شكرا للأهتمام
معلش استحملني في استفسار كمان ، ما هي اجراءات عمل صحه ونفاذ وكم تكلفتها وتكلفة التسجيل بالشهر العقاري
وهل يصلح التسجيل في الشهر العقاري بالعقد الأبتدائي فقط
عرض للطباعة
موضوع جميل جدا ومفيد جدا
متابع بإهتمام
جعله الله في ميزان حسناتك
وجزاكم خيرا
اجراءات الدعوي سهل جدااا و اي محامي ممكن يعملهالك المهم الي فيها ان من ضمن اجراءتها انك تسدد الضريبة الي حيحددهالك الشهر العقاري و تاخد ايصال بالسداد بعد كده القاضي بيحكملك و كده بتبقي سجلت عقدك في الشهر العقاري لاسف الناس مابتحبش تعمل الدعوي دي عشان الرسوم بتاعت الشهر العقاري بتبقا كبيرة جداا و هي عبارة عن نسبة من قيمة العقد
السلام عليكم
لو سمحت انا عاوز اسأل حضرتك سؤال
دلوقتى انا هشترى شقة فى عمارة غير مرخصة
ممكن اعرف كافة التفاصيل او الاوراق الى اقدر اعملها الى تكفلى حقى لو لقدر الله حصل اى ظرف ؟؟
و شكرا جداااااا ليك
للاسف مع القانون الجديد اذا كان العقار مبني بدون ترخيص بتكون النتيجة هي ازالته مش زاي زمان كانو بيفرضو عرامة تتدفعها و تتصالح مع الحي و خلصت عشان كده انا لا انصح بانك تشتري في البيت داه الا اذا اشترط علي البائع انه يضمن لك اموالك في حالة صدور اي قرار يمنعك من التمتع بالعقار زاي اذا صدر قرار ازاله و برده خليك في المضمون و ابعد عن البيعا دي
شكرا جدا ليك
اي سؤال تاني يا جماعا انا في الخدمة؟؟؟
هي الادارة امتي حتثبت الموضوع داههههه؟؟؟
إستاذنا
كمان سؤال رفيع...
هل من حق ظابط الشرطة-تحت ظل قانون الطوارئ- إنه يفتش عربيتك أو يفتشك من غير إذن نيابة؟؟؟
ولو حصل وإنت رفضت إنه يفتش عربيتك ..الظابط ممكن يتحجج بإيه علشان يغلس عليك بيه؟؟؟
شوف يا باشا المفترض قانونا انه لايجوز لمامور الضبط القضائي تفتيشك انت او بيتك او سيارتك الا باذن من النيابة او في حالة تلبس داه نص قانون الاجراءات الجنائية لكن قانون الطواري اضاف حالة اخري و هي الاشتباه و بتالي ممكن اوي يوقفق و يفتشك انت و العربية بحجة الاشتباه داه القانون اما راي الشخصي بخصوص الكمين و غيرها فانا شايف الشخص الداخل علي الكمين لو نور و صاحي و لبط و عارف الحاليت دي حيمشي لكن لو عيل غلبان و نايتي او واخدله بوشلة في وشة فدول حيتفتشو و حيترو يبقي الخلاصه نظريا يجوز للظباط تفتيشك عملياا بيتعمل بس مع الاشكلهم مجرمين او العيال النايتي الغلبانه عشان يصبحو علي الكمين
السلام عليكم ورحمة الله وبركاته
بسم الله الرحمن الرحيم
بعد وفاة جدى تم حصر التركه و تقسيمها و اللى كان متولى عمليه الحصر ابن خالت والدتى بأعتباره اكتر واحد عارف التركه علشان كان شغال مع جدى فالمقاولات, المهم عمل عقود التنازل و المعروف ان كل واحد من الورثه بيمضى للتانى, هو حط ورقه بيضاء وسط العقود و خلى والدتى تمضى عليها من غير ماحد ياخد باله و بعد كده راح عمل عقد بيع ابتدائى على الورقه دى و راح المحكمه و عمل قضيه صحه توقيع و الطب الشرعى حكم بصحه التوقيع
العقد من صوره واحده فقط و من غير شهود و العقد فالمحكمه من سنه 95 الى الأن
و نصحنا المحامى فى ذلك الوقت بعمل عقد بيع و تنازل عن المحل لى و لاخى و والدى هو الوصى علينا, ايه المفروض نعمله دلوقتى بعد ماعدينا الــ 21 سنه ؟؟ و هل بعد 15 سنه يسقط الحكم بصحه التوقيع ؟
ارجوا الأفاده و جزالكم الله خـــــــــــير
هو مفيش عقد بين جدى و بينه و لا علاقه لجدى بالموضوع
هو استغل توقيع الورثه لبعض و حط ورقه بيضاء و خلى ولدتى تمضى عليها وسط باقى الأوراق و عمله عقد بيع ابتدائى وهو مجرد ورقه مكتوب عليها عقد ابتدائى و من غير شهود ولا تسجيل ولا حاجه خالص
العقد اللى والدتى عملته لينا بعد تقسيم الورث و قامت هى بالتنازل عن المحل لى انا و اخى و كان والدى هو الواصى علينا
كلمتين .. قانون الطوارئ ...
