الموضوع: شحن البطارية في المنزل

المشاركة الأصلية كتبت بواسطة tompina

تلاقيها استهفقت الباور سبلاي وقالت بقى العيل ده هواللي هايشحنني ؟ الله يرحم أيام ما كان تونجر قده عشر مرات مايقدرش علي! أنا متأكد إن بطاريتي كانت بتقول كده !

الله عليك ياحمو

طيب بدل ما انت عارف ان البطاريه هتعمل كده كنت غميت عنيها بأي حاجه عشان متعرفش ايه بيشحنها

او كنت اكتب على الباور سبلاي تونجر كبير اوي

المشاركة الأصلية كتبت بواسطة samirayad

هو الباور سبلاى
خرجه كام فولت ثابت DC VOLT عندك ياحمو

متكتب البيانات اللى عليه بالضبط

المشاركة الأصلية كتبت بواسطة samirayad

مادام الصوره مش واضحه أمامنا والكاميرا تعبانه

أكتب كل الداتا الموجوده فى ال output

وبلاش ال input
لأنه معروف

حاضر يا باشا :
من الشمال لليمين :
orange : 3.3 v
12 A
------------
yellow: 12 V
12A
-----------
blue: - 12 V
0.5 A
----------
red : +5 V
22 A
----------
white: -5 V
0.5 A
-----------
purple: +5 V se
1.5 A
------------
black : com
GND
-----------
green : PS-ON
-------------
brown: POK

المشاركة الأصلية كتبت بواسطة mohammad_alshamy

الله عليك ياحمو

طيب بدل ما انت عارف ان البطاريه هتعمل كده كنت غميت عنيها بأي حاجه عشان متعرفش ايه بيشحنها

او كنت اكتب على الباور سبلاي تونجر كبير اوي

ههههههههههههههههههه

خلاص يا باشا المرة الجاية هاشحنها في الضلمة !

المشاركة الأصلية كتبت بواسطة samirayad

يبقى ينفع ياباشا

بس البطاريه مش حتزيد عن 12 فولت بعد الشحن
وممكن متوصلش للرقم ده ( حسيب كفاءة الباور سبلاى )

وبالتالى ممكن يبقى غير مجدى للأستعمال مع مارش تعبان شويه
أو مكنه عاوزه حمل أداره كبير فى البدايه

لأن التناجر بتبقى أعلى فى الفولت من كده ( حوالى 14 فولت على ما أعتقد )

وحتاخد وقت شحن معاك ( مع بطاريه 55 أمبير كويسه )

حوالى خمس ساعات أو أقل شويه

يعني مبدئيا الموضوع صحيح ..
وعلى فكرة .. عربيتي (لو هادورها زق وهي باردة) بتدور بصعوبة ، أما وهي سخنة بتدور بسرعة جدا (ودا في حالة الزق)
أما لو البطارية كويسة وهادورها مارش فبتدور من أول تكة سواء باردة أو سخنة
إنما بطاريتي واقعة خالص وأنا طالع أشحنها عن طريق مشترك مع عربية واحد صاحبي كمان شوية وهاخدها مشوار صغير كده عشان تتشحن مظبوط .
لحد ما المصنع يفتح ويقول فيها القول الفصل ..
إنما قلي يا باشا .. لو هي بايظة .. أجيبها جافة وللا زي اللي معايا دي ؟
وكلامك سليم يا باشا لأن كفاءة البطارية شبه منعدمة لأنها مليانة شوائب زي تفل الشاي الناعم ولونها أسود ومملحة من جوة .

طب يا باشا لو جبتها جافة وركنتها فترة .. هاتتشحن برضه على الباور سبلاي وللا هاتبوظ من الركنة زي البطارية دي ؟
(على فكرة البطارية دي لم تستعمل أكثر من خمس شهور)
وللعلم قبل الفضيحة : البطارية دي ماركتها (النسر فارتا الألمانية) !

المشاركة الأصلية كتبت بواسطة tompina

أجيبها جافة وللا زي اللي معايا دي ؟

هات ACdelco جافه , عن تجربه

بأمانه بطاريه وووحش , وكمان فيها مؤشر مستوى الطاقه والشحن في البطاريه , يعني هتريح دماغك

1- ضوء اخضر = شحن جيد
2- ضوء اسود = اشحن البطاريه
3- ضوء ابيض = استبدل البطاريه