عربية تعبانة جدا تجتاج لكام بظبط

**khaled_rafea** · 11-04-2010 11:27 AM

يا سيدى العربية اللى بتتظبط بره دى بيجيبوها بلدنا مقطعة قطع غيار, و بتبقى اساسا زيرو, خبطة صغيرة من برة, ولا شوية تراب و مكسلين يغسلوها, او عيب ميكانيكا و مفيش وقت للصنايعية, انما اللى انت عاوز تجيبها دى عربية ماتت من زمان, و تحللت, (بهزر طبعا), بس متقارنش عربيات برة بتاعت بيمب مى ريد بالعربية اللى كلها برومة

**zalpany2000** · 11-04-2010 05:31 PM

بص يا باشا, اولا مفيش حاجة اسمها تصرف 6 الاف, دى ليها حسبة الاول, ثانيا هل شاسية العربية و دواخلها سلام اوى ولا فيهم شغل و عيوب؟ لو الشاسية مش تمام و العربية راشة حوض او شانطة يبقى سيبك منها علطول, انما لو العكس يبقى تنزل تسأل الاول على اسعار الصاج و العافشة و الموتور والاكسسوار بتاعها و تشوف حتصرف كام, انت ممكن تصرف 20 الف مش 6, وبرده متبقاش عربية تمام

ده كلام سليم 100%
بص يا باشا فيه فرق انك بتلم العيوب اللي في العربية
او بتفتح فيها تظبيط
انا شوفت واحد معاه 128 عايز يبيعها ب 60,000 !!!! متخيل ؟؟؟
الناس اللي برة بتظبط العربية من غير وضع حد للميزانية .... بيعملوا كده للمزاج مش بدافع العملية ...
اتمني تكون فهمت قصدنا

عموما لو حضرتك ميال للموضوع ده .... فعلا انزل الاول شوف اسعار قطع الغيار والتكلفة المبدأية
وزي ما اكتر من حد من احبائنا الاعضاء قالك ... لو رشه حوض او قوايم او شنطة .. او لو هاتحتاج لرش في الحتت دي... يبقي ابعد عن الشر وغنيله :)
تحياتي
و تمنياتي بكل توفيق

**zalpany2000** · 11-04-2010 05:32 PM

@eng.octooo
حبيبي .. تحياتي

**aallmix** · 11-04-2010 06:43 PM

طيب انت كلامك تمام يا اخ زلباني بس لنفرض ان الشاسيه سليم

بالنسبة لتركيب موتور جديد هل فيه ماتور نيفا استيراد في شلبي او الحرفيين ولا ادور على موتور تاني مناسب لقواعد شاسيه النيفا ؟

هل حد عنده خبرة في الموضوع ده ؟

و هل ينفع اركب انجكشن و لا مستحيل ؟

و ايه اخبار الفتيس معاهم سواء موتورها الأصلي او التسقيط ؟

**aallmix** · 18-04-2010 09:44 PM

للرفع و الرد

**khaled_rafea** · 19-04-2010 11:41 AM

يا باشا لو الشاسيه سليم مفيش مشكلة, جبلها موتورها الاصلى, اعتقد انه هو هو بتاع اللادا 2106 , و الموتور ده بيركبله فتيس ال 131, الحاجات دى مش غاليه و متوفرة عادى , ممكن كمان تسقط موتور الكورسيدا, الميكانيكى يفيدك اكتر فى موضوع المواتير اللى تنفع, بس عموما الموضوع فليكسبل, حتى الانجكشن ينفع طبعا بس المهم قواعد الموتور , كان فيه زميل فى المنتدى مسقط للنيفا موتور الفاروميو 2000 سى سى انجكشن و تربو