CIB عمال بيزن عشان اعمل credit card : آه ولا لأ؟؟؟؟؟؟

**amir** · 24-04-2010 10:08 PM

المشاركة الأصلية كتبت بواسطة ahmadalaaeldin

الأخ الكريم
بارك الله فيك على حرصك اكل الحلال الطيب
اولا اي فلوس جتلك عن طريق الفوائد الربوية تخلص منها في منافع عامة وليس في بناء مساجد او خلافة ولا تأكل منها ولا تستخدمها لأنها حرام وبالتالي لا يجوز لك ان تأخذها.. وطبعا مش هتسبها للبنك .. فانفقها في مصارف عامة كرصف الطرق او محطات الصرف الصحي او غذا لم تجد تصدق بها على الفقراء.
طبعا واضح ان حضرتك سمعت وقرأت عن خطورة الربا وزي محضرتك عارف مفيش بنك تجاري بيستثمر كله عقد إقراض منك إلى البنك ومن البنك إلى المقترض او رجل الأعمال او الشركات ... وده مكسب البنك الفرق بين الفائدة بين الإقتراض من الموديعين والإقراض.
اولا موضوع سحب نقود من ماكينات الصرف لو مش تابعة للبنك او تابعة لرابطة 123 او ما شابهة(ماكينات تحط مبلغ ثابت كمصاريف عملية مش نسبة على المبلغ المنصرف)فهي عملية ربوية بحتة .. انت تسحب مبلغ 100 دولار ويحطوا عليك فوائد 10% مثلا وده عين الربا.
الحل ان حضرتك تأخد نقودك من البنك وتقفل الحساب وتنهي اي تعماملات معاهم ثم تضع نقودك في بنك إسلامي مثل بنك فيصل وتتطلع كالات فيزا من حسابك تشتري بيه من المحلات وليس الإنترنت داخل وخارج مصر .. وانت مسافر خد معاك فلوس كاش على قد مصاريف المواصلات والأكل فقط لو مش عايز تشيل فلوس غير كده واصرف باقي مصاريفك بالفيزا بتاعة فيصل.

وربنا يبارك فيك وعليك وييسر لنا و لك أكل الحلال الطيب

المشاركة الأصلية كتبت بواسطة ahmed4000

لان فعلا موضوع الشراء من الانترنت او انى يبقى معايا كارت وانا مسافر حاجة مهمة جدا

علشان نبقى عمليين وف نفس الوقت نبعد عن الحرام

ممكن تشوف بنك عنده ديت كارد يعنى كارت لسحب من الحساب مباشرة من غير ميكون وديعة ولا يكون السحب كريدت
وبكده كان البنك حافظ للنقود عنده فقط وممكن تشوف بنك اسلامى بيقدم الخدمة دى واعتقد البنك الوطنى اللى بقى ممكلوك للكويت بيعمل الموضوع ده

المشاركة الأصلية كتبت بواسطة mmamdouh

الموضوع ملوش علاقة لا بcib ولا بغيرة... المشكلة فيك انت شخصيا... لو تقدر تضبط نفسك و متخليش الكارت يوديك فى داهية و تطلع over limit او تلاقى ان اخرك كل شهر تدفع الفوايد اللى عليك يبقى انت متنفعش تشيل credit card عشان حتتسجن

لو تقدر تدفع اللى عليك شهريا ( و دة طبعا لازم يتناسب مع مرتبك الشهرى) و مش من النوعية اللى ممكن تشترى اى حاجة و السلام لمجرد ان معاك كارت فيه فلوس يبقى مفيش مشاكل...

انا معايا credit card من يجيى 8 سنوات و الحمد لله الدنيا ماشية كويس اوى... و اعرف ناس تانية بينها و بين ابو زعبل محطة بالرغم من ان الlimit بتاعهم نص الlimit بتاعى... الموضوع كلة ضبط نفس مش اكتر

الميزة فيه انك لو فعلا اتزنقت و احتاجت فلوس حتلاقى حاجة تسندك سواء فى الشراء المباشر او سحب نقدية... و طبعا الامان فى حالة سرقة الكارت لان دلوقتى معظم البنوك بتصدر chip cards و دى بتحتاج رقم سرى و انت بتشترى زى بالضبط ما بتحتاج رقم سرى للسحب النقدى

و لو تقدر تطلع الكارت من البنك اللى بيتحول علية مرتبك يبقى مصلحة... تقدر ساعتها تعمل standing order و كل شهر يتسدد رصيد مديونيتك من حسابك اللى فى البنك و متروحش البنك اصلا

