ايه الفرق بين جمارك الملاكي والأتوبيس الخاص

**ZALABANY** · 15-01-2008 03:07 PM

حد يعرف يا جماعه ايه الفرق بين جمرك الملاكي والأتوبيس الخاص وازاي العربية تترخص اتوبيس خاص لأني شوفت كذا عربية لاند كروزر أو برادو عليها اتوبيس خاص تفرق اد ايه في جماركها

**hamedo0** · 15-01-2008 03:10 PM

سوال تاني برده معلش ماهي عربيات صادرات الجمارك وهل ينفع شخص عادي يخش المزاد يعني ياخد عربيه واحده ولا هو لط علي بعضه

**TAG_Turbo0** · 15-01-2008 03:39 PM

بالنسبه للأتوبيس الخاص
لازم يكون بعه را:ب أو أكتر وسعه المحرك 2500 أ أكتر وديزل وطبعا الملاكى فى الفئة دى بتتحاسب على 135% جمارك لكن الاتوبيس الخاص أقل من كده بكتير بس مش عارف كام

بالنسبه لعربيات صادر الجمارك دى عربيات أصحبها مدفعوش جماركها فتحجزت فى مصلحة الجمارك وعدى عليها الفتره القانونية فبتتباع فى المزاد العلنى وممكن أى حد يدخل المزاد ويشترى الى هو عاوزه بس معرفش ايه شروط المزاد
انا ليا واحد صحبى شارى من مزاد الجمارك شروكى موديل 96 أربعه سلندر من حوالى سنتين ب60 ألف وحالتها كانت ممتاذه

**hamedo0** · 15-01-2008 03:45 PM

شكرا" يا Tag يعني هي كده كاسعر كويس ولا زايها زاى السوق معلش صحبك جديد في الموضوع ده وعاوز اكبر خلفيه لوسمحت

**شاهين - بنز** · 15-01-2008 10:06 PM

أحبب أصحح معلومة إن الملاكي جماركه 247% والأوتوبيس الخاص 50%
الأتوبيس الخاص مش شرط تكون ديزل أهم حاجة تكون أربع صفوف من المقاعد
والعربيات المتوفرة أتوبيس خاص
لاندكروزر - برادو - كيا كرنفال أوتو - نيسان باترول - GMC YUKON denali شاصيه طويل
وأضيف على ذلك لازم تكوين شركة والموضوع ده بيتعمل ب 7 آلاف جنيه

**Ahmad Allawy** · 17-01-2008 09:32 AM

اللي انا قريته قبل كده مرة في الجرنال ان المرور هيحاول يتغلب علي موضوع ان ناس عادية بترخص العربية كده ارخص بانهم لازم يتأكدوا ان اللي سايقها لازم تكون معاه رخصة درجة تانية علي الاقل..
بس ماعرفش بدأ تنفيذ الموضوع ده ولا لسة..

**Xpert** · 17-01-2008 10:54 AM

عاوزيين ايييه .. ابعدوا عن الكلام ده يا جدعان كده هاتخبطوا في الحلل و "هاتقططعوا" علي الحكومه و هايبقي مصيركم مش كويس خالص ..
بصوا بقي حسب ما بسمع انا ..
شروط ترخيص اللاند كروزر اتوبيس خاص : انك يكون عندك سجل صناعي برأس مال معين .. و بترخصها علي السجل التجاري و عشان كده مابيطلعهاش ملاكي ..

صادرات الجمارك : من حق اي حد يدخل المزاد .. "بس مش من حق اي حد يرسي عليه المزاد .. و افهمها انت بقي ..." :D
only in egypt ...

**hamedo0** · 20-01-2008 02:55 PM

المشاركة الأصلية كتبت بواسطة Xpert

عاوزيين ايييه .. ابعدوا عن الكلام ده يا جدعان كده هاتخبطوا في الحلل و "هاتقططعوا" علي الحكومه و هايبقي مصيركم مش كويس خالص ..
بصوا بقي حسب ما بسمع انا ..
شروط ترخيص اللاند كروزر اتوبيس خاص : انك يكون عندك سجل صناعي برأس مال معين .. و بترخصها علي السجل التجاري و عشان كده مابيطلعهاش ملاكي ..

صادرات الجمارك : من حق اي حد يدخل المزاد .. "بس مش من حق اي حد يرسي عليه المزاد .. و افهمها انت بقي ..." :D
only in egypt ...

شكرا" ياباشا فهمت
بس ياريت لو حد يجيب الشروط شكرا"

**Xpert** · 22-01-2008 09:37 AM

لاء والله الشروط معرفهاش .. بس كان فيه زمان كتاب كده بيتباع ابويا كان بيجيبه اسمه المتخصص في جمارك السيارات ... مش عارف كان بيجيبه منين بس هوه موجود يعني .. ممكن تشوف بيتباع فين و تجيبه .. بيبقي فيه الشروط و الاعفاءات و الاستثناءات و كله