الموضوع: شحن البطارية في المنزل

المشاركة الأصلية كتبت بواسطة tompina

والله العظيم إحنا خسارة في الحكومة دي .. ماتيجي نشوف لنا حتة طرية كده على جنب نعمل لنا فيها يوتوبيا التفكير ونعيش !
ياللا .. القصد ..

هههههههههههههههههههه اسكت لا حد يسمعنا مش من حقك كمواطن انك تحلم حتى بحاجة زي دى

معلش يا باشا معلوماتي عن الكهرباء بقت زي معلوماتك عن بذر البطيخ !
يعني أنا دلوقت أوصل الأصر موجب والأبيض سالب والأسود يقف طرطور وللا إيه ؟
معلش كلامي هزار بس صيغة السؤال جد

ايوة شيل الاسود من الموضوع

بص على مثال الحجارتين اللى انا راسمهم
تخيل الاسود بين الاتنين
وانت محتاج 3 فولت

اكيد مش هتوصل من عنده هتوصل الحجارتين مع بعض من الاطراف البعيدة

ويا باشا هزر براحتك مفيش حاجة والله

المشاركة الأصلية كتبت بواسطة eng_ahmedryad

17 فولت و 10,5 أمبير

والـ 17 فولت مش كتير ، بس كان نفسي الأمبير يكون أقل دي حاجة

في حاجة تانية كمان ، الباور صبلاي مصمم أن يمشي في الدايرة اللي بتولد 5- فولت أن يمشي فيها 0,5 أمبير ، ياترى أيه اللي ممكن يحصل لما تمشي فيها 15 أمبير ؟؟

اهى دى مش هتبان الا بالتجربة
بس عموما الباور سبلاى بتاع الكمبيوتر فيه حماية اوتوماتيك لو حصل اوفر لود بيفصل فورا


واستفسار بسيط ، عرفت منين أن الأصفر 15 أمبير والأبيض 5- فولت 0,5 أمبير

؟؟؟

مكتوب على الباور و في النت ع المواقع اللى بتوضح الـ pin assignment

المشاركة الأصلية كتبت بواسطة amrelsaqqa

ما نا سألت الـ17 هينفعوا ولا لا :n_no[1]: ولسه مش عارف
بس لو محتاجين جهد 14 ممكن نوصل مقاومة توالى ونحسب قيمتها بحيث يبقى عليها الـ 3 فولت الزيادة بس يبقى لها وات محترم عشان ما تتحرقش

ولا ايه ؟

لا ياباشا

أنت كلامك منطقى برضه

لأن انا راجعت فى الجهد اللى خارج من مولدات السيارات لشحن بطاريه السياره

وقالى فعلا فى الكتالوج
أنه مسموح يكون خرج الدينامو لحد 16 فولت
وكده مفيش تأثير على البطاريه

أما لوكان خرج الدينامو أكبر من 16 فولت يبقى ال avr بيودع أو على وشك

وبكده أعتقد ال 17 فولت مش حيفرقوا كتير عن 16 فولت ( المسموح بيهم كأقصى جهد ممكن يخرج من الدينامو ال 12 فولت )

وممكن يستخدم كبل شحن طويل بين الباور سبلاى والبطاريه
بحيث يزود نسبة المفاقيد خلال كابل الشحن
وحيكون الفولت اللى رايح من ال 17 بتوع الباور سبلاى خسع شويه
وممكن يوصل ل15 أو أقل عند البطاريه
وكده البطاريه حتبقى فى أمان تام

المشاركة الأصلية كتبت بواسطة eng_ahmedryad

بص ياباشا ، أنا كنت صلحت قبل كده وحدة خلايا شمسية ، واكن فرق الجهد اللي داخل بعد المنظم كان 20 فولت وكان شغال تمام بدون مشاكل ومحصلش حاجة برضه ، بس خلي بالك من حاجة ، أن البطاريات دي بطاريات للخلايا الشمسية ، يعني ممكن تكون ليها مواصفات تانيه معرفهاش ، بس هي كانت جافة ، 65 أمبير و 12 فولت .

وعموما الأحتياط واجب ، لو تعرف تجيب مقاومة متغيرة وتتوصل توالي وتوصل كمان أميتر توالي وتزود المفاومة على الأخر ، وتوصل وبعديها تبدأ تقلل في المقاومة لحد لما توصل للتيار المناسب - أقل من 10 أمبير - وخلي بالك أن الأميتر لي توصيله مختلفة لما بيزيد التيار عن 1 أمبير ، بتبقى من بره الفيوز بتاعه .

تمام ومتهيألى الاول هنحسب محتاجين مقاومة كام وات