الموضوع: هنا الاستشارات القانونية

المشاركة الأصلية كتبت بواسطة m_nabil

بعد إذن الزميل صاحب الموضوع اسمح لى رد على السريع كدة

1- بالنسبة للتنفيذ يمكنك تقديم طلب لمديرية الأمن التابع لها المتهم وإيداع بالطلب صورة رسمية من الحكم الجنائى وكذلك إيداع صورة رسمية من ذلك الحكم لإدارة تنفيذ الأحكام وبناء عليه فسوف تقوم مديرية الأمن بتوزيع نشرة بجميع مديريات الأمن داخل الجمهورية بأسم المتهم والجنحة المتهم فيها، مما يسهل عملية تنفيذ الحكم على ذلك المتهم.

2- انقضاء الدعوى الجنائية في مواد الجنح بمضى ثلاثة سنوات، في الغالب أنت واخد عليه حكم غيابى يعنى لو لم يتم التنفيذ والقبض عليه خلال ثلاثة سنوات من تاريخ الحكم كدة خلاص لو اتمسك بعد كدة بيعمل معارضه وبيدفع بإنقضاء الدعوى الجنائية بمضى المدة، ومدة سقوط العقوبة في مواد الجنح لو الحكم نهائي خمس سنوات.

انت بس نسيت اهم حاجة و من غيرها مافيش تنفيذ و هي شهادة من الجدول الجنائي تثيت ان الحكم نهائي و انه لم يتم عمل فيه معارضة او استئناف(في الغالب انا مبحبش حد يرد في موضوعي لانه حساس جداا و خصوصا كل الي بي يرد بيفتوووووووووو لكن انت اجاباتك كانت صحح و تمام)

شكرا لموضوع حضرتك , كان عندي سؤال هل ينفع ان يتم تغير الشقة من سكني الي تجاري من دون موافقة المالك و العكس كمان هل ينفه الشقة الي عقدها مكتوب علي اساس انها مكتب هل يقدر انه يخاليها سكن من غير ما العقد ما يتغير ؟ بلنسبة للسؤال الاول طيب لو انا مش موافق ان الشقة تبقي سكني و تجاري هل في قانون يمنع انه يغير صفة العقد من سكني الي تجاري او الاتنين مع بعد جزي مكتب و جزي سكني ؟

المشاركة الأصلية كتبت بواسطة chicobon

شكرا لموضوع حضرتك , كان عندي سؤال هل ينفع ان يتم تغير الشقة من سكني الي تجاري من دون موافقة المالك و العكس كمان هل ينفه الشقة الي عقدها مكتوب علي اساس انها مكتب هل يقدر انه يخاليها سكن من غير ما العقد ما يتغير ؟ بلنسبة للسؤال الاول طيب لو انا مش موافق ان الشقة تبقي سكني و تجاري هل في قانون يمنع انه يغير صفة العقد من سكني الي تجاري او الاتنين مع بعد جزي مكتب و جزي سكني ؟

اذا نص العقد المبرم علي جواز صراحا للمستاجر ان يغير نشاط العين فهذا حق مكفول للمستاجر هو حر فيه اما اذا لم ينص علي ذلك فانه لا يجوز ان يتم تغير استخدام العين من تيجاري الي سكني او العكس الا بموافقة المالككككككككك

المشاركة الأصلية كتبت بواسطة emo_ayman

لو ممكن افادتى فى المشكلة اللى مجننانى:

عندى شقة فى عمارات ضباط الجيش.والشقة اللى فوقى خالية والشقة اللى فوقها واللى فوقها فيها سكان والمشكلة ان كل كام يوم الاقى مياه نازلة عندى ,هى بسيطة بس بوظت كتير فى الحيطة عندى.لما كلمت الراجل اللى فوقى قاللى دى مشكلة الحيطان الجاهزة,وبعدين اللى فوقيه يقوللى تعالى شوف الحمام عندى باظ على الاخر.طب وانا مالى,لازم نشوف حل للمشكلة حرام الشقة لسة متوضبة.اخر الكلام قاللى هات سباك كويس وخليه يبص عندى,قولتله وانا هادفع مفيش مشكلة بس اخلص.بس بقى لو هنضطر نكسر البانيو عندك؟قاللى ولو كسرنا وملقناش حاجة.قولتله خلاص لما يجى السباك هو اللى يحكم.
السوال بقى: هو فيه بند فى القانون يلزمه بتصليح اللى عنده لو رفض راي السباك؟وايه هى الخطوات؟

مشكور

اعمل محضر و اثبات حالة بس خالي الموضوع داه اخر الوسائل

فيه سؤال مهم والله عاوز اسالة ..
انا شغال في شركة ومحتاجين عربية اتفقت مع صاحبي اللي هوه صاحب الشركة اجيب العربية انا باسمي وااجرها للشركة

طب هل دا فيه خطورة او قلق لو لاقدر الله السواق خبط حد ولا دا يكون ليه اي اجراءات قانونية ضدي مع العلم اننا حنكتب عقد ايجار ومحضر استيلام للسيارة ( السيارة قسط هل يجوز تاجيرها )

طب لو حصل لا قدر الله حادثة هل التامين يشترط اني انا اللي اكون سايق العربية ولا ممكن يكون فيه تعويض لو فيه حد تاني سايقها

انتظر اجابتك لاني خلال يوم او اتنين حتعاقد علي السيارة لهذا السبب

المشاركة الأصلية كتبت بواسطة zigzag2001

فيه سؤال مهم والله عاوز اسالة ..
انا شغال في شركة ومحتاجين عربية اتفقت مع صاحبي اللي هوه صاحب الشركة اجيب العربية انا باسمي وااجرها للشركة

طب هل دا فيه خطورة او قلق لو لاقدر الله السواق خبط حد ولا دا يكون ليه اي اجراءات قانونية ضدي مع العلم اننا حنكتب عقد ايجار ومحضر استيلام للسيارة ( السيارة قسط هل يجوز تاجيرها )

طب لو حصل لا قدر الله حادثة هل التامين يشترط اني انا اللي اكون سايق العربية ولا ممكن يكون فيه تعويض لو فيه حد تاني سايقها

انتظر اجابتك لاني خلال يوم او اتنين حتعاقد علي السيارة لهذا السبب

لو حد خبط حد انت ملاكش دعوي لا دي مسؤلية جنائية اما التامين فلا يشترط ان انت التكون سايق العربية المهم ان العربية ليسا ملكك