الموضوع: شحن البطارية في المنزل

المشاركة الأصلية كتبت بواسطة tompina

والله مش عارف أقوللك إيه على الواجب اللي بتعمله معايا

شكلك ناوي على العضوية دي كمان يا باشا

ياريت يا أخ علي حسني تبطل الأسلوب السخن ده في الكلام مع الباش مهندس لأنه أولا من سن والدك ثانيا أسلوب الحوار ممكن يدار بطريقة راقية عن كده ..
لو الكلام عاجبك ممكن تعلق ولو مش عاجبك ممكن تسكت .. وخدبالك إن في أعضاء كتيرقرأوا ومعلقوش لأنهم مابيحبوش المزايدة بالكدب .
كنت أتمنى يكون كلامك أهدى مش بطريقة اللي على راسه بطحة .. ومش من أول عبارة تطلع من راجل ليه تاريخه وثقله الأدبي وسطنا تهب فيه بالطريقة دي .. ومن فضلك ..
ياريت رأيك فيه يكون لنفسك وماتتحفناش بيه.

أولا بأشكرك ياحمو على شعورك الطيب هذا

وأنا فعلا مش زعلان من الأخ / على ولا حاجه

وعارف حماس الشباب كويس أوى

أنا شباب برضه ياواد ياحمو
لسه أربعه وأربعون عاما

فبلاش تشبهنى بالأباء أوى كده

وأدى العصايه اللى بأتعكز عليها أهه
رميتها علشان ترتاح

ما تحاولش تهرب من الحق
تانى حاجة انت دماغك اكبر من كده بكتيير
احنا كلنا هنا رهن اشارتك وتحت امرك لانك اخونا الكبير ومعلمنا الجليل

المشاركة الأصلية كتبت بواسطة yoko

حكايه ال٤ باور سبلاي هتبقى صعبة لإن عشان تشغله هتحتاج ٤ فيش ولو عملتهم وصله واحده الفيوز بتاع المكان هيضرب ده إزا متحرقش السلك الي في الحيطة
لكن لو ممكن يتجاب محول ونعمل باور سبلاي من الصفر بس هيكلف مبلغ وقدرة

كلامك صح
بس انا فكرت برضه يعنى ان الحوار ده مش هيزيد عن 400 وات لكل وحدة باور

و400 * 4 يعنى = 1600 وات عند اقصى لود

يعنى كأنك مشغل غسالة او مكنسة او غلاية كهربا

مش كدة ولا ايه ؟

المشاركة الأصلية كتبت بواسطة tompina

ياريت يا أخ علي حسني تبطل الأسلوب السخن ده في الكلام مع الباش مهندس لأنه أولا من سن والدك ثانيا أسلوب الحوار ممكن يدار بطريقة راقية عن كده ..
لو الكلام عاجبك ممكن تعلق ولو مش عاجبك ممكن تسكت .. وخدبالك إن في أعضاء كتيرقرأوا ومعلقوش لأنهم مابيحبوش المزايدة بالكدب .
كنت أتمنى يكون كلامك أهدى مش بطريقة اللي على راسه بطحة .. ومش من أول عبارة تطلع من راجل ليه تاريخه وثقله الأدبي وسطنا تهب فيه بالطريقة دي .. ومن فضلك ..
ياريت رأيك فيه يكون لنفسك وماتتحفناش بيه.

انا من الاول وانا بكلم باحترام ومقولتش للباشمهندس غير حضرتك
وياريت حضرتك تتكلم معايا باسلوب احسن من كدا شوية لاني موجهتلكش كلام من اساسه
اخيرا انا مغلطش لا في حد ولا في حاجة والباشمهندس ال رافض يتقبل الصح دي حاجة ترجعله

المشاركة الأصلية كتبت بواسطة yoko

معاك بس غالبا الموضوع ده هيتوصل على كهربة السلم (أقرب حاجة) فهل هتستحمل ولا ﻷ (محتاجة دراسة ودماغ فاضية والميد ترم خلاص كمان ٦ أيام )

هههههههه ياعم نفكر بعد الميد ترم

والله على رايك ربنا يستر في الميد ترم ده

بس عموما الفكرة منطقيا صح وانا شايف انها ممكن تنفع ولو فرضنا ان اللود جامد اوى
ممكن ناخد كل 2 مع بعض بفيشة
وغالبا العربية هتعطل منك في شارع وفيه محلات ومن محلين مختلفين على عدادين مختلفين هتشتغل

بس اصلا الموضوع مش بياخد كهربا اوى كدة من الac وهى دى ميزة الجهد العالى 220
انه بيقلل التيار عند نفس القدرة

انت عندك اماكن عداداتها قديمة وفيوزاتها قديمة وبيبقى شغال فيها بالـ 20 جهاز كمبيوتر عادى

المشاركة الأصلية كتبت بواسطة aly_hosny

ما هو الناتج من العملية دي جضرتك اسمه تيار مستمر ودا ال حضرتك مش قادر تتقبله
ولسبب او لاخر بتحاول تشخصن الموضوع مع ان حضرتك لو كلفت نفسك بالبحث او بس حركت الماوس وكنت دوست على اللينك كنت هتفهم الفرق وتعرف يعني ايه متغير ويعني ايه مستمر
بس الواضح انك منشف دماغك على اني "بدرس حاجة مش فاهمها" او اني مبفهمش وكذلك راي الاخ yoko والدكتور ال اداني المادة

ياباشا
أنا بأتكلم على أنواع التيار

ومش ده كلامك

اكيد طبعا في فرق
الثابت ال هو شدته سابته وممكن تعبر عنه بالمعادلة
y=5
يعني هترسم خط مستقيم يوازي محور x
انما المستمر ف هو التيار ال اتجاهه واحد و شدته ممكن تغير زي الخرج بتاع الدايرة ال تحت دي

وفيه فرق كهربى كبير أوى

بين

1- تيار ثابت منتج من مولدات تيار ثابت ( زى الشكل رقم 1 )

2- تيار تم تحويله من متغير الى ثابت أو مستمر بواسطة دوائر توحيد
وبعدها بيجىء دور دوائر التنعيم


كلامنا كله على أنواع التيار

1- تيار ثابت أو مستمر

2- تيار متغير

ودول أنت أكيد عارف أن كل واحد وليه آله كهربيه بتنتجه ( حسب تصميمها )


أما كون أنى آخد التيار المتغير ( زى خرج الدينامو بتاع العربيه )
وأعمله توحيد بالدايودات علشان أحوله لثابت أو مستمر

فدى قصه تانيه

تقدر تقول عليها

حنعالج التيار المتغير أزاى ونحوله لثابت

كما تعنى أنت