الموضوع: شحن البطارية في المنزل

المشاركة الأصلية كتبت بواسطة samirayad

كلام سليم

والله ينور عليك
ياهانى باشا

فده ( على رأى حمو )
أفو أنالوج .............نوع تقليدى قديم ( وشارى زيه صينى ب12.5 ج وطلع بايظ للأسف )

وليس ديجيتال .........مثل الأنواع الحديثه

ده لسه ماباظش عشان أنا لاطشه من بابا ولسه بخيره

الموضوع باختصر ..
لقيت على النت حوار شدني ..
والرابط بتاعه أهه:
تصنيع شاحن بطارية سيارة

وبعدها حسيت إن الموضوع كبير فقلت أدور على طريقة ( بلدي ) تنجز من غير الدخول في تفاصيل معقدة ومكلفة ..
ففكرت إن البطارية زيها زي أي مصدر قابل للشحن ليه أمبير وفولت معينين وسعة شحن ومدة شحن وخلافه .
(معلش أنا مش متخصص عشان كده كلامي على قدي)
طيب .. البطاريات بتتشحن بتيار ثابت والتيار الموجود في المنزل تيار متردد
طب إيه اللي يحول التيار المتردد لثابت ؟
حاجة اسمها الديود

مهمته هي : جعل التيار يمر فى اتجاه واحد فقط و لا يمر فى الإتجاة الآخر
وهو عبارة عن وصلتين وصلة موجبة ووصلة سالبة ويمر التيار بها اذا كانت موصولة بالبطارية
الموجب مع الموجب والسالب مع السالب ومرور التيار في هذه الحالة يسمى بالانحياز الامامي
اما اذا تم عكس القطبية فانه لا يمر تيار الا اذا كان الجهد اكبر من جهد الانحياز العكسي للدايود
وعلى هذا الاساس يستخدم الدايود في توحيد التيار المتغير وتحويله الى مستمر ويستخدم بكثرة في مصادر القدرة للتيار المستمر .
حلو الكلام .. بس لسه بالنسبة للغلابة اللي زيي صعب التنفيذ .
بس .. فافتكرت إن المحولات اللي موجودة في بيوتنا بتقوم بكل المطلوب .. توحيد تيار وأمبير وفولتية ..
يبقى ليه ماندورش على محول مناسب يقوم بالموضوع .. بعد حساب مدة الشحن والتأكد من القطب السالب والموجب ؟
آدي الموضوع باختصار

المشاركة الأصلية كتبت بواسطة samirayad

لا هو أفو أنالوج

وجواه مجموعة أجهزه

المشاركة الأصلية كتبت بواسطة samirayad

فولتميتر .........لقياس الفولت بنوعيه

أوم ميتر ........لقياس المقاومه للموصلات

أمبيرومتر ........لقياس شدة التيار الكهربى بنوعيه

وغيره من الأجهزه

تقدر تقول عليه ( أبو العيال )




وأبقى أسأل باباك على أسمه الصح

إن مكنتش مصدقنى !!!!!!!!!!!!!!!

ما هو لسه في حاجات أنا ماعرفتهاش إلا بالبحث على النت ..
وبعدين يعني هو بابا كان كهربائي .. أبويا آخره يفرح إن المؤشر بتاعه بيتحرك .. وبعدين هو اللي سألني أساسا الجهاز ده بتاع إيه ؟!
بابا راجل شيخ بتاع خطب على المنبر ودكتور في أصول دين وبس !

طب على كده بقي لو البطاريه نامت فى الجراج مثلا مثلا.اجيب الباور سبلاى واشغل بيه العربية وخلاص لو في فيشه جنبي؟؟؟؟؟؟؟؟؟؟؟؟

المشاركة الأصلية كتبت بواسطة goldenfish7

طب على كده بقي لو البطاريه نامت فى الجراج مثلا مثلا.اجيب الباور سبلاى واشغل بيه العربية وخلاص لو في فيشه جنبي؟؟؟؟؟؟؟؟؟؟؟؟

أيوة ..
نظريا الكلام ده سليم .. وعموما أنا بطاريتي نايمة والحكاية خربانة خربانة فاهاشحن البطارية بتاعتي لمدة 4 ساعات على الكابل الأصفر عشان يتراكم تيار 48 أمبير
بكرة إن شاء الله هابلغكم بكل أمانة بالنتيجة .