الموضوع: شحن البطارية في المنزل

المشاركة الأصلية كتبت بواسطة amrelsaqqa

لأن الريلاى محتاج جهد 14 فولت بالظبط مش اقل عشان يشتغل
(او لو هو 12 فولت ومعاه مقاومة لازم يبقى مجموع الجهد اللى عليهم 14 فولت عشان يبدأ يشتغل)


يعنى اثناء الشحن وبرغم ان الجهد بتاع الباور 17 او 16 فولت
الا ان الجهد الكلى لو جيت تقيسه والبطارية متوصلة بيبقى مرتبط بجهد البطارية يعنى مثلا 12 ودى ممكن تجربها زي مانا عملت على بطارية الموبايل
كنت بشحنها بـ 6 فولت واقيس الفولت على الشاحن و البطارية مع بعض ، كان بيدينى 3.8 اللى هو جهد البطارية وكان بيزيد لحد ما يوصل 4.1 ( وبنفس الطريقة بطارية العربية من 12 مثلا لحد 14 )

إزاي ؟؟ المفروض لما توصل البطارية على على الشاحن مباشرة وتقيس فرق الجهد ، في الحالة دي أنت بتقيس محصلة فرق الجهد بين الأتنين ( الشاحن والبطارية )
يعني 6 فولت (شاحن) - X فولت (البطارية) = الفولت اللي أنت قايسه بالأفو تمام ؟؟
وخلي بالك أن في أول عملية الشحن ، البطارية بيبقى الجهد بتاعها ضعيف ، يعني الجهد بتاع المحصلة بيبقى كبير في الأول وبعدها بيقل بالتدريج

طيب إزاي زي مانت قايس كده في الأول بيبقى 3,8 وكمان بعدها بيزيد لـ 4,1 ، ده لأن الأول بيبقى البطارية فاضية وتيارها ضعيف يعني فرق الجهد ده كافي أنه يشحنها في الأول ، لكن بعد كده فرق الجهد ده مش بيكفي أنه يشحن بسرعة ، فبيزود فرق الجهد علشان يسهل عملية الشحن ، وإلا كنت هتلاقي أن البطارية في الأول بتشحن بسرعة وبعد شوية تلاقيها تتطول جدا علشان تكملها للأخر ، وده بيحصل في الشواحن التعبانة زي بتاعت الموبايل اللي مش أصلية .
--------------
يعنى في الاول اول ما الشاحن يشتغل البطارية هتبقى مثلا 11 و بكدة الريلاى مش هيشتغل
لحد ما تبقى 14 او 13.5 ( حسب ما نشوف اقصى قيمة لشحن البطارية ) يقوم يشتغل ويفصل البطارية ويشغل اللمبة

--------
خلى بالك انا موصل الريلاى بحيث انه في الوضع الـ normally closed يبقى موصل دايرة البطارية

وفي الوضع الـ normally opened موصل اللمبة

يعنى لما يجيله جهد يفصل البطارية ويشغل اللمبة
ولما تشيل الجهد من عليه يفضل على الوضع النورمال اللى هو شحن البطارية
وطول ما جهد البطارية اقل من 14 بيفضل مش شغال او على الوضع النورمال

خلي بالك أنت كده كل حساباتك مبنية على الجهد بتاع البطارية ، طيب هو مش في جهد داخل من الباور سبلاي هو ده اللي هيشغل الريلاي علطول قبل ماتدخل على البطارية

والله أنا خايف نتوقف أحنا الأتنين ، قلبنا المنتدى لمنتدى الهندسة الكهربية ، أحنا الأتنين هيدونا بالـ

دي صورة شاحن الديسك توب من جوة .. حطيتها للاستئناس :

المشاركة الأصلية كتبت بواسطة amrelsaqqa

ينفع بس لو فيه ترانزستورات هتبدلها كلها بحاجات تستحمل امبير اعلى
و هتعيد تظبيط قيم المقاومات كلها بحيث تفصل عند 14 فولت مش 4 زي الموبايل

يعنى كأنك بتعمل الدايرة من اول وجديد

ولو كان في اي سي يبقى مش هينفع خالص

+111111111

المشاركة الأصلية كتبت بواسطة amrelsaqqa

ولا يهمك يا باشا

واحدة واحدة اهو


التوازى هو اللى انت عارفه توصل الجهاز كل طرف مع الطرف الى مقابله في الجهاز التانى او الباور

التوالى يا سيدى

بدل ماا الباور يقفل على البطارية

لا ،

البطارية والافو يسلموا على بعض ويحطوا ايديهم في بعض و الباور يقفل عليهم


وادى رسمة تانى

الله عليك يا باشا ..
الحمد لله إني مابتكسفش أسأل ..
كان زماني هافضل جحش طول عمري !

المشاركة الأصلية كتبت بواسطة amrelsaqqa

ولا يهمك يا باشا

واحدة واحدة اهو


التوازى هو اللى انت عارفه توصل الجهاز كل طرف مع الطرف الى مقابله في الجهاز التانى او الباور

التوالى يا سيدى

بدل ماا الباور يقفل على البطارية

لا ،

البطارية والافو يسلموا على بعض ويحطوا ايديهم في بعض و الباور يقفل عليهم


وادى رسمة تانى

+1111111111
وخلي بالك ، مش هايفرق معاك الأتجاه أوي ، بمعنى أنك لو حطيت الطرفين في الفيشة - توازي يعني - وكان معكوس ، هايكتبلك على الأفو القراية بالسالب ولو عكسته يبقى هو ده الموجب والسلب المظبوط .
وكذلك التوالي ، مش هايفرق الإتجاه ، لو معكوس هادي قراية بالسالب برضه .

المشاركة الأصلية كتبت بواسطة amrelsaqqa

طيب وصله بالعكس هيقرا بالموجب والحق شوف القراية وافصله بسرعة لان وارد ان اسلاكه رفيعة وما تستحملش الـ 10 او الـ 15 امبير
بس مش مشكلة

المفروض أنه يتحمل لحد العشرين أمبير اللي هم أقصى حاجة لقراية الأميتر !!!!
الصيني التعبان تعبان برضه ....

المشاركة الأصلية كتبت بواسطة tompina

دي صورة شاحن الديسك توب من جوة .. حطيتها للاستئناس :

مافيش أمل فيه ، ده بيشحن البطاريات الموبايل بالعافيه ، ده لو غيرنا كل المكونات من أولها لأخرها البورده المطبوعة هي اللي هاتسيح.