بالنسبة للcib شخصيا فا انا بتعامل معاه من 8 سنين و هما ناس محترمة جدا جدا... على الاقل لما بتحصل مشكلة و تكلم الcall center بتلقى حد بيفهم يكلمك و يديك اجابة... على عكس nsgb مثلا اللى لو اتصلت بيهم حتلاقى كل اسئلتك اجابتها واحدة و هى "روح الفرع بتاعك" كما لو كان الcall center جاب التايهة بالفكرة الخارقة دى

بالنسبة لموضوع الربا و كدة انا مش شايف فيه قصة الربا... انت لو اشتريت النهاردة و سددت قبل ال55 يوم مش حيتحسب عليك حاجة... و لو دفعت مبلغ و بقيت مبلغ للشهر التالى يبقى البنك قدم لك خدمة "السداد بالتقسيط" و طبيعى اى خدمة بيقابلها فلوس... و طبيعى مقابل الخدمة بيتناسب مع المبلغ اللى انت اجلتة للشهر التالى

mmamdouh

المشاركة الأصلية كتبت بواسطة ahmed4000

غريب اوى الجملة المنتشرة فى اى موضوع الاقى حد بيقولك بلاش ندخل الدين
يعنى كما لو كان واحد بيدخل على نوع معين من الخمور -مع الاعتذار لصاحب الموضوع طبعا- ولما نقول حرام يطلع حد يقول متدخلوش الدين

سلفه الفلوس من سنة من عشر سنين من ميت سنة لازم ترجع زى مهى (والا ميسلفش اصلا)
على فكرة الناس دايما بتقول على القرض من غير فلوس هو "قرض حسن" وده خطا واضح

لان القرض الحسن هو القرض مع الله (الصدقة) من ذا الذى يقرض الله قرضا حسنا
اذن القرض العادى ايه فى الإسلام؟ هو قرض بدون اى زيادة من اى نوع

المشاركة الأصلية كتبت بواسطة lolo22

هو انا كنت عايزة اضيف حاجة بسيطة فى حكاية الربا ناخد مثال وهو التلفزيون او النت هل هو حلال ولا حرام الاجابة هتكون على حسب الاستخدام دى نفس الفكرة مش عايز تدخل فى قصة الربا خليك فى فترة ال55 يوم وبعدين انت بيجليك كشف حساب كل شهر بيعرف انت عليك ايه ودفعت اد ايه
النقطة التانية ان ايام الجاهلية كان شخص واحد بيعطى فلوس للشخص وياخدها هو باكتر مما هو اعطها لكن انت دلوقتى بتتعامل مع بنك يعنى محاسبين وموظفين وامن على الفلوس اللى فيه موسسة كاملة يعنى مش شخص بعينه يعنى الناس دى بتقدم ليك خدمة طبيعى انهم يكون لهم مقابل دى قناعتى الشخصية بصراحة

المشاركة الأصلية كتبت بواسطة أحمد كمال

بنفس المنطلق ممكن اشرب خمرة في فندق دلوقتي عشان مؤسسة كاملة بتقدم ليك خدمة

و ممكن ازني في بيت دعارة قانوني في اي بلد زي هولندا و المانيا مثلا و اقول دي مؤسسة

