الموضوع: عبقرية التوكيل فى حل مشكلة عضة المارشيدير

المشاركة الأصلية كتبت بواسطة ringoo

ماتزعلش منى يا باشا انت مشترك فى نايل موتورز وسبق واكدنا ان فى حلول لعضة المارشدير واتعملت فى توكيل المقطم واتعملت معاية فى توكيل العامرية
.............................
يبقى لما المهندس يقولك هات اول وباعدين هات مارش .. يبقى ماتقلهوش شكرا لأ .. تقوله فين مكتب مدير الفرع
............................
وتدخل مكتب مدير الفرع تحكيله حللك المشكلة كان بها ... أكد كلام المهندس يبقى تقوله اتصل بفرع المقطم او العامرية وهم بيحلوا الملحوظة
...........................
دة اللى المفروض يتعمل او من الاول خالص انت عندك ملحوظة تشوف هى اتحلت فى انهى فرع وتروح تعملها هناك لكن كدة اتحسبت عليك صيانة وخلاص .
ماتزعلش منى يمكن انا صريح شوية بس دة للصالح العام

العزيز الغالي engasad200
تاني مرة ماتسيبش حقك في التوكيل كده

أوافق الأستاذ ringoo على ملاحظته

يا جماعه جزء من تمن أي عربيه
بيكون عشان فترة الضمان

يبقى مينفعش نضيعها كدا و ...

يبقى لازم أي حد ما يفرطش في حقه مع التوكيل بتاعه

=======
تقبلوا مروري
ألفي بشرى

المشاركة الأصلية كتبت بواسطة engasad200

اللى انا فهمته من كلام حضرتك انك بتتريق على العربيه ......على فكره العربيه ممتازه...وانا بجد لو الزمن رجع هاشترى لوجان برضه......امكانيات العربيه فعلا اعلى من سعرها بكتير....كل عربيه ليها مشاكلها وبعدين احنا ما قولناش انها bmw ولا دفعنا نص مليون فيها ...

العزيز الغالي engasad200
أنا مش قاصد سخريه من العربيه
رينو " لوجان " بجد اسم عريق وليه كل الاحترام
ولو شف اي مشاركة لي هنا جبت فيها سيرة اللوجان
ماقلتش اي كلمه فيها إساءة للعربيه
كل اللي قلته عن سعرها فقط واللي المفروض انها عربيه بدون جمارك
وعن سخونة في دواسة البنزين
وقزاز العربيه اللي بينكسر بدون سبب واضح ( وده حالتين بس تقريبا )
وعضة الفتيس
ودا من شكاوي اللوجانيه ، وعارف ان التوكيل بيحل المشاكل دي
لكن أنا لم أسخر من العربية
وما تنساش اني ختمت كلامي وقلت
=================
على فكرة قبل ما اللوجانيه يزعلواااااا مني
الموضوع إسمه ....
" عبقرية التوكيل في حل مشكلة عضة المارشدير "
يبقى فين التريقه ؟
وممكن تبص على مشاركتي اللي فوق دي بالظبط
وشوف فيها مقتبس مشاركة الأستاذ ringoo وهو غالبا معاه لوجان
=======
تقبلوا مروري
ألفي بشرى

بصراحة انا حسيت من عنوان الموضوع ان التوكيل حل المشكلة بالغاء المارشيدير بس بصراحة طلعوا عباقرة جدا ضيع العضة و احتفظ بالمارشيدير!
علي فكرة انا مش بتريق علي العربية انا بأتريق علي الجهابزة الي بيحلو لنا المشاكل بعبقرية غير مسبوقة,و للأسف العباقرة انتشروا في البلد كلها.

المشاركة الأصلية كتبت بواسطة alf2boshra

:zb_sor1[1]:
العزيز الغالي engasad200
تاني مرة ماتسيبش حقك في التوكيل كده

أوافق الأستاذ ringoo على ملاحظته

يا جماعه جزء من تمن أي عربيه
بيكون عشان فترة الضمان :y_hi_3[1]:

يبقى مينفعش نضيعها كدا و ...

