مشكله في الباور

**samirayad** · 24-04-2010 12:25 PM

انا عملت اللحام خلف القفيز اللى ماسك علبة الدركسيون اليمن
والمشكلة ظهرت بعد اللحام على طول وبعد لما غيرت سير الباور والتكيف بشوية

هى عربيتك لانوس ولا نوبيرا

وكنت بتلحم أيه بالضبط

أعتقد كنت بتلحم جوطان أو مسامير اللى بيركب عليها القفيز اليمين بتاع تثبيت الأسكترا بالكاوتشه

ياترى أنا متخيل صح الوصف ده ولا لا

**dramyd** · 24-04-2010 12:58 PM

100%
بالظبت كدة كان فى كسر فى العضم اللى تحت الجويط اليمين اللى بيركب علية الافيز بتاع العلبة او الاسكترا
وانا عربيتى خليجى بضى لانس وموتور نوبيرا وعفشة نوبيرا
بس علبة الدركسيون لانوس عشان جسم العربية
انا عارف انى تعبك معايا
بس هل طبيعى انى لما اكسر الطارة على الاخر الزيت بتاع البور ميلفش فى قلب الخزان بتاع زيت الباور والسير بيصفر والصارة تترعش

**samirayad** · 24-04-2010 01:23 PM

انا عارف انى تعبك معايا

مفيش تعب ولا حاجه

أنا بأموت فى التعب فى الفكر الهندسى للمشاكل اللى زى دى

________________________

وبص ياسيدى

بنسبة 100 %

البيه اللحام لحم أى كلام وعمل شغل مش صح

وأستقامة العلبه مش مظبوطه ومايله لفوق شويه أو لتحت شويه بعد التركيب

وللأسف الشغل فى عمليات ضبط الأستقامه للتركيبات الهندسيه
بيحتاج ناس دماغتها نظيفه

والمفروض تعرض الشغل اللى أتعمل على واحد لحام أو سمكرى يكون معلم بمعنى الكلمه

يعملك المطلوب فى مراجعة وضبط أستقامة الأسكترا
زى الكتاب مابيقول

**dramyd** · 24-04-2010 02:11 PM

فى ملحوظة بسيطة اللحام اتعمل والمسمار راكب مكانة مرحلش حاجة اللحام بس دى كانت شرخ وسرح فهوا لحمة بس والمسمار فى مكانة مكنش شيل وحط هل دى يقصر ذى مانت بتقول وهل ياترى الزيت مبيدورش فى الخزان بتاع الباور لما بكسر الطارة على الاخر

هندسة الباور صعبة اوى دى اى حاجة فيها بدوخ الواحد الله يكون فى عونك

**samirayad** · 24-04-2010 02:23 PM

هندسة الباور صعبة اوى دى اى حاجة فيها بدوخ الواحد الله يكون فى عونك

ده صميم شغلى ياباشا

وأساسا أنا ( والعياذ بالله من كلمة أنا )

كنت معيد فى ميكانيكا الموائع والدواير الهيدروليكيه

ومعايا أمتياز فى الماده دى

والحمد لله ماشى الحال وبنفكر فى الحلول لأى مشاكل فى الدوائر الهيدروليكيه بوجه عام

________________________

وبالنسبه لقصة الشرخ اللى لحمه

ممكن يكون مرجعش الوضع لطبيعته

ولو عاوز تأكد صح على القصه دى

1- لازم العربيه تترفع على رافعه فى أى توكيل

بحيث تبقى مستويه تماما ومينفعش الكلام ده والعربيه على الأرض

2- حتجيب ميزان ميه ( زى بتوع البلاط ) وتحطه على جسم الأسكترا من الخارج من المنتصف

وتشوفها متركبه موزونه صح ولا لا

زى بتوع البلاط ما بيشتغلوا ويظبطوا أستقامة البلاط

لأننى شاكك فى موضوع الأستقامه ده
بحيث مع نهاية مشوار بستم الأسكترا بيدقر فى جسمها من الداخل
ويعملك over load ( تحميل زائد ) وبكده
بيحصل أعاقه لدورة الزيت وبالتالى حمل عكسى على الطلمبه

كأن الحمل ده ( من خلال الزيت )

عاوز يوقف الطلمبه عن ضخ الزيت

علشان كده بيحصل معاك عدم التقليب للزيت فى القربه فى نهاية مشاوير الأسكترا

لأن خرج الطلمبه مكتوم بسبب الحمل العكسى للزيت اللى مش ماشى فى دورته صح

___________________________________

معلش هو الكلام معقرب شويه

بس وارد جدا أن يكون هذا أساس مشكلتك

**dramyd** · 24-04-2010 02:59 PM

انا شايف كلامك علمى جدا جدا
ويارب ربنا يوفئك وتكون فى احسن حال

بس انا كنت واقف والعلبة بتتفك وتتركب وانا اللى كنت بقول للراجل اللى بيلحم لسة دى ودى وكنت شايفة كويس