الله يكرمكم يا جماعة

القناعات الشخصية ما تدخلوهاش في الدين

انا مقتبس المشاركات اللي علي اساسها هاتكلم و اشارك برأيي و الله اعلم
البنوك الاسلاميه دي خديعه من اكبر الخدع في العالم
الفكره ان البنك اي بنك بيحطلك يافطه كبيره عليها كلمه اسلامي
تقوم انت و عن كل اقتناع تحط فلوسك
يقومو هما بكل غدر يحطو فلوسك مع الفلوس التانيه و يستغلو موضوع اسلامي ده في اقتطاع جزء من الفوايد اللي المفروض انك تاخدها
و معلش استحملوني
احنا في مصر و كان المفروض من بلد الازهر فتوي البنوك تكون معروفه و محدده للجميع
انما الوضع فرض علينا شيوخ الله اعلم بيها و الفتاوي بتطلع علشان تنول الرضا الدنيوي
بس في حاجه جميله في ديننا برضو
مش هما فتو بأن البنوك حلال
(و اتمني يكون البنك حلال لأن عقلي لما بحسبها اني مش هاعرف اعمل مشروع لوحدي و مش هينفع تحط فلوسك في البيت يبقي بتعرض نفسك لخطر السرقه و القتل)
زائد ان البنك بيديك 10% بالتقريب فايده كل سنه
يعني بيستقطع 90% لنفسه
انت كشريك في مشروعاته بتاخد 10 في الميه فقط
يبقي مين اللي بيسرق التاني؟
و شيوخ بلدنا و شيوخ الازهر افتو بأن البنوك حلال
يبقي لو حرام ذنبي في رقبتهم
لسببين:
الاول انهم هم اولو الامر و فتو بكده
التاني انهم كهيئه اسلاميه في بلدنا مطلعش حد منهم خبير في الاقتصاد الاسلامي و عمل بنك اسلامي حقيقي بنظام اقتصادي اسلامي
انما الشيوخ الحلوين دول بس يطلعو في الفضائيات يصرخو و يزعقو و في منهم ...... كمان عن القبر و العذاب و العقاب و اهوال يوم القيامه
ياتري حد فيهم او ممن علمهم علوم الدين اهتم انه يدرسلهم حساب و جبر و هندسه و جغرافيا و تاريخ و باقي العلوم الدنيويه؟!!
يمكن يكون عندهم علوم دينيه غزيره
بس مشكلتهم انهم بقو عاملين زي عربيه في منتهي الجمال لكن للاسف مش نافع انها تستجيب لمتغيرات الطريق
و النتيجه ادينا بنعيشها علي صفحات المنتدي و في واقع الحياه
ناس رافضه البنوك و بتحرمها
ناس قابله البنوك بس بتحرم فوايد فلوسك
و ناس بتقتنع بفكره البنوك الاسلاميه الوهميه دي
و ناس من كتر ما الشيوخ منغلقي التفكير في ما جد من امور الحياه بقت طهقانه منهم و من سيرتهم و رمو بكلامهم عرض الحائط و بيعملو اللي هما مقتنعين بيه قناعه شخصيه
يارب ارحمنا كلنا و اهدينا

برجاء التزام قواعد الذوق العام في الحديث عن رجال العلم

مشرف 5 ب

12:30 صباحا

25 أبريل 2010

**أحمد علاء** · 25-04-2010 12:28 AM

المشاركة الأصلية كتبت بواسطة amir

انا مقتبس المشاركات اللي علي اساسها هاتكلم و اشارك برأيي و الله اعلم
مشاركتك على العين والرأس
البنوك الاسلاميه دي خديعه من اكبر الخدع في العالم
الفكره ان البنك اي بنك بيحطلك يافطه كبيره عليها كلمه اسلامي
تقوم انت و عن كل اقتناع تحط فلوسك
عفوا.. لكن ما دليلك؟ طبعا انت عارف ان البينة على من أدعى.. المجامع الفقهية العالمية وضحت معنى البنك الإسلامي والفرق بينه وبين البنك الربوي, وهنا انا اتكلم على البنك الإسلامي وليس شباك المعملات الإسلامية في البنوك الربوية.
يقومو هما بكل غدر يحطو فلوسك مع الفلوس التانيه و يستغلو موضوع اسلامي ده في اقتطاع جزء من الفوايد اللي المفروض انك تاخدها
و معلش استحملوني
احنا في مصر و كان المفروض من بلد الازهر فتوي البنوك تكون معروفه و محدده للجميع
بالفعل الفتوى موجودة ومن الأزهر منذ سنوات كثيرة جدا لكنها غيرت حديثا ولا حول ولا قوة إلا بالله.
انما الوضع فرض علينا شيوخ الله اعلم بيها و الفتاوي بتطلع علشان تنول الرضا الدنيوي
بس في حاجه جميله في ديننا برضو
مش هما فتو بأن البنوك حلال
(و اتمني يكون البنك حلال لأن عقلي لما بحسبها اني مش هاعرف اعمل مشروع لوحدي و مش هينفع تحط فلوسك في البيت يبقي بتعرض نفسك لخطر السرقه و القتل)
زائد ان البنك بيديك 10% بالتقريب فايده كل سنه
يعني بيستقطع 90% لنفسه
انت كشريك في مشروعاته بتاخد 10 في الميه فقط
يبقي مين اللي بيسرق التاني؟
البنك الربوي لا يستثمر بإعتراف البنك نفسة ... والعقد بينك وبينه عقد إقراض منك إلى البنك وليس عقد مرابحة او إستثمار.
و شيوخ بلدنا و شيوخ الازهر افتو بأن البنوك حلال
يبقي لو حرام ذنبي في رقبتهم

