ما هى السيارة الأوروبية المنافسة للفلوانس؟؟؟!!!!

**Hany Saad** · 10-04-2010 10:58 AM

المشاركة الأصلية كتبت بواسطة macdiv

فيات لينيا و مش هتندم ... التوكيل وحش في البيع لاكن في الصيانه بروفيشينال ، قطع الغيار الاستهلاكيه غاليه شويه بس معمره

يا ريت لو حضرتك تقدر تلقى بعض الضؤ على اللينيا من حيث الكماليات و سعة الموتور و السعر و الأداء ....

**Hany Saad** · 10-04-2010 11:01 AM

المشاركة الأصلية كتبت بواسطة د.محمود صلاح

والسيات ابيزا والليون تنافس أيضاً

أنا بحب السيات جدا بس أنا كنت بسأل على فئة الصالون مش الهاتش باك علشان أنا محتاج فاملى كار.

**Hany Saad** · 10-04-2010 11:06 AM

المشاركة الأصلية كتبت بواسطة wawoo

انا بصراحة مستغرب ان حد بيسئل على سيارة منافسة لرينو فى منتدى رينو ...طيب ازى يعنى حتلاقى اجابة ...؟؟؟!!

عموما كل الاختيارات المطروح اقل من مستوى الفلوينس و الميجان حاليا ....

مش معنى إن إحنا فى منتدى رينو إننا منكنش حياديين و نعطى المنافس حقه و أكيد المقارنه بتوضح هل فعلا renault the best value for money و لا فيه سيارات منافسه يجب أن نضعها فى إعتبارنا للى عايز يغير سيارته.

**CryptonX** · 10-04-2010 11:11 AM

من ناحية الفئة الحجمية او الCategory يعني بتاعة السيارات دي ,

بس خلي بالك ان الفلونس رينو عملت فيها حركة ذكية و طولت قاعدة العجلات عن اختها الميجان هاتشباك و بالتالي الفلونس لو شفتها حتحسها في فئة السوناتا و الباسات في الحجم لان السيارة كبيرة فعلا فدي ميزة كبيرة جدا .

المفروض تكون :

- جيتا
- اوكتافيا

الابيزا و البولو و الحاجات دي فئة اصغر من الفئة دي مينفعش يقارنوا اصلا بيها .

اللينا طولا ممكن تنافس بس عرضا صعب , لانها اصلا مبينة على سيارة من فئة اصغر بس هي سيارة ممتازة و لكن انساها تماما لو عايز سيارة اوتوماتيك .

--

انا بصراحة لو معايا تمن الفلونس الاوتماتيك تاني فئة ( 135 الف ) مش حفكر في اي سيارة تاني نهائي .. السيارة تحفة على الطبيعة و كبيييييييييييييييييييييير ة جدا و واسعة جدا جدا و مش حتلاقي زيها في الكماليات و لا في التوكيل و لا في المقاسات !
و سعر منافس جدا جدا .. يعني جيتا او اوكتافيا اضيق سنة بسيطة و بنفس المواصفات حيعدوا ال 160 الف .

**Hany Saad** · 10-04-2010 11:14 AM

المشاركة الأصلية كتبت بواسطة wal

السيارة الاوروبية المنافسة فى الفئة السعرية وفيها تقريبا معظم كماليات الفلوانس هى الفورد فوكاس وهى سيارة ممتازة ايضا وماعليهاش كلام بس الرسمى بتاعها انها بتاخد بنزين 95 بس الناس بتحط 92 عادى واهى ماشية بس الفلوانس تتميز عنها بالحداثة اكتر من الداخل -تابلوه الفورد تقليدى شوية وكمان شكلها هيتغير 2011 بجيل جديد

أعتقد كمان إنها أغلى شوية من الفلوانس و أصغر حجما بكتير ده غير فعلا إن الشكل الجديد على الأبواب و كمان مع الأزمة الإقتصادية الأخيرة إعتمادية السيارات الأمريكانى كانت وحشة جدا و ده هتلقوه واضح فى منتدى فورد...طبعا أنا عارف أن الفوكاس بتتقفل فى أوروبا أو المكسيك بس الشركة الأم واحدة.

المشكلة الأكبر يا جماعة إن كلما قلت مبيعات العربية فى السوق المصرى كلما كان سعر إعادة البيع فى الأرض علاقة طردية.