يبقى لازم أي حد ما يفرطش في حقه مع التوكيل بتاعه

=======
تقبلوا مروري
ألفي بشرى

كلامك صح ميه الميه يا استاذ الفى

المشاركة الأصلية كتبت بواسطة Super_Star_h

طب انا اللى فهمته من احد الاعضاء هنا
انهم بيعلو الدبرياج فى التوكيل !!
ودى حاجه بسيطه جدآ اي ميكانيكى مالوش فيها بيعملها فى دقيقه
انا بدات اتخنق من الصوت بتاع عضة المرشدير
انا بيتهيقلى الناس كلها بتنح من الصوت اللى بعمله فى الشارع كل شويه
لو الحل فى انى اعلى الدبرياج
انا مش عايز اعليه اساسآ لان هيبقى الفصل بتاع الغيارات عالى
مبحبش العب ايكروبات انا مع الدبرياج وابقى على الهوا

أنا : عربية بدون جمارك وبالسعر ده ؟
هو : هتستهبل ؟ وانت مالك ؟ انت لوجاناوي ؟
أنا ؟ لأ
هو : طب مالك ومالهم ؟
أنا : ماهي حاجه تفرس بجد
هو : يا عم ماليكش دعوه .. إنت تدخل تتفرج ع الفيلم وبس . حبيت تقول رأيك من غير ما تزعل حد قول
أنا : طب ياللا ندخل نشوف الفيلم
واتحركت أنا من قدام المرايا عشان أشوف الفيلم
................*
من حوار احد ابطال الفيلم
........................
انا اللى فهمته انهم بيعلو الدبرياج فى التوكيل !!
ودى حاجه بسيطه جدآ اي ميكانيكى مالوش فيها بيعملها فى دقيقه

انا بدات اتخنق من الصوت بتاع عضة المرشدير

انا بيتهيقلى الناس كلها بتنح من الصوت اللى بعمله فى الشارع كل شويه

لو الحل فى انى اعلى الدبرياج

انا مش عايز اعليه اساسآ لان هيبقى الفصل بتاع الغيارات عالى

مبحبش العب ايكروبات انا مع الدبرياج وابقى على الهوا

طلعت من صاله العرض أجيب
وقعدت كدا أتكلم مع نفسي تاني
طب ما يضيفوا على تمن العربيه مبلغ تاني
عشر تلااااااااااااااااااااااا ااااااااف جنيه مثلا
بحيث اللي يشتكي من نفس المشكلة يسفروله العربيه بلدها
تتصلح وترجع ويقولوله السفر رايح جاي هديه من التوكيل
وبكدا تتحل من ابوها
طالما مفيش حد هنا بيعرف

واللي يرجع عربيته التوكيل يسفرهاله
واللي ميرجعهاش التوكيل كدا كدا واخد حسابه
ياااااااااااااااااااااااا اااه
نفسي افتح توكيل عربيات
وتكون برضه جايه بدون جمارك
لأ لأ .. أنا هاستورد صيني وأشغله بالطريقة دي
ياااااااااااااااااااااااا اااه أفكار كتير .. أسيبكم أخطط شوية وارجع
=======
تقبلوا مروري
ألفي بشرى

المشاركة الأصلية كتبت بواسطة bishoy02010

على فكرة انا بقى موضوع الكهربا ده شبه جننى وكويس قوى ان ليه حل انا مبقتش بقفل الباب لما بنزل غير برجلى كل مرة بتكهرب بس كنت فاكر انه طبيعى

اه المارشيدير ليه حل راجع الرابط اللى فى المشاركة اللى قبل ديه

علي فكره انا طول عمري عندي الموضوع ده و مع اي عربيه كمان
لو حتي ميكروباص
انا كنت عايش بره و روحت لي دكتور هناك علشان الموضوع ده كان مجنني و قاللي انت بتلبس شراب نوعه ايه قلتلوا عادي يعني كل الانواع صوف او قطن
قالي حاول تركز الموضوع ده بيحصلك مع اي نوع شراب علشان لو انت لابس قطن مش حيحصل الموضوع ده معاك هوا كان قصده علي الشربات البيضه الكبيره دي اللي بنلبسها علي الكوتشي و كده
و فعلا لاحظت اني لما بكون لابس كلاسيك بتكهرب علشان بكون لابس شراب صوف و لو لابس كاجوال مش بيحصل الموضوع ده

المهم لما جيت مصر و ابتدييت اشتري الشربات دي من هنا رجع تاني الموضوع ده
بس بعد كده عرفت ان في مصر طبعا مش بيعملوا الشراب قطن ميه في الميه علشان كده رجع الموضوع تاني


مش عارف عندي احساس اني بعمل اعلان عن شربات