لسببين:
الاول انهم هم اولو الامر و فتو بكده
التاني انهم كهيئه اسلاميه في بلدنا مطلعش حد منهم خبير في الاقتصاد الاسلامي و عمل بنك اسلامي حقيقي بنظام اقتصادي اسلامي

هل سوف تقول هذا لله عز وجل عندما تقف بين يديه وقد علمت الحق من أهل العلم؟ ام ستقول انك اتبعت ذلات العلماء ؟ واعلم انه لا طاعة لمخلوق في معصية الخالق ’ فلو خرج عليك احد المنتسبين للعلم من الدولة وقال لك ان شرب الخمرة حلال هل ستقول هو ولي امري وتشربها؟؟؟
البنك الإسلامي موجود ومؤسس وله لجنة شرعية وقرارت المجامع الفقهية العالمية (التي تعتبر إجماع الأمة سواء من العلماء الشريعة او علماء الإختصاص مثل الإقتصاد والطب وغيرهم) تقول ان فوائد البنوك من الربا المحرم.
انما الشيوخ الحلوين دول بس يطلعو في الفضائيات يصرخو و يزعقو و في منهم ............ كمان عن القبر و العذاب و العقاب و اهوال يوم القيامه

لم افهم ما تعني لكن عهدي بمشاركاتك في المنتدى انك إنسان مؤمن تخشى الله ولذا لم اتوقع ان تصف علماء او طلبة علم بهذة الألفاظ التي لا ترقى ان تخرج من شخصك.. اتق الله واستغفره..

ياتري حد فيهم او ممن علمهم علوم الدين اهتم انه يدرسلهم حساب و جبر و هندسه و جغرافيا و تاريخ و باقي العلوم الدنيويه؟!!
كثير منهم تعلموا العلوم الدنياوية .. لكن دعني اتل عليك قول الله..
يقول تعالى "وَمَا كَانَ الْمُؤْمِنُونَ لِيَنفِرُواْ كَافَّةً فَلَوْلاَ نَفَرَ مِن كُلِّ فِرْقَةٍ مِّنْهُمْ طَائِفَةٌ لِّيَتَفَقَّهُواْ فِي الدِّينِ وَلِيُنذِرُواْ قَوْمَهُمْ إِذَا رَجَعُواْ إِلَيْهِمْ لَعَلَّهُمْ يَحْذَرُونَ : 9/ 122 ".

يمكن يكون عندهم علوم دينيه غزيره
بس مشكلتهم انهم بقو عاملين زي عربيه في منتهي الجمال لكن للاسف مش نافع انها تستجيب لمتغيرات الطريق
ارجع واقول لك الي حضرتك بتقول عليه ده تشبيه مش دقيق.. لما يجيبوا اهل الإختصاص في كل مجال ليناقشوا أهل العلم الشرعي في القضايا الفقهية المعاصرة مثل البنوك والتأمين وزرع الأعضاء ..إلى اخره وده كله هو احد اهداف المجامع الفقهية العالمية ويجتهدوا في إيجاد صورة معاصره لهذة المحدثات في المعاملات والقضايا المعاصرة في إطار شرعي سليم يبقى ده إسمه بناء وتقدم وإجتهاد مش دعاه جمود وتخلف ورجعية...

و النتيجه ادينا بنعيشها علي صفحات المنتدي و في واقع الحياه
ناس رافضه البنوك و بتحرمها
ناس قابله البنوك بس بتحرم فوايد فلوسك
و ناس بتقتنع بفكره البنوك الاسلاميه الوهميه دي
و ناس من كتر ما الشيوخ منغلقي التفكير في ما جد من امور الحياه بقت طهقانه منهم و من سيرتهم و رمو بكلامهم عرض الحائط و بيعملو اللي هما مقتنعين بيه قناعه شخصيه
يارب ارحمنا كلنا و اهدينا

لا يجب ان يحرم او يحلل اي منا شئ من تلقاء نفسة او بعد العرض على عقلة دون الرجوع إلى الدليل وسؤال أهل الإختصاص, واقول ان الدين يحترم العقل ويقدرة ويدعوا للعلم لكن ليس الدين وشرع الله منبعه العقل لكن منبعه الوحي والله عز وجل امرنا ان نعلم ونتعلم وهذه فائدة العقل..

وسيلة الوصول إلى المعلومة الصحيحة خصوصا في القضايا المعاصرة المستحدثة لا يفصلك عنها سوى بحثك عن قرارات المجامع الفقهية العالمية او مطالعة احد الكتب التي تتحدث في القضايا الفقهية المعاصرة مثل موسوعة القضايا الفقهية المعاصرة للدكتور احمد على السالوس.

