الموضوع: استفسار عن سحب العربية

المشاركة الأصلية كتبت بواسطة mohammad_alshamy

كل حاجه من دي ليها اعراضها وهحاول اقولك ازاي تعرف المشكله تحت كل نقطه باللون الأزرق

1- عيب رشاشات
الدخان المائل للون الأسود عند التدوير صباحا مثلا , مع تأخير الدواره

2- خشونه في بلي العجل
صوت زنه او خشونه في حركه العربيه خاصه مع السرعات فوق ال40 كم/ساعه

3- طقم دبرياج متهالك
ضعف في سحب العربيه والسرع بتقل بشكل ملحوظ مع المطالع

4- بوجيهات رديئه واسلاك بوجيهات سيئه
دخان ابيض عند التدوير صباحاً , واحيانا رائحه بنزين خفيفه مع الدخان

5- علبه بيئه مسدوده او علب شكمان وحشه
علبه البيئه اهم اعراضها , هي سخونه منطقه فرامل اليد من جوه الكابينه في الصيف بشكل ملحوظ

6- فلتر هواء مش نضيف
شكل ولون الفلتر كافي لمعرفه حالته طبعا

7- فلتر بنزين وحش او مخنوووق
لما بيتفك كل ده بيبان , وكمان حسب الفتره اللي هو اشتغلها

8- زيت موتور رديئ وبالتالي ضعف الحاله العامه للموتور بعد فتره من الزمن
طبعا انت اكيد عارف بتستعمل زيت ايه , هو المفضل بالنسبه للدايو (الموبيل , الشيل) لكن مش التعاون وكالتكس ومصر للبترول

9- احيانا عرض الكاوتش والنقشه المرسومه عليه بيأثر على سحب العربيه , خاصه مع الكاوتش العريض بطريقه مبالغ فيها , لانه بيزود احتكاك الكاوتش بالأسفلت وبالتالي محتاج لموتور قوي
سهل التشخيص لان الكاوتش ليه مقاسات طبيعيه معروف للكل

10- ضعف او مشكله في البطاريه او البوبينه
سهل التشخيص وده بيبان في كفاءه البطاريه عند التدوير مثلا او مع تشغيل التكييف

11- جوده البنزين المستخدم
سهل التشخيص لانك عارف بتحطلها ايه

المشاركة الأصلية كتبت بواسطة elakawy

مع احترامي لكلام حضرتك بس متهيألي الأيدل كنترول مالوش دعوة بموضوع سحب العربية ... هو له علاقة بالسلانسية بس بتاع العربية .

تمام ياريس , لكن انا وعن تجربه لما نضفت الأيدل كنترول بعد فتره طويله من اهماله وعملت ايدل ليرن بنفس الطريقه المشروحه في المنتدى , استجابه الموتور اتحسنت (التسارع) , وده بالإضافه لهدوء الماكينه نفسها , ويترتب عليه راحه في الأداء

ومقدرش اقول ان الايدل لوحده يفرق في السحب , لان الايدل مش شغال لوحده ! الايدل شغال ضمن منظومه عمل ولو هو نضيف اكيد هيساعد حاجه تانيه في استجابتها وبالتالي الحاله العامه للعربيه هتفرق !! ولا كلامي مش منطقى ؟؟؟؟؟؟؟

عالعموم في بدايه كلامي لو حضرتك لاحظت قولت

المشاركة الأصلية كتبت بواسطة mohammad_alshamy

ممكن الأيدل كنترول محتاج تنضيف , ويتعمل ايدل ليرن بعد التنضيف

وكمان لو الموضوع كده كان المفروض حضرتك علقت على موضوع (خشونه بلي العجل) أو (ضعف او مشكله في البطاريه) !!!! لانها أسباب ملهاش اي علاقه مباشره بضعف سحب العربيه !!!!! مع مراعاه اني مكنتش بعمل حصر لأسباب مشاكل السحب , انا كنت بفكر مع الاخ الكريم ايه الحاجه اللي ممكن يكون ليها تأثير على السحب سواء بشكل مباشر او غير مباشر

واولاً واخيراً احنا كلنا بنتعلم و وارد ان الواحد يتسرع او يخطأ بعض الشئ في رأيه , لكني تعودت عدم التسرع في إبداء رأيي ولو حصل واكتشفت اني أخطأت فأكيد الإعتذار بيكون سبيلي الوحيد