شحن البطارية في المنزل

**amrelsaqqa** · 09-04-2010 04:23 AM

المشاركة الأصلية كتبت بواسطة tompina

بس الأصفر مكتوب عندي على علبة باور تانية إنه بيدي 12 أمبير
إزاي حاصل ضربه مع أمبير الأبيض يدي 3 أمبير
والمفروض يبقى الخرج كالتالي :
12 * 0.5 = 6 أمبير ..
حد يفهمني ؟

ما لناش دعوة بالباور التانية

دى على حسب الباور اللى انت شغال عليه وعلى حسب صينى ولا اصلى والوات بتاعه
250 وات ولا 300 ولا 400 ولا 500 ولا 600

فيه باور سبلاى بيوصل لـ 700 وات واكتر وسعره اصلى بيعدى الالف جنيه لوحده :b4_237:

وبيجيبوه الناس اللى غاوية العاب وبيبقى عشان يشغل كروت شاشة العالية اللى بتشتغل بمراوح قد كدة وبتسخن بعبط!!

يعنى ما تقولش كلام على باور تانية وتطبقه على اللى انت شغال بيها
انا عندى الباور مكتوب عليه 15 امبير تقريبا

يعنى بتفرق
ايام البنتيوم ثرى مثلا كان مكفيهم 250 وات و لما الدنيا اتطورت الموضوع اختلف

وموضوع حاصل الضرب ده انا مش عارف نظامه ايه
انا بس بتوقع اللى حصل

بس انا اصلا عمرى ما سمعت ان محصلة التيار بتنضرب في بعضها

انا اللى اعرفه ان توصيل مصادر الجهد توالى ( زي الحجارة ) لو ليهم نفس التيار المحصلة بتزود الجهد والتيار ثابت زي ماهو
انما مع اختلاف التيار مش عارف لسه

**tompina** · 09-04-2010 04:30 AM

يعني إيه ؟
دخلنا حارة سد وللا إيه ؟
لازم نتصرف .. حرام بجد يضيع مجهودنا عشان علبة باور حقيرة !
عموما هادور على علبة باور تكون 400 أو أعلى وأرد عليكم .. ماتخافوش مش هاسكت !

**amrelsaqqa** · 09-04-2010 04:33 AM

مش مشكلة على فكرة
حتى لو كملنا بالـ 3 امبير دى دلوقتى
لحد ما نظبط دايرة فصل الشحن

وبعد كدة يا نجيب باور سبلاى اعلى

يا اما نوصل 2 باور سبلاى مع بعض

ودى الفكرة اللى انا كنت بفكر فيها في الاول انا خالص وده اللى خلانى دخلت الموضوع

انى عايز اوصل 4 مع بعض عشان ازود قوتهم بحيث مثلا محصلتهم تبقى 50 امبير وتشغل العربية من غير بطارية خالص

**tompina** · 09-04-2010 04:37 AM

المشاركة الأصلية كتبت بواسطة amrelsaqqa

مش مشكلة على فكرة
حتى لو كملنا بالـ 3 امبير دى دلوقتى
لحد ما نظبط دايرة فصل الشحن

وبعد كدة يا نجيب باور سبلاى اعلى

المشاركة الأصلية كتبت بواسطة amrelsaqqa

يا اما نوصل 2 باور سبلاى مع بعض

ودى الفكرة اللى انا كنت بفكر فيها في الاول انا خالص وده اللى خلانى دخلت الموضوع

انى عايز اوصل 4 مع بعض عشان ازود قوتهم بحيث مثلا محصلتهم تبقى 50 امبير وتشغل العربية من غير بطارية خالص

ماهو يا باشافكرتي كانت بتعتمد إننا مانوصلش لتمن تونجر ..
يعني 4 باور سبلاي في 50 جنيه على الأقل = 200 جنيه ودا أعتقد إنه تمن تونجر .. ويمكن التونجر أغلى من كده ..
وكمان الموضوع هايخش في تعقيدات أكبر ..
وبعدين أنا فاكر إن العربية عشان تدور بتسحب تيار 250 أمبير .. ودا تقريبا كان كلام الباش مهندس سمير ..
يبقى إزاي 4 باور هايشغلوها؟
(معلش إحنا بنتكلم يعني)

**amrelsaqqa** · 09-04-2010 04:51 AM

وبعدين أنا فاكر إن العربية عشان تدور بتسحب تيار 250 أمبير .. ودا تقريبا كان كلام الباش مهندس سمير ..

