شحن البطارية في المنزل

**samirayad** · 04-04-2010 10:20 PM

المشاركة الأصلية كتبت بواسطة tompina

الباش مهندس بيموت في الهزار مش التريقة .

حسب أستشعارى لفحوى الكلام

وعلى حسب الريح برضه

(على رأى عبد الحليم ياحمو )

يعنى أنا مش قرطاس برضه

أخوك بعون الله وبلا غرور
بيفهمها وهى طايره

وبيعرف الزبون ............ويديله شكله

بأصول اللعب والأدب برضه
لأننا فى مكان محترم

مش قاعدين على القهوه ومولعين حجرين مثلا

زى نظام
مساء الفل يامعلم ...........وخدلك نفسين

فلكل مقام مقال

مع مراعاة أننا نتبع قوانين وقواعد ووافقنا عليها ويجب عدم الحيود عنها

وإلا الباقى معروف

أما لو فيه زبون عاوز يفتح على البحرى ونشكل براحتنا

يجيلنا ونتقابل على القمه
ونشوف مين اللى حيخلص فى الدور

لأننا فى بيت ( مش بتاعنا )

وطالما دخلناه وأخترناه

يبقى على طول
أحنا بنتبع تعليمات أهل البيت

وإلا حيكرشونا بره

وأنا عن نفسى
أما بأخش بيت .....لازم أراعى حرمته

وبأحاول أعمل كنترول على نفسى
لعدم جرح أحساس أهل البيت ( مهما أستفززت بأى حال من الأحوال )

مش كده ولا أيه

**tompina** · 04-04-2010 10:25 PM

المشاركة الأصلية كتبت بواسطة samirayad

حسب أستشعارى لفحوى الكلام

وعلى حسب الريح برضه

(على رأى عبد الحليم ياحمو )

يعنى أنا مش قرطاس برضه

أخوك بعون الله وبلا غرور
بيفهمها وهى طايره

وبيعرف الزبون ............ويديله شكله

بأصول اللعب والأدب برضه
لأننا فى مكان محترم

مش قاعدين على القهوه ومولعين حجرين مثلا

زى نظام
مساء الفل يامعلم ...........وخدلك نفسين

فلكل مقام مقال

مع مرعاة أننا نتبع قوانين وقواعد ووافقنا عليها ويجب عدم الحيود عنها

وإلا الباقى معروف

أما لو فيه زبون عاوز يفتح البحرى ونشكل براحتنا

يجيلنا ونتقابل على القمه
ونشوف مين اللى حيخلص فى الدور

يعني إنت زعلت يا باشا عشان أنا رديت ؟
طمني أنا ماقدرش على زعلك يا كبير

**samirayad** · 04-04-2010 10:30 PM

طمني أنا ماقدرش على زعلك يا كبير

لا والله
مفيش أى زعل

طالما أنا بأفضفضلك كده
ولا أحقن أشياء داخلى ( وهو ده طبعى فعلا )

فثق تماما
بأنك فى أيد أمينه

**aly_hosny** · 04-04-2010 10:35 PM

المشاركة الأصلية كتبت بواسطة samirayad

طيب ماتدخلنا الأول ياريس فى التفاصيل دى
ينوبك ثواب

وهل يوجد فرق بين التيار الثابت والمستمر ( مثلما تقول ) ................؟

ماهو علشان نروح مكان معين ( زى دوائر الشحن )

يبقى لازم نعرف الوصفه للمكان اللى عاوزين نروحله ( زى التفاصيل الفنيه )

اكيد طبعا في فرق
الثابت ال هو شدته سابته وممكن تعبر عنه بالمعادلة
Y=5
يعني هترسم خط مستقيم يوازي محور X
انما المستمر ف هو التيار ال اتجاهه واحد و شدته ممكن تغير زي الخرج بتاع الدايرة ال تحت دي

المشاركة الأصلية كتبت بواسطة tompina

ال هي الخرج بتاعها هيبقى عبارة عن موجتين متركبين على بعض ب فرق في ال Phase قدره 180 درجة وعدم مرور الجزء السالب
والفرق الجوهري بقى ان التيار لو قيمته بتتغير يبقى مينفعش يشحن البطرية
والتيارين يطلق عليهم اسم تيار مستمر او DC

**Hany A Fattah** · 04-04-2010 10:38 PM

انا مش فاهم حاجه

**samirayad** · 04-04-2010 10:43 PM

اكيد طبعا في فرق
الثابت ال هو شدته سابته وممكن تعبر عنه بالمعادلة
y=5
يعني هترسم خط مستقيم يوازي محور x
انما المستمر ف هو التيار ال اتجاهه واحد و شدته ممكن تغير زي الخرج بتاع الدايرة ال تحت دي

طيب أيه رأيك

أن ده هو ده

الثابت هو المستمر

**samirayad** · 04-04-2010 10:44 PM

المشاركة الأصلية كتبت بواسطة razini89

انا مش فاهم حاجه

واحده واحده ياهانى

هنوصل إن شاء الله

على فكره أنا مش مهندس / كهرباء

ولكن أعرف جيدا فى المفاهيم والدواير الكهربيه

وعلى قدى برضه ( لأن الهندسه الكهربيه والهندسيه الألكترونيه علم كبير للغايه وتحتاج دماغ قبل العضلات )
وهذا من فضل الله عليا

**yoko** · 04-04-2010 10:57 PM

ما هو لو حد عايز يعمل rectfire محترم يبقى لازم يعمل عمليه تنعيم بمكثف

**samirayad** · 04-04-2010 11:06 PM

تؤ نؤ نؤ
اولا احب اعرف حضرتك اني اتخانقت مع معيدين وناس كتيرة ومحدش انصفني غير دكاترة اتصالات
بص انا هرسملك واوضحلك

أنا بأه حوضحلك وأفهمك علشان لما تتخانق مع حد تتخانق على حق

وياباشا من غير متتخانق مع معيدين ودكاتره وغيره

1- الشكل رقم ا بيعبر عن سلوك التيار الثابت ( أو المستمر )

وده بنسميه منحنى ثابت لأن الفولت والتيار المتولدين من جهاز أنتاج كهربى ( زى الدينامو )
بيكونوا أخوات وحبايب وماشيين مع بعض فى طريق واحد

وبنقول ماشيين ( الفولت والتيار ) فى نفس الطور (أو السكه والمسار )

بمعنى

IN DC GENERATORS V& i ARE IN THE SAME PHASE

2- فى الشكل رقم 2 ......المنحى ده لسلوك التيار مع الفولت فى مولدات التيار المتغير
وبيبقوا على أختلاف
الفولت ماشى فى شكل منحنى جيبى على أتجاه التيار

والشكل اللى أنت عامله فى رقم 2 ده لتيار متغير ( أحادى الوجه ) تم
عمل تقويم وتوحيد لأتجاه الفولت على التيار

بواسطة موحدات التيار ( الدايودات )

الخلاصه

التيار الكهربى نوعين فقط

1- تيار ثابت أو مستمر ( نفس المسمى )

2- تيار متغير

وكل واحد من دول
ليه آله كهربيه بتنتجه ( حسب تصميمها الهندسى )