ارتفاع سعر البنزين المنتطر وتأثيره على أسعار السيارات في مصر

**Goodle** · 16-01-2008 12:32 PM

السلام عليكم يا جماعة...

أنا بجد في حياتي ما شفت منتدى وأحترمت أعضاؤه زي المنتدى بتاعنا ده.

المهم أنا عاوز أرائكم في الموضوع بخصوص ارتفاع سعر البنزين المنتطر (يتوقع يحدث ما بين أبريل ويوليو سنة 2008) ومدى تأثيره على أسعار السيارات في مصر.

بعض التوقعات (مجلة عربيتي الصادرة عن مجموعة كونتكت) بتقول إن سعر لتر البنزين 92 ممكن يوصل اللتر بحوالي 2.5 جنية (جنيهان ونصف). وتتوقع المجلة أن لتر البنزين 90 يصل إلي 1.75 جنيه (جنيه وخمسة وسبعون قرشاً).

منتظر آراء حضراتكم وأي معلومات جديدة عن الموضوع ده.

**Nile Heart** · 16-01-2008 12:36 PM

لا طبعا ده مستحيل!

انا تخمينى زياده فى حدود 30% بحد أقصى, يعنى ال 92 يوصل ممكن 180 قرش
وال 90 من 130 الى 160

اكتر من كده البلد هتقوم فيها ثوره

**marsguy** · 16-01-2008 01:07 PM

أنا رأيي إن البلد هاتقفل وتروح لو البنزين غلي أوي أكتر من ربع جنيه في اللتر

**جندى مجند** · 16-01-2008 01:08 PM

المشاركة الأصلية كتبت بواسطة Nile Heart

اكتر من كده البلد هتقوم فيها ثوره

البلد دى ماعدتش فى حاجة بتأثر فيها -- كل حاجة بتزيد كل يوم وبرضو الناس قاعدة تشترى!! أن جاللى الضغط مش من ارتفاع الأسعار لأ من عدم وجود أى رد فعل لدى الناس كأن كله بيقبض آلاف اليوروهات شهرياً!!! طيب حد علق على تقرير الجهاز المركزى للمحاسبات اللى اتعرض فى مجلس الشعب الأسبوع اللى فات؟؟؟ دة لو اتعرض فى أى بلد عندها حبة دم كان زمان الحكومة بتاعتها استقالت ان ماكانتش انتحرت!! و لا حول و لا قوة الا بالله ...

**Goodle** · 16-01-2008 01:59 PM

المشاركة الأصلية كتبت بواسطة جندى مجند

البلد دى ماعدتش فى حاجة بتأثر فيها -- كل حاجة بتزيد كل يوم وبرضو الناس قاعدة تشترى!! أن جاللى الضغط مش من ارتفاع الأسعار لأ من عدم وجود أى رد فعل لدى الناس كأن كله بيقبض آلاف اليوروهات شهرياً!!! طيب حد علق على تقرير الجهاز المركزى للمحاسبات اللى اتعرض فى مجلس الشعب الأسبوع اللى فات؟؟؟ دة لو اتعرض فى أى بلد عندها حبة دم كان زمان الحكومة بتاعتها استقالت ان ماكانتش انتحرت!! و لا حول و لا قوة الا بالله ...

أنا باوافق رأي الأخ جندي مجند..

إحنا وصلنا إن مهما السعر غلي هانبرطم شوية وبعدين عادي..

يا تري أسعار السيارات ممكن تتأثر بالزيادة في سعر البنزين؟؟؟

حد عنده رأي ؟؟؟

**Goodle** · 16-01-2008 04:38 PM

يا جماعة آراؤكم تهمني لأني هاحدد على أساسها أشتري وللا أستنى لو في احتمال انخفاض الأسعار

**GoldenManEye** · 16-01-2008 05:05 PM

1- أعتقد إن الناس هتتجه للعربيات الصغيرة الموفرة فى إستهلاك البنزين زى اليارس و السيتى.

2- لو رفعوا سعر البنزين ممكن ينزلوا الجمارك

3- أعتقد أصحاب العربيات القديمة (بلاعات البنزين) ممكن يبيعوها أو يقللوا من إستخدامها (يعنى فى الحاجات الضرورية)

4- ممكن نتجه إلى ان كل إتنين تلاته ساكنين جنب بعض و شغلهم فى نفس المنطقة يروحوا الشغل بعربية واحدة ويتبادلوا.

**Goodle** · 16-01-2008 05:06 PM

شكرا يا باشا.. معاك حق

**SEATLOVER** · 16-01-2008 07:57 PM

أكيد المستعمل اللى حريقة بنزين و العربيات فوق 1300 هتتباع كتير و بسعر رخيص أوى و بالنسبة للجديد كلة هايفكر فى العربيات المينى 800 أو 1000 cc بالكتير

**noon_eg** · 16-01-2008 08:03 PM

المشاركة الأصلية كتبت بواسطة SEATLOVER

أكيد المستعمل اللى حريقة بنزين و العربيات فوق 1300 هتتباع كتير و بسعر رخيص أوى و بالنسبة للجديد كلة هايفكر فى العربيات المينى 800 أو 1000 cc بالكتير

هو انت علشان بتحب السيات بتقول كده ؟

الناس اللى زى حلاتى تعمل ايه انا مشوارى 140 كم يوميا من مصر الجديده الى 6 اكتوبر وبالعكس
مش ممكن عربيه صغيره تستحمله الا اذا كانت معجزه من معجزات فيات على راى الاخ فادى "راجع موضوع -- ومازلت الحمله مستمره "

الموضوع: ارتفاع سعر البنزين المنتطر وتأثيره على أسعار السيارات في مصر

LinkBack

أدوات الموضوع

عرض

-

-

-

-

-

-

المواضيع المتشابهه

تأثير زيادة أسعار التراخيص وإرتفاع البنزين على أسعار السيارات الجديدة والمستعملة

ارتفاع اسعار البنزين واسعار السيارات

ارتفاع متوقع في أسعار السيارات بمصر بحلول 2010

بمناسبة ارتفاع أسعار البنزين

الكلمات الدلالية لهذا الموضوع

المفضلات

المفضلات

ضوابط المشاركة