مشكله فى الاول والمارشدير نوبيرا

**elshinzawy** · 06-04-2010 11:45 PM

عندى مشكله فى النوبيرا وانا طالع فى الاول او المارشدير العربيه بتترج لو مشبعتهاش بنزين قوى فى واحد قالى عيب ديسك وانا مش عارف الصراحه ولو ده العيب اجيبه منين وحيبقى سعره كام انا من طنطا
وايه افضل نوع زيت اغيره

**samirayad** · 07-04-2010 12:27 AM

عندى مشكله فى النوبيرا وانا طالع فى الاول او المارشدير العربيه بتترج لو مشبعتهاش بنزين قوى

طيب ماتشبعها وتروقها وتعملك شوية صيانه

(تغيير فلاتر - نظافة بلف الأيدل والبوابه - تغيير بوجيهات وضبط الثغره على 1 مم )

والسلانسيه على كام عندك ..............؟

وبتستعمل بنزين أيه .......؟

فى واحد قالى عيب ديسك

مش أكيد

ممكن يكون عيب حمل مكنه مأخوذ فى البدايه
عند الحركه من السكون

وايه افضل نوع زيت اغيره

أنت بتستعمل زيت أيه ..........؟

**elshinzawy** · 08-04-2010 02:28 PM

انا مستلم العربيه من 15 يوم وكل الصيانه معموله فى التوكيل قبل كده انا بستعمل بنزين 90 والزيت اللى بيتغيرلها موبيل 5000 اللى هو دى اتش
بعد ازنك توضيح شويه علشان مش فاهم الحاجات دى
وضبط الثغره على 1 مم

والسلانسيه على كام عندك ..............؟

ممكن يكون عيب حمل مكنه مأخوذ فى البدايه
عند الحركه من السكون
وشكرا ليك

**samirayad** · 08-04-2010 02:36 PM

والسلانسيه على كام عندك ..............؟

صلى على النبى

س / مش أنت عارف عداد ال rpm

ج / تمام أنا عارفه .............بجاوب بدل حضرتك
لأن ده من البديهيات

_ حتشوف سرعة المكنه بعد ماتدور وتثبت السرعه

مؤشر العداد حيبقى فين بالضبط ............؟

وبرضه ممكن تعرف من وضع لفات المكنه بعد التسخين
بتبقى السرعه ثابته والمكنه شده حيلها ولا بترعش على خفيف

ويادوب دايره وثابته بالعافيه

_________________________

وعاوزك تلاحظ برضه

أنا معايا نوبيرا زيك تماما
ولازم أسخن قبل ما أطلع بالعربيه

وبرضه بأديها سنه بنزين علشان المكنه تقدر تشد العربيه بدون أى مقاومه من العربيه للشد

يعنى لازم المكنه هى اللى تغلب وزن العربيه وقت الطلوع ( مش العكس )

وهو ده المقصود
بالحمل المأخوذ من المكنه فى بداية الطلوع

سواء مع الأول أو مع المارشدير

**elshinzawy** · 08-04-2010 02:52 PM

الاربى تقريبا بيبقى على 1 او اكتر لما بدورها الصبح وبتسخن اتوماتيك يعنى موضوع انى اشبعها وانا طالع ده عادى والرعشه دى مش مشكله ديسك ولا حاجه

**samirayad** · 08-04-2010 03:02 PM

المشاركة الأصلية كتبت بواسطة malish_7abiba

الاربى تقريبا بيبقى على 1 او اكتر لما بدورها الصبح وبتسخن اتوماتيك يعنى موضوع انى اشبعها وانا طالع ده عادى والرعشه دى مش مشكله ديسك ولا حاجه

توضيح حضرتك ده مش مبين الوضع كويس

وكلامك ده

العربيه بتترج لو مشبعتهاش بنزين قوى

هو ده اللى بنيت عليه كل كلامى فى هذا الموضوع

يعنى مشكلة حمل مكنه بنسبه كبيره ووارده جدا

بدليل أما بتشبعها ( يعنى بدوس على الأكسراتير شويه )

العربيه ( أو المكنه ) مبتترجش ....لأنك زودت عدد لفات المكنه أو حمل المكنه مع التحميل قليلا على الأكسرلتير
والعربيه بتسحب معاك وتتحرك من السكون كويس

**samirayad** · 08-04-2010 03:09 PM

الاربى تقريبا بيبقى على 1 او اكتر لما بدورها الصبح وبتسخن اتوماتيك

ميكونش قصدك بدور وتطلع على طول
والعربيه بتسخن أوتوماتيك وأنت ماشى بعد ما بتتحرك وهى بتترج ....................؟

أرجو التوضيح لسؤالى الأخير

**elshinzawy** · 08-04-2010 03:26 PM

لا مش بدور واطلع على طول بس بسيبها تسخن مع نفسها
ومشكلت الرجه دى حتى والعربيه سخنه يعنى مش وهى بارده ولا حاجه
وفعلا لما بشبع العربيه وادوس بنزين شويه اكتر مش بيبقى فيه رجه ولا حاجه هل كده يبقى مفيش مشكله

**samirayad** · 08-04-2010 04:25 PM

وفعلا لما بشبع العربيه وادوس بنزين شويه اكتر مش بيبقى فيه رجه ولا حاجه هل كده يبقى مفيش مشكله

حقيقى أنا مش شايف أدنى مشكله

وأعذرنى فى تساؤلى هذا

هو حضرتك جديد فى السواقه ..........؟

وهل خليت حد يركب العربيه غيرك ( وميكونش صنايعى )

ويديك رأيه برضه............؟

**elshinzawy** · 08-04-2010 05:53 PM

انا مش جديد فى السواقه بس كنت راكب بيجو 504 والطبيعى انى بشبعها كانت 2000 سىسى واى عربيه جديده كنت بركبها كانت تقريبا بطلع لوحدها ومكنتش بدوس بنزين غير خفيف قوى وموضوع ان العربيه فيها ديسك ده واحد كان راكب معايا وقالى كده

الموضوع: مشكله فى الاول والمارشدير نوبيرا

LinkBack

أدوات الموضوع

عرض

مشكله فى الاول والمارشدير نوبيرا - انشر الموضوع فى :

-

-

-

-

المواضيع المتشابهه

نوبيرا 97 مشكله فى المارش

مشكله فى عفشة نوبيرا 2

رجرجة فى الغيار الاول والمارشدير :(

مشكلة فى الدبرياج والمارشدير

الدبرياج(قفش)على الاول والمارشدير

الكلمات الدلالية لهذا الموضوع

المفضلات

المفضلات

ضوابط المشاركة