و كيفية التعامل مع ضباط الشرطة فى حالة التعسف و الظلم ؟؟
في العقارات لا تنتقل الملكية الا بالتسجيل فبتالي اذا قمت بتسجيل عقد البيع بتاعك سيصبح المحل ملكك و ذلك عن طريق رفع دعوي صحة و نفاذ عقد البيع و ساعتها العقد الابتدائي الي معاه بالصحة التوقيع يبلهم و يشرب ميتهم:beatdeadhorse5: و لن يكون امامه الا الرجوع علي والدتك بالتعويض :36_6_3[1]:و هي طبعا في ذمة الله:Ta_clap[1]:
طبعاا بدون قانون الطواري كان حينفذ قانون الاجراءات الجنائية الي بيديلك الحق انك كل ما تبقي زهئان تنزل تضرب ظابط علي افاه و تيجي لكن مع الطواري انت بتضرب و اذا وجد حالة تعسف يمكنك عمل محصرا بالوقعة او تقديم شكوي في الوزارة و في جميع الاحوال مش حيبقي اودامك غير انك تعمل زاي بيقية الشعب(اصبر علي صحبك السواء ليرحل لايموت)
metenawy بك
باع الشخص " أ " للشخص " ب " عقار و اتفقا على عمل صحة توقيع
و فى المحكمة سأل القاضى البائع هل هذا توقيعك
فأجاب بالنفى و ان هذا ليس توقيعه
ماذا يترتب على هذا ؟؟
مع جزيل الشكر ...
metenawy بك
شكراً جزيلاً ...
ماشاء الله نشكر سيادتك على المجهود الرائع فى الرد على اسئلة الاخوه الاعضاء
وليا سؤال بسيط عندنا شقه باسم والدى يرحمه اللى وعملنا شباك وراثه وانا واخى الاكبر عملنا توكيل بالشقه لاخى الاصغر فهل كدا يعتبر المالك لها ولو حب يبيعها عادى ولا حايحتجنا فى حالة البيع
وهل كدا ممكن يقدم فى اسكان الشباب ولا لا لان اسكان الشباب بيشترط عدم وجود شقه باسمه فما العمل؟
اجرت شقة ايجار قديم(59 سنة) خلال عام 2008 فى منطقة عادية جديدة فى نطاق الاراضى الزراعية وكانت العمارة تحت الانشاء وتم الاتفاق فى العقد على التسليم فى شهر 4/2009 والايجار يبتدى من التاريخ ده والاستلام عند دخول الكهرباء
حتى اليوم صاحب العمارة اكمل بنائها طوب احمر ولم يجرى اى عملية للتشطيب(خارجى او داخلى)وكلامه انه مستنى يدخل الكهرباء ومش عارف يدخلها علشان اراضى زراعية
العقد عقد ازرق عادى عنوانه(عقد ايجار تمليك فى ظل احكام القانون 4 لسنة 1996 )وصاحب العماره بصمجى(باصم على العقد)فقط بدون اى اضافات اخرى على العقد
ما هو الموقف اولا الاجراء القانونى اللى ممكن ان انا اخده؟
وشكرا
بسم الله الرحمن الرحيم
اولا : احب اشكر سيادتك علي الموضوع الرائع و محاولتك لمساعدة اخواننا في المنتدي ... و ان كان الشكر لا يوفي مجهود حضرتك
ثانيا : كنت عايز استشير حضرتك في مشكلة مقابلاني في محل اقامتي الا و هي ان ورشة ميكانيكا فاتحة في نفس الشارع و و سط العماير و بدات يعملو ازعاج جامد للسكان غير طبعا الاهمال في نظافة الشارع و وقوف العربيات اللي عايزة تتصلح في اماكن انتظار السكان غير طبعا بقي الصوت العالي و الزعيق و الشتائم المتبادلة بين الصنايعية و بعض ..... المهم يا سيدي انا كنت بفكر اشتيكيهم او اعملهم محضر اوي حاجة تمشيهم ... بس ناس قالولي ان لازم ابقي كاتب اسمي في المحضر او حاجة زي كدة ... طبعا ده ممكن يعمل مشكلة لو حد من صحاب الورشة عرفو .... فأيه راي حضرتك في الموضوع ده ... اذاي اقدر اعرف اخد حقي منهم من غير ما حد يتعرض للاذي ؟؟
يا باشا ممكن عاجلا
تبعتلي صيغة اخلاء طرف موظف من شركة
يسلم للموظف عند انتهاء خدمته يضمنله عدم مطالبة الشركة ليه باي شيء ويفيد مدة الخدمة
شوف ممكن تعمل شكوي فيه في البيئة يعني ابعت ليهم بالبريد باسماء وهمية وابعته في البريد انا واحد زميلي قالي علي الموضوع داه بس متقولشي اصوات بس قول ان بيطلع من عنده دخان و بيحرق حاجات حبشها يعني و ممكن تعمل بلاغ بالتليفون و تقول اي اسم و لما تيجي النجدة ماتزهرشي