بالاول حمدالله علي سلامه حضرتك و ربنا يعوض عليك بأحسن منها ان شاء اللهبص يا باشا الموضوع ببساطة راجع ليك, انتا جربت الأوكتافيا و اتلسعت منها عشان مكشفتش عليها و ديه غلطة مش لطيفة وانتى بتشتى مستعمل عموما أنا كنت و مازلت فى نفس حيرتك للأسباب الأتية:
1- الميجان عربية طبعا برستيج عالى و كقيادة و ركوبة بصراحة ممتعة جد
2- الميجان سعر المستعمل يشجعك جدا انك تخاطر و تجبها
3- و لكن فى كل مرة أقرب من اتخاذ القرار بسبب الأخوة الأفاضل فى المنتدى مسبوش مشكلة الا و جابوا حلها و منتدى الرينو مثال للتعاون بين الأعضاء, و لكنى أاتراجع لأسباب مختلفة, منها انك تسمع من صديق عن مشاكل عويصة بأسعار تقطم الوسط (طبعا فى فرصة لتواجد الاشاعات الكاذبة), تتفرج على برنامج توب جير تلاقيهم بيتكلموا عن قلة الاعتمادية الخاصة بماركة رينو, من قريب جاء ضيف أجنبى من التشيك متخصص فى السيارات و قطع غيارها, و بأخذ أرائه بشكل عام أفاد بنفس سمعة الرينو خارجيا بوجود نسبة كبيرة من الأعطال (أنا لا أتكلم عن موديل معين) و من خرجت باحساس ان هناك سمعة (الله أعلم بنسبة مصداقيتها) عن الرينو داخليا و خارجيا بوجود أعطال ميكانيكية أو كهربية.
5- طيب من 7 شهور كنت فى الحيرة بتاعتك و ربنا كرمنى ايامها بسيارة بورا م 2000 (تعتبر الأخت الشقيقة للأوكتافيا ال a4 متضمنة الموتور و الشاسيه و العفشة تصميم الأبواب و التابلوه باستثناء الأنوار الفى رأيى أحلى فى البورا طبعا) و خلال فترة تواجدها معى لم أقابل أى مشاكل ميكانيكية أو كهربية تذكر و لم تعطل منى مرة, و مشاكلى كانت فى عفشة و ضبطها تماما و بصراحة أنا كنت عاشق للسيارة ديه و لمتعة قيادتها.
و لكن يشاء المولى عز و جل أن تكون هذه السيارة سبب من عند الله لخروجى من حادث شديد التدمير قضى على النصف الأمامى للسيارة بالكامل (بعد 3 أشهر من شرائى لها) و خروجى منها سالما باستثناء اصابتى فى الرأس لعدم ربطى حزام الأمان, و رغم أن مالك السيارة السابق كان لاغى الايرباج تماما و رغم عدم ربطى للحزام فقد تم فتح 2 ايرباج و كانت سبب من الله لخروجى سالما.
بعد مرورى بالتجربة زاد احساسى بقيمة هذه العربية و ارتفاع عوامل الأمان (أينعم تتمتع بصاج ناشف جدا و لكنه انكمش كثيرا أثناء الحادثة و منع وصول كثير من الأضرار الى الكابينة ) و صواب قرارى بشرائها و احترامى الكامل لها.
عموما أصبحت أكثر اقتناعا بأفضلية الصانع الالمانى عن اى بلد أخر, و لكنها سيارات لابد من الاهتمام و المحافظة عليها و دقة البحث و التدقيق عند الشراء, و بصراحة ورش الصيانة الفهمينها و محلا قطع غيار الاستيراد اكتر من الهم على القلب.
لو كنت من الناس القلوقة ابعد عن الميجان عشان الوساوس الهتركبك, لكن مستعد بنسبة مخاطرة فالاكيد انك هتسمتع بيها جدا.
عموما طبيعى بعد الكتبته فأنا أنصحك بالأوكتافيا عن الميجان بالنسبة ليا, ورغم المريت بيه و نظرا لقلة الموارد المالية فأنا بمر بمرحلة عدم استعدادى للمخاطرة "فى الوقت الحالى" بشراء سيارات عليها كلام (مثل الميجان) أو سيارات استهلكت بنسبة كبيرة فتحتاج لاصلاحات مكلفة (أوكتافيا أو بورا), فدماغى راحت للشيء اليقلل المخاطرة يعنى سيارة يابانى منتشرة و موديل حديث و قطع غيار متوفرة و سرعة معدل بيع, و لقيت ان غالبا ده ينطبق على حاجة زى النيسان الصنى, لكن لو وقت تانى و ظروف تانية أكيد هتجه لسيارة المانى.
ربنا يوفقك
كلامك مقنع جدا لانك فعلا وصلت للاشياء إل محيراني بشكرك علي نصيحتك الجميله
المفضلات