تركيب جهاز إنذار للانسر 2007

**Ayman2007** · 21-05-2007 08:59 AM

كنت قرأت في هذا المنتدى و غيره عن موضوع سرقة اللانسر و بالذات الجديد منها و بصراحة حطيت إيدي على قلبي

و فكرت أركب جهاز إنذار أنا معايا لانسر 2007 (خليجي/سعودي) أوتوماتيك 2007

ياريت أي حد عنده تجارب مماثلة يفيدني بيها

مثلا" أشتريه منين و بكام و مين إللي يركبهولي و إيه العلاقة بينه و بين مفتاح العربية (لأنه ريموت) و إلا مافيش علاقة

و هل فيه أي مشاكل بيسببها تركيب الإنذار و هل تنصحوني بتركيبه

**M_ElSabaa** · 21-05-2007 11:19 AM

بص فى واحد مستورد فى الشارع الى ورا عباس العقاد من ناحية محل جاد عنده ناس كويسيين اوى وعنده كذا موديل وهو التوكيل بتاعهم وانا جربته وهما ناس كويسيين وفى برده واحد انا جربنه فى نص شارع احمد عرابى فى المهندسيين قدام عمر افندى بشوية بس حاول تروح لحد نظيف عشان ميبوظش الدنيا وممكن تخسر الضمان
بس اوعى تنسى الدراع الحديد بتاع الدريكسيون

**boody2** · 21-05-2007 11:33 AM

بص حضرتك انا معايا لانسر برضه 1600 20007 و كنت خايف برضه فركبت جهاز انذار عند ادريان ثمنه حوالي 600 جنيه وهو غالي شوية بس الريموت متوصل بالمفتاح مباشرة من غير ريموت خاص بالانذار و هذا هو سبب غلو سعره و انا تحت امرك في اي سؤال

**Dr Ahmed** · 21-05-2007 11:53 AM

انا ركبت جهاز وولف .. ب165 ج وتركيبه ب 50 ج

مفتاح السيارة مشفر والسيارة لا تدور الا به فلم يصلح تركيب مفتاح بريموت الانذار ، فأنا ماشى بمفتاح العربية الأصلى أبو ريموت+ريموت الانذار

ثانيا: الكهربائى اللى ركبه خاف يوصله على دايرة الموتور فكده الانذار لو مقفول ممكن العربية تمشى بمفتاحها بس هتزمر لو اتفتحت من غير الانذار ما يتفتح.. ياترى فعلا توصيل الموتور او الكونتاك على الانذار شئ خطير؟

**M_ElSabaa** · 21-05-2007 11:59 AM

الراجل بتاع المهندسيين بيعمل مفتاح زى الاصلى بس فيه 3 ازرار بدل علامة الميتسوبيشى وبيحط شريحة الـ Immobilizerجوة المفتاح

بص حضرتك انا معايا لانسر برضه 1600 20007 و كنت خايف برضه فركبت جهاز انذار عند ادريان ثمنه حوالي 600 جنيه وهو غالي شوية بس الريموت متوصل بالمفتاح مباشرة من غير ريموت خاص بالانذار و هذا هو سبب غلو سعره و انا تحت امرك في اي سؤال

ادريان برده انا اكتر من واحد صاحبى ركبوا انذار عنده وشغال معاهم 100 100

ثانيا: الكهربائى اللى ركبه خاف يوصله على دايرة الموتور فكده الانذار لو مقفول ممكن العربية تمشى بمفتاحها بس هتزمر لو اتفتحت من غير الانذار ما يتفتح.. ياترى فعلا توصيل الموتور او الكونتاك على الانذار شئ خطير؟

لو لتركب غلط ممكن يبهدل كهرباء بتاعت العربية

**Nader** · 21-05-2007 01:25 PM

الـwolf من احسن انواع الانزار الموجودة حالياً في مصر

ياترى فعلا توصيل الموتور او الكونتاك على الانذار شئ خطير؟

الخطورة الوحيدة ان الانزار يبوظ هتبقى شغلانة ومش هتعرف تدور العربية، عموماً الكهربائيين كلهم بيكسلوا يركبوة بس طبعاً هو مفيد جداً جداً بالنسبة لحماية العربية من السرقة.

**boody2** · 22-05-2007 03:55 PM

المشاركة الأصلية كتبت بواسطة Ayman2007

أقدر أعرف يا أستاذ مهاب (والد Boody) حضرتك ركبته عند أدريان إللي فين

و هل تشغيله مرتبط بفتح و غلق العربية من الريموت يعني كل ما آجي أفتح العربية أو أقفلها لازم أشغله

الاول اخبار صحة حضرتك ايه

بص حضرتك هو تشغيله من نفس ريموت السيارة و ليس ريموت مخصوص و هذا السبب في غلو ثمنه و علي فكرة هو ليه ريموت مخصوص ممكن تستخدمه بس انا وصلته بريموت السيارة افضل و اشيك و هو لا يشمل الموتور و لكنه يشمل الشنطة الخلفية بالاضافة لجميع الابواب و انا ركبته في ادريان الي في صلاح الدين و هم ناس كفئ جدا و علي فكرة هما ليهم فرع في شارع الهرم و انا تحت امر حضرتك في اي سؤال او استفسار.

**Ayman2007** · 23-05-2007 08:56 AM

ربنا يكرمك و يبارك فيك أنا صحتي بخير و الحمد لله
و ربنا يخليك لينا و ما نتحرمش من استشاراتك و شكرا على اهتمامك

**emadfk** · 23-05-2007 10:52 PM

اخوانى الاعزاء

انا لسة مستلم لانسر 2007 ولم اتم اول 1000 كيلومتر بعد فهل اركب الانذار الان ام انتظر حتى فحص الالف الاولى
وهل اركبه فى التوكيل ام خارج التوكيل علشان الضمان من مصرية

وشكرا لتعاونكم

اخوكم عماد

:roll: :roll: :roll: