الموضوع: شحن البطارية في المنزل

المشاركة الأصلية كتبت بواسطة amrelsaqqa

إزاي ؟؟ المفروض لما توصل البطارية على على الشاحن مباشرة وتقيس فرق الجهد ، في الحالة دي أنت بتقيس محصلة فرق الجهد بين الأتنين ( الشاحن والبطارية )
يعني 6 فولت (شاحن) - x فولت (البطارية) = الفولت اللي أنت قايسه بالأفو تمام ؟؟
وخلي بالك أن في أول عملية الشحن ، البطارية بيبقى الجهد بتاعها ضعيف ، يعني الجهد بتاع المحصلة بيبقى كبير في الأول وبعدها بيقل بالتدريج

طيب إزاي زي مانت قايس كده في الأول بيبقى 3,8 وكمان بعدها بيزيد لـ 4,1 ، ده لأن الأول بيبقى البطارية فاضية وتيارها ضعيف يعني فرق الجهد ده كافي أنه يشحنها في الأول ، لكن بعد كده فرق الجهد ده مش بيكفي أنه يشحن بسرعة ، فبيزود فرق الجهد علشان يسهل عملية الشحن ، وإلا كنت هتلاقي أن البطارية في الأول بتشحن بسرعة وبعد شوية تلاقيها تتطول جدا علشان تكملها للأخر ، وده بيحصل في الشواحن التعبانة زي بتاعت الموبايل اللي مش أصلية .

لا بص انا في الاول كنت متلخبط ومش عارف التيار اللى بيزيد ولا الجهد اللى بيزيد في الشحن و لا ايه بالظبط

لحد ما بالتجربة فهمت

بطارية الموبايل لما تكون فاضية والموبايل خلاص هيفصل بتكون مثلا 3.6 فولت
لما بقيسها لوحدها بيدى كدة

ولما بقيس الشاحن لوحده بيدى 6 فولت
لما بوصلهم ببعض واقيس برضه بيدى 3.6 ويبدأ يزيد مثلا وفصلت انا الشاحن عند 3.9
لما افصل الشاحن واقيس تانى الاقى 3.9 بالظبط و البطارية لوحدها ( يعنى لما بقيس وهم مع بعض مش بيقيس الفرق كدة كدة بيقيس جهد البطارية الا لو الشاحن لوحده بيقيس 6 فولت )

يعنى ملخص الموضوع

البطارية لوحدها = الفولت بتاعها
البطارية والشاحن = فولت البطارية ويبدأ يزيد
الشاحن لوحده = فولت الشاحن ( 6 فولت )

طيب هو كده الكلام ده عكس ما الكتاب ما بيقول ، لكن طالما جربت يبقى الفيصل بتاعنا الريلاي نفسه ، فلو تعرف توصل لواحد يبقى مصلحة ، وبكده يبقى حسمنا الموضوع ، وفي الحالة دي يبقى عاوزين الريلاي يشتغل عند الـ 14 فولت .

انا خليت الموبايل نفسه يشحن البطارية للاخر لحد ما كتب battery full ورجعت فكيت البطارية وقستها لوحدها لقيته شحنها لحد ما بقت 4.1 وخلى بالك البطارية اصلا 3.7

يعنى الفكرة ان الموبايل عنده قيمه عظمى للجهد بيوصل لها وبيقارن بيها اللى هى 4.1 وبعد كدة بيفصل

وفي جميع الاحوال كان التيار ثابت 0.8 امبير اللى هم 800 مللى امبير اللى مكتوبين على الشاحن




خلي بالك أنت كده كل حساباتك مبنية على الجهد بتاع البطارية ، طيب هو مش في جهد داخل من الباور سبلاي هو ده اللي هيشغل الريلاي علطول قبل ماتدخل على البطارية

الحكاية دى هتحصل لو انت شغلت الشاحن ومفيش بطارية

الـ 17 فولت هيروحوا للريلاى ويشتغل ويفصل توصيلة البطارية
ومهما وصلت بطارية ساعتها مش هيحس بيها لان خلاص توصيلتها مفصولة والجهد بتاعها مش هيأثر على الجهد الكلى ويقلل الـ 17 لـ 12 تانى


