اقتباس:
المشاركة الأصلية كتبت بواسطة romeo26222
طيب سؤال بسيط للناس اللي متضايقة من الوكيل..
ممكن الوكيل يقولك حضرتك خليجي تشرف وتنور ويديك ميعاد ويركنلك العربية جوة الورشة لاخر اليوم ويسلمهالك اخر عربية ولما تسألة هيقولك انا استلمت العربية وهاشتغل فيها بس انا ملتزم بمواعيد مع عملائي..
هتشكيهم فين بقي؟؟ الراجل ما امتنعش من تقديم الخدمة بس عرف بالطريقة يكرهك في التوكيل ويخليك ما تروحش تاني اساسا...
من الاخر زي ما قلت قبل كدة العربية دي قطع غيارها الاصلية متوفرة برة التوكيل للخليجي وضمان الخليجي زي الفل وشركات الضمان بتوافق علي كل حاجات الضمان بدون تردد والعربية مش معقدة بل تعتبر ابسط من الدايو اللانوس حتي..
أولا : شركة eit هى ممثل شركة كيا الام فى مصر و ملزمة بصيانة اى عربية كيا حتى لو جاية من القطب الشمالى
ثانيا :عارف هما معملوش كده ليه عشان الشعب المصرى مشهور بنشفان دماغه و لو حصل كده كل الناس هتروح تسيب عربياتها و بعدين يبقى معاهم اى صديق يوديهم شغلهم و يبقى يرجعوا اخر اليوم ياخدوها أو يقعدوا فى الاستراحة لاب توبك اودامك و اخر تمام و عيش اوى و شايت واتعامل و كمان دى تبقى فرصة للواحد انه يطلع نرفزته و خنقته من الدنيا كلها فيهم وهما اللى جابوه لنفسهم
فالموضوع ده مش هيقصر على اكتر من 10% من ملاك الخليجى اللى بيزهقوا بسرعة و بيفرطوا فى حقهم علطول ده غير كام ميل ظريف للشركة و بعديها بساعتين تقريبا تلاقى واحد من شركة eit جايب ورا وان اللى حصل ده مش مقصود وبيجر ناعم فى الكلام
ثالثا: انا جايب العربية لسا جديدة فمش عايز اى حد يعكلى فيها وحقى انى اعملها صيانة و اصلحها براحتى فى التوكيل انما مبقاش مجبر انى اصلحها بره و مسالة عندهم ضغط و الحوارات دى ميخصنيش لما هما مش قد الشغل يتسحب منهم التوكيل و يروح للى يقدر عليه