وطبعا لا يخفى على احد ان بعد ما حدث في الأزمة المالية العالمية اتخذ كثير من البنوك العالمية بعض المعاملات الإسلامية كسبيل للخروج من الخسائر الضخمة ومنها تخفيض الفائدة إلى صفر في بعض البنوك العالمية ..
ربنا يهدنا إلى ما يحب ويرضى

**amir** · 25-04-2010 01:10 AM

[QUOTE=ahmadalaaeldin;3872590160]
[/QUOTEانما الشيوخ الحلوين دول بس يطلعو في الفضائيات يصرخو و يزعقو و في منهم بينهق كمان عن القبر و العذاب و العقاب و اهوال يوم القيامه

لم افهم ما تعني لكن عهدي بمشاركاتك في المنتدى انك إنسان مؤمن تخشى الله ولذا لم اتوقع ان تصف علماء او طلبة علم بهذة الألفاظ التي لا ترقى ان تخرج من شخصك.. اتق الله واستغفره..
]
العند يورث الكفر
اللهم اجعلنا من المتقين
بس انا متحفظ و بصراحه بضايق منهم
عمرو خالد و امثاله اقرب الي قلبي من الشيوخ اللي بيتفننو في الصريخ و العذاب
و بسأل نفسي هو الهدف ايه؟
مش اني اعبد ربنا
يبقي اوصل للهدف بطريقه ترغبني ولا احس اني ضايع من رحمه ربنا و اكره التقرب اليه من ورا كلامهم ده
و عموما ارجع و اقول العند يورث الكفر و انا عارف اني غلطت

**أحمد كمال** · 25-04-2010 01:36 AM

س في حاجه جميله في ديننا برضو
مش هما فتو بأن البنوك حلال
(و اتمني يكون البنك حلال لأن عقلي لما بحسبها اني مش هاعرف اعمل مشروع لوحدي و مش هينفع تحط فلوسك في البيت يبقي بتعرض نفسك لخطر السرقه و القتل)
زائد ان البنك بيديك 10% بالتقريب فايده كل سنه
يعني بيستقطع 90% لنفسه
انت كشريك في مشروعاته بتاخد 10 في الميه فقط
يبقي مين اللي بيسرق التاني؟

1- حضرتك مش من الدين ابدا اني اخد فتوى غير مقتنع بيها و اقول دي حاجة حلوة في ديننا

استفت قلبك و لو افتوك

و على فكرة ده مش معناها استفت قلبك انك تحلل لنفسك

لأ دي معناها لو افتوك بان حاجة حلال و قلبك غير مطمئن ما تمشيش وراهم

يعني اما ييجي واحد ابن حلال (مشيها ابن حلال) يقول لي لو شربت كاس بيرة و ما سكرتش يبقى قشطة و مش حرام بحجة (و لا تقربوا الصلاة و انتم سكارى) ...... لازم استفتي قلبي و ساعتها مش هامشي ورا فتواه

زي فتاوى جمال البنا الله يهديه و يكمله بعقله اللي قال القبلات بين الشباب حلال ..... ينفع بقى نسمع كلامه؟

2- البنك بيدي 10% ...... 90% ايه اللي بيقتطعها لنفسه؟ هو البنك بيكسب 100% من الودائع و لا إيه ؟؟؟؟؟؟؟!

و حرمة البنوك مش معناها انك ما تحطش فلوسك في البنك و تسيبها تتسرق

حطها في حساب جاري او بنك اسلامي بجد مش بنك اسلامي كده و كده

انما ما تحطهاش ودائع و حسابات توفير و تاكل فلوس فوايد (ربا)

3- انت مش شريك في مشروعات ..... انت مسلف البنك بالربا .....

4- مشروعات البنوك غالبا ما تتضمن مشروعات محرمة من منشئات سياحية تسمح بالزنا و العري و تقدم الخمور و تحتوي على صالات قمار .... و شركات تبغ و خمور و غيره..... يعني انت شريك في حرام .... و ما اختلط حرامه بحلاله فهو حرام .....

5- تعقيبا على رد اخر ..... بلاش تقول الشيوخ بتنهق ..... لحوم العلماء مسمومة ..... اغلب الشيوخ دي شغالة ليل نهار تطوعا لوجه الله و بتنحر في صوتها ليل نهار عشان تهدينا ...... هو مش كسبان حاجة - غير الثواب و الاجر عند الله - لو حضرتك حطيت فلوسك في بنك او في بيتكم ..... او لو بتصلي و لا لأ .....