مساعدتكو يا وحوش الميجان

**AMRWASFY** · 07-04-2010 04:39 AM

صباح الفل يا رجاله الميجان
في حاجه عايز اعرفها
احنا طبعا سامعين اليومين دول عن الكاميرا اللي بتركب في الاكصدام ورا وبتتوصل بالشاشه
وتجيب اللي ورانا بسهوله هل الCD بتاع الميجان ينفع نعمل فيه كدا ولا هو مبيشغلش DVD
عايز مساعدتكو يا رجاله

**triton** · 08-04-2010 02:17 PM

اظن لازم تغير الكاسيت الفابريكه بالكاسيت اللي فيه دي في دي ... وعادي بيتوصل فيه كاميرا هو كان موضوع عنه في المنتدي من مده

اظن تمنه في حدود 3000 و شويه

**gebreel** · 08-04-2010 05:57 PM

مش لازم تغير الكاسيت ولا حاجة لأنو بكل بساطة ملهوش دعوة بيه
انت بتركب الكاميرا في الاكصدام و بيبقى قدامك حل من 2 اما انك تركب مراية من اللي بيقلبوا لشاشة وقت استخدام الكاميرا و بيبقى فيها USB port و ممكن تشغلها كا DVDاو انك تجيب شاشة DVD من اللي بيركبوا في الشماسة و تخلي الوضع كما هو

**triton** · 11-04-2010 04:29 PM

انا برضو بأيد السنسور

وبالنسبه لموضوع المرايه اللي بتتقلب انا شفت منها اللي مع السنسور يعني كانت بتكتب ارقام بس مش كاميرا لكن مكنتش اعرف ان في منها شاشه كمان كانوا متكلفين حوالي 350 جنيه واحد صحبي كان مركبها في الامبريزا

ده الرابط بتاع الكاسيت اللي قصدي عليه

http://www.nilemotors.net/Nile/136938-a.html

**AMRWASFY** · 12-04-2010 03:28 AM

شكرا يا رجاله بس انا ركبت الشاشه اللي علي المرايه وتمنها 500 وفيها مكان للusp
والكاميرا ب 180
وتركبت علي اللمض اللي بتنور للنمر
احسن من اللي بتركب في الاكصدام عشان لو حد ريح عليك من ورا متفضلش تنكسر وبعدين دبكه انك تفك الاكصدام وركبو علي نفس الكاسيت الاصلي اللي لازم تخبط عليه عشان ال cd يخرج
شكرا يا وحوووووووووووووش