الموضوع: الحمد لله...بطلت تدخين نهائى...ودى الاسباب

ألف مبروك و ربنا يثبتك على البعد عنها,
رسول الله صلى الله عليه وسلم يقول (من سن في الإسلام سنة حسنة فله أجرها، وأجر من عمل بها من بعده، من غير أن ينقص من أجورهم شيء، ومن سن في الإسلام سنة سيئة فعليه وزرها، ووزر من عمل بها من بعده، من غير أن ينقص من أوزارهم شيء)
تصور لو لا قدر الله واحد دخل دائرة التدخين بسبب آخر و اللي أصبح مدخن ده واحد تاني إتعلم منه التدخين, و بعدين إتنين إتعلمو منه, و كل واحد من الإتنين كانو سبب في إن إتنين تانيين أصبحو مدخنين ... إلخ, بقت قنبلة ذرية من السيئات في ميزان أول واحد وقد يكون توفى بس تلاميذه في المعصية (التدخين) شغالين حرق وبدل ما لا ينقطع عمله من صدقة جارية, كدة لا ينقطع عمله بس من ذنب جاري ... المصيبة إن مفيش حد دخل دائرة التدخين إلا فعلا عن طريق مدخن أو أكثر, (اللهم احفظنا يا أرحم الراحمين).

و يقول الرسول صلى الله عليه و سلم (كل أمتي معافى إلا المجاهرين، وإن من المجاهرة أن يعمل الرجل بالليل عملا، ثم يصبح وقد ستره الله، فيقول : يا فلان، عملت البارحة كذا وكذا، وقد بات يستره ربه، ويصبح يكشف ستر الله عنه)
تفتكر حد ممكن يشكك في إن المدخنين علنا هم مجاهرون بالمعصية ... اللهم عافهم من هذا البلاء.
ألف مبروك مرة تانية.

المشاركة الأصلية كتبت بواسطة MoToRiZeR

كل ما تبعد عنها أكتر قوتك قدامها تزيد أكتر
انا دخنت 3 سنين و دلوقت بكره أشمها من حد قاعد جنبي حتي و بقوم و مبقتش أحب أقعد في مكان فيه دخان .. يا سلام لو تبتدي تجري علي خفيف و تصحي بدري و تستبدل البيبسي بعصائر طبيعية .. هتحس إنك إنسان تاني تماماَ فابريكة!
تحياتي

نفس القصة بالظبط .

دخنت 3 سنين و كنت مش بولع سجاير , ده انا كنت بولع فى نفسي

حاليا الحمد لله مبقتش اخرج اساسا مع صديق مدخن , و كمان بقالى سنة و نصف مشربتش بيبسي و حتى كمان مفيش Fast Food !!

و فى عضو معانا بطل هو كمان بقاله فترة بس هو يقول بنفسه بقي :)

اما صاحب الموضوع مادام انت اخترت ربنا و خدت الموضوع بالشكل دا فربنا يعينك ..

احييك على الخطوة دى اللى ان شاء الله هتكون نقطة تحول في حياتك

ربنا يثبتك يارب ويعينك