250 امبييييييير يا لهوى انت متأكد من الرقم الكبير اوى ده ؟ انت كدة بتدمر فكرتى ههههههههه

انا لازم اسأل فيها بشمهندس سمير
انا دورت على النت كتير عشان اعرف المارش بيسحب قد ايه وما عرفتش اوصل لحاجة

بالنسبة لموضوع الاكتر من باور :

هو كلامك صح من ناحية التعقيدات مع انها مش تعقيدات اوى
هتوصل الباور توازى مع بعضهم وخلاص يعنى الاصفر مع الاصفر والابيض مع الابيض

وبالنسبة للفلوس انا اعرف زمايلى في الكلية كانوا بيجيبوا الباور سبلاى الواحد بـ 5 جنيه فقط لا غير من سوق الجمعة اللى في السيدة عائشة وكانت بتبقى حالته كويسة

عموما ما تيأسش هو في اسوأ الظروف حتى لو هتتشحن في 24 ساعة برضه حاجة كويسة وكمان الشحن البطيء احسن بس انا متأكد ان دى مشكلة باور عندك لأن 250 وات ده قليل اوى

انا من يومين قريت مقولة بتقول ان الانسان الفاشل هو كان انسان فاضل له محاولة واحدة وينجح

وعندك اديسون لما عمل 999 محاولة غلط وبيكمل الالف بالصدفة عشان يبقى اسمه عمل الف محاولة اشتغل المصباح معاه

فإن شاء الله هنوصل

**tompina** · 09-04-2010 04:55 AM

خلاص يا باشا هاسيبك تنام ..
وعلى الأقل الخيوط بتتكشف يوم عن يوم ..
ولحد كده مفيش فشل والحمد لله وحتى لو على الشحن بباور كويس (400) أظن إنه هايختصر المدة للنصف .
فاضل نركز في موضوع فصل الدايرة ده .

**amrelsaqqa** · 09-04-2010 04:57 AM

تماام كدة

تصبح على خير بقى

**tompina** · 09-04-2010 05:02 AM

المشاركة الأصلية كتبت بواسطة amrelsaqqa

تماام كدة

تصبح على خير بقى

وإنت من أهله يا غالي

**amrelsaqqa** · 09-04-2010 05:22 AM

typical current draw specs are 130-150 amps for 4-cylinder models and 175 amps for 6-cylinder models

يالهوى ايه الناس دى ؟ 150 امبير اتاري المارش ده بيحرك الموتور ده كله و بيدوره و سلوك البطارية تخن كدة

والكلام ده في التويوتا كمان ده غير مارش البيجو اللى عندى اللى قد كدة
يعنى ممكن تدخل في 250 امبير فعلا مع حساب البوجيهات ونظام الاشعال كله يعنى كلامك صح

250*12 = 3 كيلو وات يعنى كأن تكييف مركزى 4 حصان وده في لحظة - بعد كدة هحس بالانجاز العظيم اللى المارش بيعمله وانا بدور - !!!

حاجة تعقد !! كدة الفكرة بتاعتى اانا فشلت :d وفاضل ااننا نركز في موضوع الشحن لأن الأمل فيه دلوقتى

انا هقوم اصلى وانام

**tompina** · 10-04-2010 12:37 AM

المشاركة الأصلية كتبت بواسطة amrelsaqqa

يالهوى ايه الناس دى ؟ 150 امبير اتاري المارش ده بيحرك الموتور ده كله و بيدوره و سلوك البطارية تخن كدة

والكلام ده في التويوتا كمان ده غير مارش البيجو اللى عندى اللى قد كدة
يعنى ممكن تدخل في 250 امبير فعلا مع حساب البوجيهات ونظام الاشعال كله يعنى كلامك صح

250*12 = 3 كيلو وات يعنى كأن تكييف مركزى 4 حصان وده في لحظة - بعد كدة هحس بالانجاز العظيم اللى المارش بيعمله وانا بدور - !!!

حاجة تعقد !! كدة الفكرة بتاعتى اانا فشلت :d وفاضل ااننا نركز في موضوع الشحن لأن الأمل فيه دلوقتى

انا هقوم اصلى وانام

حرما يا باشا ..
وبعدين ماتزعلش اقتراحك عبقري لكنه نظريا وفنيا مستحيل ..
(اللي فكروا بالوصول للقمر كانوا مهابيل بالنسبة لجيلهم) لكن فيه علماء بلعوا الهبل بتاعهم ونفذوه ..
القصد إن كل الاحترام ليك على تفكيرك وبما إننا مسلحين بالعلم مش بنضبش يبقى هانوصل بإذن الله ..
أنا معاك للنهايا في الموضوع التجريبي المهم ده وبإذن الله هانوصل لنتيجة مرضية للكل .

الموضوع: شحن البطارية في المنزل

LinkBack

أدوات الموضوع

عرض

-

-

-

-

-

المواضيع المتشابهه

إحذر ..! البطارية السائلة تتلف بعد تغيير مياه البطارية

::: وحدى فى المنزل :::

شغل على الكمبيوتر من المنزل

بمناسبة موضوع شحن البطارية فى المنزل

مغامرات لمبة البطارية ولمبة البطارية ...؟

الكلمات الدلالية لهذا الموضوع

المفضلات

المفضلات

ضوابط المشاركة