الموضوع: شحن البطارية في المنزل

المشاركة الأصلية كتبت بواسطة samirayad

يعنى أنواع التيار نوعين

1- تيار ثابت أو مستمر

2- تيار متغير أو متردد

أما أنا بألعب فى المتغير أزاى وأحوله من خلال دوائر التقويم والتنعيم الى ثابت
فدى قصه تانيه

ايوة

هو تقريبا الباشمهندس علي

في الاول كان عايز يفرق بين المرحلة المتوسطة اللى هى قبل التنعيم و المرحلة الاخيرة خالص اللى هى : ( DC على اصوله خط ثابت )

فكان مسمى الاولانية مستمر (كاتجاه ) بس متغير (كقيمة )




و التانية مستمر (اتجاه) وثابت ( كقيمة )




يعنى اعتبرنا ان الاولانى اسمه مستمر والتانى اسمه ثابت (مجرد تسميات للتفريق )

بس طبعا كل تيار ثابت القيمة هو اصلا اكيد مستمر انما مش كل مستمر ثابت


يعنى في الاخر التيار نوعين يا متردد يا مستمر بس

بس المستمر ممكن يكون ثابت او ممكن يكون متغير في القيمة ، بس كدة كدة اسمه مستمر لانه موحد الاتجاه

المشاركة الأصلية كتبت بواسطة samirayad

مش نظام

أخبطه علشان ميعرفش يفكر معاك

علشان أقول اللى على مزاجى

واضح ان حضرتك مصر تهاجمني ودي حاجة انا مقلبهاش
ف ياريت نكتفي بكدا لاني مش هقبل اي كلمة زيادة

المشاركة الأصلية كتبت بواسطة tompina

أنا صورت الوضع ـ ولو إن التصوير مش مفيد في الحالة دي ـ لكن عشان خاطر عيون محمد الشامي وعيونكم.

دي الصورة الأولى والتمليح ابتدى من جوة السلك .. مش عارف واضح وللا لا .

ودا منظر عام للحوار .
والملاحظ إن في فقاعات بدأت تتكون ببطء حجمها صغير بس أكتر مكان بتتكون فيه هو تحت القطب السالب.
وحرارة البطارية بنفس درجة حرارةالغرفة ولسة مازادتش .

تماااااام جدااا

بس ليا رجاء عند حضرتك

انا شايف قماش في الصورة

ياريت تاخد بالك وتبعد عن اي شيء قابل للاشتعال
وتحط البطارية على ارض بلاط فاضية او ترابيزة بلاستك

دى كهربا ونار وربنا يستر

ودي حاجة انا مقلبهاش

أقلبها براحتك

زى مأنت بتقلب الأمور

وبتفهم كل حاجه بالمقلوب

يعنى في الاخر التيار نوعين يا متردد يا مستمر بس

هو ده اللى أنا عاوز ااقوله

أما أنا بأعمل أيه مع المتغير (المتردد ) علشان أحوله لثابت

فده وضع تانى ( زى ما أنت عارف )

بأخليه يمر على دايرة تقويم ودايرة تنعيم

ويلاحظ يا أخى أن أختلاف شدة التيار
ملهاش علاقه بنوع التيار

فبتتوقف على تصميم الآله ومقدرتها على أخراج قدره كهربيه معينه ( سواء آله لأنتاج تيار متغير أو آله لأنتاج تيار مستمر )
ممثله فى الفولت والتيار بالمعادلات الكهربيه المعروفه فى قوانين أحتساب القدره

المهم

الفولت والتيار الناتجيين من مولدات التيار المستمر
بيبقوا ماشيين مع بعض فى نفس الأتجاه وأخوات وحبايب وعلى خط مستقيم واحد

أما فى مولدات التيار المتغير .........بيبقوا مش طايقيين بعض

والفولت عمال يلف على التيار فى صورة منحنى جيبى ملعبك ( لفوق وتحت )

أحنا بأه بنوضبه ونعدله دماغه ( الفولت طبعا ) بالتقويم أولا لعدله شويه (علشان يبطل ماشيه العوج شويه بدايرة التقويم )

ولو عاوزين نروقه كمان وكمان .........بنخليه يمر على دايرة التنعيم وراها على طول

تمام كدة بس الاهم من ده كله يا بشمهندس سمير انكوا تتصافوا

والا هيكون خسرنا من المجادلة دى اكتر من ما كسبنا

ومعلش ياريت تخليك الكبير حتى لو كان هو غلط فيك ( انا مش بقول انه غلط لا سمح الله لانى ليس لي علاقة بالموضوع وانا ماليش اقول مين غلط في مين - ده مجرد افتراض-)

بس الكلام للجميع :

خيرهما الذى يبدأ بالسلام
و ادفع بالتى هى احسن