و بما إن مبيعات الفوكاس أقل بكثير من الميجان و من الفلوانس فمخاطرة إعادة البيع غير محمودة العواقب.

**Hany Saad** · 10-04-2010 11:24 AM

المشاركة الأصلية كتبت بواسطة CryptonX

من ناحية الفئة الحجمية او الCategory يعني بتاعة السيارات دي ,

بس خلي بالك ان الفلونس رينو عملت فيها حركة ذكية و طولت قاعدة العجلات عن اختها الميجان هاتشباك و بالتالي الفلونس لو شفتها حتحسها في فئة السوناتا و الباسات في الحجم لان السيارة كبيرة فعلا فدي ميزة كبيرة جدا .

المفروض تكون :

- جيتا
- اوكتافيا

الابيزا و البولو و الحاجات دي فئة اصغر من الفئة دي مينفعش يقارنوا اصلا بيها .

اللينا طولا ممكن تنافس بس عرضا صعب , لانها اصلا مبينة على سيارة من فئة اصغر بس هي سيارة ممتازة و لكن انساها تماما لو عايز سيارة اوتوماتيك .

--

انا بصراحة لو معايا تمن الفلونس الاوتماتيك تاني فئة ( 135 الف ) مش حفكر في اي سيارة تاني نهائي .. السيارة تحفة على الطبيعة و كبيييييييييييييييييييييير ة جدا و واسعة جدا جدا و مش حتلاقي زيها في الكماليات و لا في التوكيل و لا في المقاسات !
و سعر منافس جدا جدا .. يعني جيتا او اوكتافيا اضيق سنة بسيطة و بنفس المواصفات حيعدوا ال 160 الف .

أتفق معك تماما كلام سليم 100 % أنا بدور على صالون كبيرة و أكيد أتوماتيك.

أنا هكون نازل من ميجان فأنا عايز أعلى من الميجان مش أقل يعنى حجم أكبر شوية صغيرة و كماليات أعلى و كمان أشيك، شكل أحسن ،أكيد أوروبى و أمان أعلى و طبعا لا تنازل عن قوة الموتور.

بالنسبة للفانتازيا أغلى بكتير لو عايز الكماليات الحلوة بتاعتها ده غير إن الجسم تقيل على الموتور ال102 حصان، لكنها سوف تنافس بقوة لما تنزل قريب بموتور 1400 cc TSI 150 حصان و الجير بوكس الdsg

الجيتا برده أغلى بكتير و علشان تأخد نفس أوبشن الفلوانس لازم تأخد فئه عالية و لكنها عربية على الطريق رهيبة بس ضيقة شوية عند الكنبة خصوصا لو السواق رجلة طويلة.

**wawoo** · 10-04-2010 03:43 PM

المشاركة الأصلية كتبت بواسطة eng.sameh

- الليون أحسن بمراحل شكلا ( بكتير ) وموضوعاً
- الأوكتافيا ومش لازم اعلى فئة عشان السعر
- فوكس طبعا افضل
- ولو دخلت في اليباباني هتلاقي حجات تانية احسن 100 مرة ، واصلا الصناعة الياباني احسن من الفرنسي وبالذات لما يكون كمان تقفيل كوري

فين اليابانى اللى احسن 100 مرة دة .. انا شوفت كل اليابانى اللى فى السوق ...كل اسعارها غالية جدا مقابل خامات فقيرة جدا و تصميمات هزيلة و كماليات معدومة ....

اعتقد اليابانى فقد القدرة على المنافسة من فترة "بس الناس مش واخدة بلها" ....الناس حترجع تانى للشركات الاوروبية بعد ما اسعرها اصبحت معقولة و فى متناول ميزنيات ناس كتير .

**macdiv** · 10-04-2010 03:47 PM

المشاركة الأصلية كتبت بواسطة wawoo

فين اليابانى اللى احسن 100 مرة دة .. انا شوفت كل اليابانى اللى فى السوق ...كل اسعارها غالية جدا مقابل خامات فقيرة جدا و تصميمات هزيلة و كماليات معدومة ....

اعتقد اليابانى فقد القدرة على المنافسة من فترة "بس الناس مش واخدة بلها" ....الناس حترجع تانى للشركات الاوروبية بعد ما اسعرها اصبحت معقولة و فى متناول ميزنيات ناس كتير .

++++++ 1111111