الموضوع: تركيب جهاز إنذار للانسر 2007

المشاركة الأصلية كتبت بواسطة emadfk

اخوانى الاعزاء

انا لسة مستلم لانسر 2007 ولم اتم اول 1000 كيلومتر بعد فهل اركب الانذار الان ام انتظر حتى فحص الالف الاولى
وهل اركبه فى التوكيل ام خارج التوكيل علشان الضمان من مصرية

وشكرا لتعاونكم

اخوكم عماد

:roll: :roll: :roll:

اولا مبروك
بص انتظر حتي ال1000 كم و اسئلهم و ممكن تشتريه و تخليهم يركبوه لحضرتك

أولا" : زي ما حضرتك قلت بالضبط أنا عايز سرينة تنبيه لما حد غيري يحاول يفتح العربية عنوة لأن سرينة التنبيه دي هاتخوف الحرامي لأنه بطبعه جبان.

ثانيا" : طرح الموضوع كان الغرض منه تبادل الآراء و توسيع دائرة المناقشة للوصول لأفضل البدائل "المتاحة في مصر" سواءا كان ادريان أو التوكيل أو الراجل بتاع المهندسين أو عباس العقاد من واقع تجارب فعلية لأصحابها.

ثالثا" : كنت قرأت رأي بيقوللك إن الغرض من كل الوسائل دي هي تعطيل الحرامي يعني لو شيل الغطا خد له 5 دقائق و فتح العربية 10 دقائق و فك كلابش الدريكسيون 10 دقائق تانية و بعد كده تشغيل العربية كمان 10 دقائق و لو انت محظوظ و السرينة بتاعة الإنذار تضرب أثناء أي حاجة من الهلمة دي كلها يقوم الحرامي يجري يبقى انت ربنا بيحبك و فلوسك حلال

أيوه يا عم أنا عاوز سرينة و خلاص طلاما ها تحمي العربية و مش مهم تتربط على الموتور لو هاتلخبطهولي أو مش هايعرفوا يعملوها صح و دي ممكن تعتبرها أمانة منهم إنهما يصارحوك بكده

على فكرة يا أ. أيمن قرارك ده هو عين العقل (من وجهة نظري) وعملي جدا، وهو ده نفس القرار إللي أخدته في عربيتي. أنا حبيت بس أقولك على إللي بيحصل في مصر بكل أمانة كما أعرفها والقرار لك في الأول وفي الآخر. ولو تسمح لي ارشح لك نوع يبقى ولف Wolf زي ما قال أ. نادر. سعره كويس وكقائته عاليه وضمانه 5 سنين والكل بيعرف يشتغل فيه وفي نوع منه مفتاحة Water proof وعليقة المفتاح معدن فمابيكسرش. وربنا يوفقك وتلاقي إللي انت عايزة ويحميلك عربيتك من كل شر.

ألف شكر يا ecybrarian و ربن يحفظ لنا جميعا سياراتنا و يكفينا شر الطريق

[quote="emadfk"]اخوانى الاعزاء

النهاردة ذهبت للتوكيل لعمل صيانة ال 1000 كم وسألتهم عن الانذار واذا كانوا بيركبوه فرد على المهندس بتاعهم بانهم ممنوع يركبو اى حاجة زيادة فى العربية خوفا من لخبطة النظام الالكترونى بتاع العربية و كذلك النظام الكهربى ولما قرصت عليه شويه اخبرنى عن محل ادريان جامعة الدول وقالى دول احسن ناس بيركبوا انذار لكنه قالى ان لا اذكر انه قالى هذا الكلام
فرجائى هل جرب اى من اخوانى فى الموقع هذا المحل ام لا

وشكرا

استاذ عماد
مساء الخير
انا كنت زي حالاتك كدة مع التوكيل و رحت لادريان ارجو مراجعة رسالتي السابقة في نفس الصفحة