عشان كدة عملت زرار الريسيت
بحيث لما الباور يعمل ريست والبطارية متوصلة تكون البطارية خلاص قللت الجهد قبل ما الريلاى يفصلها وعلى اساسه لو كان 14 الريلاى يشتغل ويفصلها ولو اقل تفضل شغالة

المشاركة الأصلية كتبت بواسطة tompina

أنا قصدي يا باشا نقارن فكرته بفاصل الشحن ونعمل زيه من غير بوردة أصلا ..
يعني نشوف دايرة الفصل بتاعته معمولة إزاي ونعمل زيها ..
وعلى فكرة الخرج بتاعه 8 فولت على 300 ملل أمبير

طيب ما لو كده ، يبقى الدايره الأولانية اللي جابها البشمهندس عمرو أفضل ، لأن الدواير الكهربية بتتحمل أكتر من الدواير الألكترونية .

المشاركة الأصلية كتبت بواسطة amrelsaqqa

طيب هو كده الكلام ده عكس ما الكتاب ما بيقول ، لكن طالما جربت يبقى الفيصل بتاعنا الريلاي نفسه ، فلو تعرف توصل لواحد يبقى مصلحة ، وبكده يبقى حسمنا الموضوع ، وفي الحالة دي يبقى عاوزين الريلاي يشتغل عند الـ 14 فولت .


تمام انا جبت ريلاى بس شكله صغير شوية مش زي كتاوت العربية
بس مكتوب عليه ان اقصى حاجة 10 امبير - 28 فولت ( دى الاطراف بتاعته )

والملف بتاعه بيشتغل بـ 12 فولت وبكدة محتاج اوصل معاه مقاومة تعمل فولت دروب 2 فولت يعنى بالاوم ( 2 ÷ قيمة التيار اللى حمو هيقول عليه ) عشان يشتغل لما يكون الفولت كله 14
وقدرة المقاومة بالوات = التيار تربيع في قيمتها بالاوم


بس المشكلة عندى ان اهم حاجة مش موجودة


البطارية



ولسه اصلا محتاجين نعرف هل لما البطارية بتبقى مشحونة على الاخر بتبقى 14 ولا اكتر ولا اقل شوية ؟

دي كمان حمو هو اللي ممكن يرد علينا فيها .

أنا طلعت قست البطارية لقيت جهدها 12.41 فولت بالضبط ..والمفروض إنها مشحونة من الدينامو .
ماقدرتش أفكها لأني مش لاقي المفتاح ولا البنسة (شكل زوجتي رمتهم نكاية في !) بس حطيت البطارية الجافة البايظة دي (اللي أنا رفعت لكم صورتها) وهي المفروض 17 أمبير .. فوصلت الباور سبلاي أصفر وأبيض وزي الصورة .. القراءة فضلت تعلى وتتذبذب لحد ما وصلت لـ 18.2 وثبتت .. ممكن تنزل شوية لكنها تعلى وتثبت على كده .
وكنت حاطط السوكت في mA المؤشر على 200m .

المشاركة الأصلية كتبت بواسطة amrelsaqqa

ياااه 18 امبير والسلوك الرفيعة بتاعت الباور مش بتسخن ؟

المشاركة الأصلية كتبت بواسطة amrelsaqqa

18 امبير دى يعنى تشحن البطارية الـ 70 ع الاخر في 4 ساعات الا عشرة
صح كدة ؟

بس والله ده انجاز

هو الباور سبلاى اللى عندك ده اصلى ؟ يعنى جاى مع كيسة من ام 100 جنيه و لا كنت جايبه زمان مخصوص لوحده عشان الجيمز وكدة ؟
وهو مكتوب عليه كام وات ؟

لا مش بتسخن .. والباور سبلاي ده قديم ومش فاكر مصدره .. إنما كان عندي باور سبلاي ألماني بتاع كومبيوتر سيمنز .. بس إيه .. جباااااااااااااااااار .. وللأسف زايغ مني .. لما ألاقيه هاكمل التجارب عليه .

ماقلتوليش .. يعني توصيلة التيار اللي أنا عملتها مع وضع المؤشر سليمة ؟
والباور سبلاي ده لاطشه من كيسة واحد صاحبي (أيام ما كنت شغال في صيانة الكومبيوتر) بس من زمااااان