العلبة متلعتش فوق خالص ولا تحت انا متاكد دى شرخ جنب المسمار والجويت
وبالظبت هو عمل اية

لحم جنب المسمار وفى سنة لحام جت فى نهاية المسمار
يعنى ممكن تكون طلعت السكترا الى برة نص او مللى كامل
يعنى فى اتجاه قدام العربية نحية الموتور

وحت حتة حديدة فى صدر العربية عشان دى تكون تقوية ليها

والجويت بتاع الافيز فى مكانة دى كان ماسك اصلا ومتحركش
وبالتالى مدام الجويت مكانة والمسمار متحركش الافيز يركب على طول
دى اللى حصل

وعلى فكرة الطارة تقيلة بس بتمشى

هى ممكن تكون من السير

يارب اعرف اوصلك اللى حصل

**samirayad** · 24-04-2010 03:17 PM

لحم جنب المسمار وفى سنة لحام جت فى نهاية المسمار
يعنى ممكن تكون طلعت السكترا الى برة نص او مللى كامل
يعنى فى اتجاه قدام العربية نحية الموتور

طيب أنت شايف أن كده مش فيه حاجه غلط برضه

الأسكترا طالعه لبره من الجنب اليمين ( علشان فيه عك وعدم نظافة لحام و بودرة لحام مسيله وماسكه على كعب الجاويط ....اللى المفروض يبقى زى زمايله )

وده طبعا يخليها ملوحه لدرجة أنك ممكن متشوفهاش ولا تلاحظ اللوحه

واخده زاوية ميل من اليمين للشمال

والهوا بيفرق أوى على حركة الأتياش ونقل الحركه اليها

وكده أنت أكدت على أن العيب فى شغل اللحام

لأن الأمور بتاعة التركيبات دى حساسه جدا جدا جدا

وحت حتة حديدة فى صدر العربية عشان دى تكون تقوية ليها

دى ممكن تكون مش ذات تأثير على أساس أنه حب يعمل تقويه فوق الشرخ مثلا ويلحم حوالين القطعة الحديد دى

علشان الشرخ ميفتحش تانى ( لو لحمه هو بس )

والصراحه أنا عاوزك تشوف سمكرى كويس يكشفلك على الشغل ده

لأن مشكلتك منحصره فى المنطقه دى

**samirayad** · 24-04-2010 03:35 PM

وانا عربيتى خليجى بضى لانس وموتور نوبيرا وعفشة نوبيرا
بس علبة الدركسيون لانوس عشان جسم العربية

هنا فيه سؤال برضه يجب أن نسأله لأنفسنا

هل علبة الدركسيون بتاعة الانوس ( اللى تصميمها مختلف عن بتاعة النوبيرا )

متوائمه مع عفشة النوبيرا

ده سؤال مهم الصراحه

قبل القصص اللى قولتلك عليها قبل كده

لأن ممكن تكون اللوحه برضه مش سبب رئيسى

فا أحكيلى شويه

قصتك مع شوية الكشرى دول

أصل لازم نحط أيدينا على كل ملحوظه فنيه

وأنا متابع معاك

واحده واحده

لأن ده الصح فى تحليل المشاكل الفنيه

بضى لانس

ودول معناهم أيه

بس لانوس مثلا

**dramyd** · 24-04-2010 03:43 PM

كلامك جميل

بس انت تفهم اكتر منى بكتيييييييييييييييير طبعا
بس انا مش شايف انى اللملى دى يدبدب وينفض الطارة فى اليمين والشمال ممكن يتقلها ماشى بس يبهدلها مش ماشى

انا كمان يومين اشوف احاول انزل العلبة كلها واجر العربية عند سمكرى وشوف الدنيا فيها اية
بس الحكاية دى صعبة قوى اكيد اللى فى العربية دى من الملى اللى ممكن تكون طلعتة العلبة

ولا اية رايك احاول ائيس بين الاسكترا وبين جشم العربية من اليمين والشمال وشوف لو فى فرق يبقا اعمل اللى انت قولت علية

**samirayad** · 24-04-2010 03:59 PM

المشاركة الأصلية كتبت بواسطة samirayad

هنا فيه سؤال برضه يجب أن نسأله لأنفسنا

هل علبة الدركسيون بتاعة الانوس ( اللى تصميمها مختلف عن بتاعة النوبيرا )

متوائمه مع عفشة النوبيرا

ده سؤال مهم الصراحه

قبل القصص اللى قولتلك عليها قبل كده

لأن ممكن تكون اللوحه برضه مش سبب رئيسى

فا أحكيلى شويه

قصتك مع شوية الكشرى دول

أصل لازم نحط أيدينا على كل ملحوظه فنيه

وأنا متابع معاك

واحده واحده

لأن ده الصح فى تحليل المشاكل الفنيه

ودول معناهم أيه

بس لانوس مثلا

خلينا مع الكلام ده الأول

وسيب اللى فات شويه مؤقتا