موقف حصلى ربنا لا يكتبه على حد ...الف حمد ليك يارب

**mido777** · 20-04-2010 02:15 AM

المشاركة الأصلية كتبت بواسطة shnory

لا يا باشا عيب الكلام ده
هو انا اقدر اكسفكم
كده العربيه قضيت
ناقص مفاتيح الفيلا
ودي مهمه وطنيه يا باشا لحمايه اطفالكم حفظهم الله
فاكيد ربنا حيقويني واقدر اوصلكم نتيجه كويسه
تكون مبعث فخر لاي حد يحب يجيب مربيه لاطفاله
وبارقه امل في عصر ساده ظلام الجهل
واكيد لما انورلكم شمعه المعرفه
الدنيا حتنور وتبقي اشطه

الدنيا كلها متغلاش عليك يا شنورى يا حبيبى
بس المشكلة انك مبتعرفش تعـــــــــــــــــــــــ ــــــوم
وفى الحالة دية انصحك انك تبقى لابس الليف جاكت طول ما انت فى الفيلا

**mahamedaraby** · 20-04-2010 02:36 AM

الف سلامه على بنتك

والحمد لله ان ربنا الهامك وتتصرف كده الحمد لله

**kok3** · 20-04-2010 10:18 AM

يا عم انت وقعت قلبى والله كانها بنتى انا ربنا يخليهالك ويحميهالك يا رب مع انى مش متجوز ولا مخلف بس والله انا اتاخدت من كلام حضرتك الحمد لله ربنا ستر وخلى بالك انت والمدام بعد كدا

**DONYO** · 20-04-2010 04:23 PM

المشاركة الأصلية كتبت بواسطة mido777

السلام عليكم ورحمة الله ..........

ان شاء الله تكونوا فى افضل حال.........

ليلة شم النسيم حصلى موقف استحالة يتنسى من ذاكرتى ...... ولولا ستر ربنا وفضله كان زمان بنتى "جويل" توفاها الله ..........

" جويل " عمرها سنة واربع شهور ....

الموضوع بأختصار كنا بنقضى شم النسيم فى الفيلا فى الكنج مريوط ....والدنيا مش ربيع والجو مش بديع وكنا قاعدين جوا مش فى الجنينة بره ...... والبنت كانت معايا والباقى مشغول فى كذا حاجة .... وللأسف سهوت عن البنت حوالى خمس دقائق ......ومرة واحدة قلبى انقبض وببص جنبى مش لاقى البنت ..... طلعت اجرى على الجنينة ......... وببص على البنت مش لاقيها ... وشايف بنت خالتها "عمرها سنتين " واقفة قدام حمام السباحة وبتشاورلى عليه .... ببص فى المياه لاقيت بنتى فىيها وطافيه على وش المياه ورأسها تحت وازرعها ورجليها مفرودين
...... فى ثانية واحة لاقيت نفسى فى المياه وطلعتها من المياه ... البنت طلعت من المياه بدون لونها لون البذنجان ...فى اللحظة دية انا قولت البنت خلاص راحت منى ... وبسرعة نيمتها على جنبها وبعدين قعدت اضغط على بطنها لغاية لما لاقيت مياه بسيطة خرجت من فمها .. والبنت كانت متخشبة لدرجة انى مش عارف افتح فمها علشان احاول اعملها تنفس صناعى ... وبقيت مش عارف انا باعمل ايه .. لغاية لما ربنا كرمنى والمياه نزلت من فمها اكتر ولون الزرقان ارح ...ساعتها قلبى ارتاح شوية وحاسيت انا ربنا استجاب لدعايا ... فى اللحظة دية والدتها شافت الموقف وانهيار تام طبعا .. بس برضه ستر ربنا انها ماشفتهاش فى الأول ... لأن المنظر كان صعب ...

وجرى على اقرب دكتور واطمن ان التنفس منتظم وبعدين اداها حقنة ضد الصدمة وبدأت تدريجيا تتحسن وعلى اخر اليوم كان الحمد لله ربنا كرمنا واتعافت ...

بجد اللى حصل ده ربنا لا يكتبه على حد ...انا مش عارف انام او اتمالك نفسى لغاية دوقتى .. منظرها وهيا فى المياه كل شوية يجى فى بالى ....

انا عارف ان ده تقصير منى لأن البنت كانت معايا وانا سرحت عنها ...

انا بقالى فترة من بعد ما حصلت على الماجستير عمال يحصلى حاجات غريبة ... مش عارف ده حسد ولا انذار علشان انا مقصر فى حاجة ...

مش عارف اقول لحضرتك اية!!!!!
اول حاجة الف حمد وشكر ليك يا رب ان البنت بخير ..... والله انا قلبي اتخلع وانا بتصور الموقف اللي بتقولة لاني عندي بنت في عمرها تقريبا ودة موقف رهيب جدا
بس ياريت حضرتك تركز معاها اكثر من كدة هو احنا كل شغلنا وحياتنا علشان مين !!!! علشانهم طبعا، وربنا يحفظ اولادنا من كل شر وحمدا لله على سلامتها

**Karim_Monir** · 25-04-2010 10:39 PM

لا حول ولا قوة الا بالله
الف سلامة عليها
بركة ان ربنا نجاها
معلش رسالة صغيرة من ربك
وكويس انك فديتها بدم
ويا ريت لو في نفس الميعاد من كل سنة تفديها بدبيحة لو تقدر ان شالله معزة من اللي كانو بيشربو معانا شاي في الفيلا
ومعلش لسه شايف الموضوع حالا

المشاركة الأصلية كتبت بواسطة mtak

بالمناسبة للتخفيف شوية
موقف حدث لى شبه مشابهه
اخوك نظرة ضايع -5

مش بيقولوا النظر نعمه

الف حمدا لله على السلامة مرة اخرى

باشا عندي خبرة صغيرة في الموضوع عشان انا -3.5

لو واقف على الشط او مش هاتعوم بمعني اصح البس نضارة الشمس الل هي شمس نظر ويكون فيها طبقة لحماية طبعا عشان انعكاس الشمس على البحر هايوجعلك عينك اكتر لو مفيهاش حماية
ولو جوة المية برضه ومش هاتغطس او تعوم خليك بالنضارة واو ما تطلع اشطفها بيمة حلوة عشان الملح مايكولهاش
لو بتغطس هات نضارة بتوع الغطس ام 20 او 30 جنية دي
واي بتاع نضارات يعملك جواها عدستين طبي مطغوطين
وتلبسها على عينك وتفتح عينك براحتك والشمس ما تضايقكش
وابقي ادعيلي دعوة حلوة في سرك