الموضوع: ما هى السيارة الأوروبية المنافسة للفلوانس؟؟؟!!!!

المشاركة الأصلية كتبت بواسطة eng.sameh

المازدا3 والسيفيك احسن 100 مرة من الفلوانس فرنسية الجنسية كورية الصناعة ... والأتنين ياباني 100 * 100 ، أضف الى ذلك أن المازدا3 شاسيها نفس شاسيه فولفو s40 وعفشتها نفس عفشة الفوكس واللي هي الأفضل في فئتها على الأطلاق .. فلوانس ايه اصلا بشكلها الكلاسيكي الغير مشجع اطلاقا ورغم انها اذواق في النهاية بس على الأقل ده رأيي في شكلها ، أضف الى ذلك سوء سمعة السيارات الفرنسية الحديثة عموما في مصر وكمان تقفيل كوري .. يبقى بمناسبة ايه مش لاقي عربية أحسن منها في الفئة السعرية وهي اصلا من أقل العربيات كقيمة في هذه الفئة ... مش أي اوروبي اللي يستاهل .. هو الألماني وبعده أو معاه كمان الياباني وشكراً ..

للتصحيح فقط الفلوانس تقفيل تركى و ليس كورى أو على الأقل اللى بتنزل مصر و دى معلومة أكيدة و المصنع فى بورسا فى تركيا.

المازدا 3 من السيارات المحترمة جدا جدا و لكنها يعبها شىء خطير جدا و هو عدم وجود توكيل لها فى مصر.

هل هو غبور و لا سمارت كار و بصراحة الأثنين مش فرقين كتير عن بعض.

طبعا نحن لا نتحدث عن سمعة الفرنساوى نحن نتحدث عن سيارات مجربة فعليا أنا واحد من الناس معايا ميجان و معنديش أى مشكلة فيها على الإطلاق و يكفينى أن التوكيل غير لى بطارية تحت الضمان بعد مرور سنتين على العربية و من غير ما أطلب هذا، ده غير إنى بتلقى مكالمات تقييم من مكتب رينو الإقليمى فى دبى لو عندى أى شكوى من السيارة أو التوكيل.

بالنسبة للسيفيك أنا بحترمها جدا كموتور لكنها واطية من تحت ده غير إن الفطيم ليس له ورش صيانة فى الإسكندرية و فرق السعر كبير بينها و بين الفلوانس يعنى أول فئة فيها ب 158000 و كماليات أقل من الفلوانس و ده مش نفس الفئة السعرية اللى بنتكلم فيها و اللى هى 135000.

طبعا أكيد مش هدفع 158000 جنيه و أصلح عند ورشة و فين الضمان بتاعى؟

أنا مجربتش المازدا 3 لكن جربت الهوندا سيفيك و هى بتعانى من عيوب المدرسة الأسيوى و هو الصاج الخفيف مقارنة بالأوروبى و الدهان بدون بطانة يعنى أى حكة تكشف الصاج على طول و تصدى بعد كام يوم .

الفلوانس لسه ما نعرفش أى حاجة عنها سواء حلو أو وحش لكنها فى النهاية تنتمى للمدرسة الأوروبى و كنا بندور إيه أوروبى الصنع تانى فى نفس الفئة السعرية و ليس أيه عربية حلوة تانى فى نفس الفئة السعرية و مشكور للمشاركة.