شكرا على المعلومات دى يا جماعة لانى محتاجة فى بعض الامور
عرض للطباعة
شكرا على المعلومات دى يا جماعة لانى محتاجة فى بعض الامور
الله يخليك وتحياتى لك على نهمك الملحوظ فى التعرف على الجوانب الهندسيه فى السياراتاقتباس:
شكراً جزيلاً مهندس سمير ...
هى الكلمه ..........ماهى الا كلمه دارجه فى السوق المحلى ( لدى الصنايعيه )اقتباس:
حد يعرف ترجمة تليين بالانجليزى ؟
- وكلمة تليين .......تسمى تخمير أيضا
فى هندسة الأنتاج الميكانيكى بمعنى annealing
- وفى موضوعنا الحالى وفى هندسة السيارات عامة
فأن كلمة تليين (تعنى تطبيع أو تحضين ) أو تسويه فائقه
وأنجليزيا تسمى lapping
طب انا قيست زيت الفتيس و الموتور النهاردة و عملت كدة :
زيت الفتيس الاوتوماتيك و العربية باردة نقلت الفتيس من L-2-D-N-R-P و بالعكس و قيست لقيت الزيت فوق الHOT وقيسته تانى بعد مشوار و العربية سخنة لقيته فوق الHOt بحاجة بسيطة مع العلم ان على المقياس مكتوب احسن وضع لقياس الزيت و العربية باردة هو ال N
زيت الموتور بعد المشوار و العربية هديت كان بين ال HOT و ال COLD
ايه رايكوا؟
الف شكر يا باشمهندس
كنت نفسى أفهم يعنى إيه تليين ( عمليآ )
و فهمت دلوقتى
الف شكر يا بشمهندس سمير على الموضوع الرائع
معلش من فضلك ممكن توضحلي عملية تفتيح الموتور تتعمل ازاي عشان مش فاهمها
عندي في السوزوكي بعود العربيه على سواقه هاديه ساعات الاقي الماتور يستعبط والعربيه تبقى رخمه جدا ولما اعوز اقرص احس انه هيشتمني لكن جيت يوم قرصت عليها في مشوار لقيتها تاني يوم فايقه وبتجري مني كلها يوم ورجعت ريما لعادتها القديمه ... العربيه عامله 8500 كم
يعني عايز اعرف ازاي افتح الموتور بحيث استجابته تبقى افضل دايما هل العمليه دي تبقى مره كل فتره معينه ؟
اسف عالاطاله وشكرا جزيلا مقدما يا فندم
حاول من الآناقتباس:
معلش من فضلك ممكن توضحلي عملية تفتيح الموتور تتعمل ازاي عشان مش فاهمها
تشبع السرعه قبل الغيار
وخلى النقل بتاعك لمسافة 1000 كم جايين مثلا
من 4000 الى 4500 لفه /ق
بكده حتفتح الموتور واحد واحده
وبعد كده
أبقى لاعبه
شويه تفتيح ................وشويه مسايسه
سلام عليكم يا مهندس سمير
انا ليا استفسار هندسى
دلوقتى الموتور صوته عالى ووقت التسارع اداؤه مش زى الاول وفى السرعة عامة عند ال100 مثلا بقى اعلى من الاول
عايز اعرف دلوقتى الصبابات لو فيها تاكل من القواعد على وش السلندر او الصبابات نفسها وعلى الرغم انى عارف ان الصبابات عايز كاوتش من زمان لكن موضوع الصوت والاداء موضوع لسه قريب عشان كده عايز اتاكد هل ده له علاقة بالحوار وان العربيه يبقى صوتها عالى وقت السرعة العاليه او التسارع
ايه رأيك يا هندسة....؟
منقدرش نحكم على حاجهاقتباس:
وعلى الرغم انى عارف ان الصبابات عايز كاوتش
ألا أما حضرتك تغير كاوتش صباب الأول وتعمل روديه
لأن بلاشك
تلف الكاوتش بيزداد تأثيره مع الأستمراريه فى عدم تغييره
وبيولد آداء غير مرغوب فى المكنه بشكل عام
مثل أرتفاع أصوات ( بم بم بم )
دا غير أن السحب حيبقى فى الضياع وأستهلاك بنزين على الفاضى
لأن شحنة البنزين والهواء بتتلوث جوه غرف الحريق بالزيت اللى نازل من حول الكاوتش من عند منطقة التاكيهات
دا غير أن البوجيهات بيبقى حريقها تعبان
لأنها ملوثه بالزيت
فالصح تتعامل مع كاوتش الصباب فى أقرب وقت
ووضع قواعد البلوف ( الصبابات ) والصبابات نفسها
حيبان معاك بعد الحل
وأنا أعتقد أنك لو غيرت كاوتش الصبابات وعملت روديه صح
كل أمورك حتتظبط بإذن الله