشوف تقليب الزيتز

فين بالضبط ...........؟

لحد مايلمس الغطاء مثلا

يعني كدة احتمال بيض الطرف انة تقيل ؟؟؟اكشف علية والا اسيبة (مايضرش وما يتعبش الباور؟؟)

أكشف عليه
لقيت كاوتشه سليم

سيبه فى حاله
لقيت كاوتشه مقطوع

غيره بنوع جديد
ومش عاوز أقولك أغسله وشحمه وغير الكاوتش ( والعك ده )

فلو هو لامم تراب ورمل وناطر شحمه ( بسبب الكاوتش المقطوع )

غيره أحسن

**bakkarahmed** · 05-04-2010 05:42 PM

علي لحد آخر الخزان

**samirayad** · 05-04-2010 05:44 PM

خد هواء دايرة الباور ياباشا صح
ومتعملش حاجه تانيه

وجرب
وأدعيلى

**bakkarahmed** · 05-04-2010 05:46 PM

انا هانزل اعملة دلوقتي(هاروح اميكانيكي)

**samirayad** · 05-04-2010 05:50 PM

أستنانى أستنانى

في تسريب بسيط لزيت الباور يؤدي الي نقص ملليمترات كل شهر (قلي حرام نفك الاويل سيل الاصلي علشان تسريب خفيف زي دة)

أعرف ده منين برضه
ولازم تعالجه بالمره
علشان نحكم دورة الزيت
ليكون المكان ده ( هو اللى بيدخلك هواء لدايرة الباور )

فشوف التسريب ده منين وقوللى برضه

**romeo_6887** · 05-04-2010 06:20 PM

انا برضه كنت مغير بيض طرف و كانت الطاره تقيله شويه صغيره فقكت ظابط زوايا فالعمليه بقت تمام و بعديها بفتره رحت ربطت بيض الطرف عشان خلاص طبع و برضه ظبطت زوايا تاني و العربيه زي الفل في اموضوع الباور الي الان

**bakkarahmed** · 05-04-2010 06:39 PM

التسريب كان من عند الدواسات داخل العربية(بتاع العفشة هو اللي شافة)
فقالي حرام نفك الاويل سيل علشان اللي في السوق مش كويس وبيبوظ بسرعة تاني
انا لما شفت الزيت تاني والعربية دايرة لقيتة رافع لحد ال max او فوقيها حاجة بسيطة (مش عارف كدة تبقي واخدة هوا ةلا لأ
انا شاري العربية من 7شهور زي ما هي والبارات فقط هي اللي متغيرة يعني لو كانت المشكلة تتطبيع كانت طبعت من زمان
كمان زابط زوايا من شهرين علشان كان فيها العجلة اليمين قافلة وبعد الزوايا العربية مش بتحدف خالص بس الباور زي ماهوا ثابت(وهي واقفة زي ماهيا ماشية علي اي سرعة(

**samirayad** · 05-04-2010 07:34 PM

التسريب كان من عند الدواسات داخل العربية(بتاع العفشة هو اللي شافة)
فقالي حرام نفك الاويل سيل علشان اللي في السوق مش كويس وبيبوظ بسرعة تاني

هو مش صح فى كلامه ده برضه

انا لما شفت الزيت تاني والعربية دايرة لقيتة رافع لحد ال max او فوقيها حاجة بسيطة

وكده ممكن يكون فيه هواء داخل من تحت أى أفيز على خط سحب الطلمبه
زى اللى تحت الخزان مثلا أو اللى على ماسورة السحب

لأنك بتقول فى الوضع العادى ( الزيت بين العلامتين )

بس التسريب من تحت العلبه مش حيأثر معاك أوى فى تقل الدركسيون أو الباور بمعنى أدق
لأنه على خط الطرد

عموما ربط كل القفزان اللى جايه من التنك للطلمبه
وخد الهواء وجرب الأول

وموضوع السيل أبقى أعمله بعدين