الموضوع: اوعى من الخنافة ومد الايد

ولا حد فاهم الى عايز أقوله
+
أحساسى أنى بنفخ فى أربه مخرومه :(

يا باشا صباح الفل

ليه بس اربه مخرومة؟؟؟؟ وازاي احنا مش فاهمين انتا فصدك ايه

حاول تفهمنا

ا جماعة مش مرايا اتنت ولا فانوس اتكسر دى حاجات كدة زى البالونة اللى فضلت تنفخ فيها وفرقعت بشكة دبوس.

تشبيه جميل........

بس دا مش شيء صحي خالص... دا يدل علي ان في خلل ما :(

المشاركة الأصلية كتبت بواسطة Terrible_DaRsH

قصة رواها الشيخ خالد الجندى فى ندوة امبارح .

كان رجل فى طريقه للسفر و لم يملك الا جمل , فى الطريق قرر ان يستريح تحت ظل شجرة و ربط الجمل بجواره .

استيقظ من النوم على صوت شاب و هو يركل الجمل بالحجارة حتى مات الجمل , فغضب الرجل و ضرب الشاب حتى مات الشاب , فرائاه المسلمون و قرروا قتله لانه قتل شخص بغير حق .

تم تقييده حتى يتخذوا قرار فى قتله , و فجاة شاهده واحد من صحابي الرسول ( ص ) يبكي حتى انه اثر فى الصحابي من بكائه .

ذهب اليه الصحابى و قال له لماذا تبكي هكذا , قال له لانى ساموت و لن ارى اولادى فاتمنى ان اراهم قبل ما اُقتل .

فك عنه القيد الصحابي و ضمنه بانه سيرى اولاده و سيعود مرة اخرى , ثم مرة يوم و اثنان و ثلاثة و لم يعود الرجل , فى حالة استغراب من الجميع عما فعله الصحابى فسالوه لماذا ضمنته بروحك ؟ انت تعلم انك ستقتل بداله !

رد عليهم و قال : فعلت هذا حتى لا يقولون اهل المروءة قد ذهبوا .

فجأة سمعوا صوت قادم من بعيد و انه الرجل قد عاد مرة اخرى , فى استغراب اشد من المرة السابقة من الناس .

سالوا الرجل لماذا عدت و انت تعلم انت ستٌقتل !!

رد عليهم و قال : رجعت مرة اخرى حتى لا يقولوا اهل الوفاء قد ذهبوا .

فقام اهل الشاب الذى قٌتل , و قالوا عفونا عنك حتى لا يقولوا اهل العفو قد ذهبوا !!

يا ترى احنا انهى اهل فيهم ؟؟

احنا اللى بقينا بنقتل بعض علشان خبطة اكصدام , احنا مين فيهم ؟

احنا حالنا بقا صعب , افتكر من فتره كنت هموت واحد علشان رمى عليا

صحيح سبب الخناقه نفسه مكنش انه رمى عليا بس الشراره الاولى كانت كدا , ربنا يهدينا جميعا

كل ما الواحد في خناقه يكون هادى تلاقي التاني بيتنطط طب الحل ايه اني اكون هادى وتاني عمال يشتم ويشد من الهدوم ويمد ايد وانا ابقي هادى كده حد يقولي اعمل ايه

المشاركة الأصلية كتبت بواسطة m.osman

نوعيات عجيبة !!

سنتر لوك عربيتك مقفول + تكييفك + مزيكتك + خليك قاعد جوة عربيتك

و خللي اللي عايز يتخانق يشيط و سيبه و امشي !!

احنا برة الدايرة !!

طب واللي معندوش تكييف والكاسيت بتاعه بايظ يعمل ايه

المشاركة الأصلية كتبت بواسطة cyborg_ift

طب واللي معندوش تكييف والكاسيت بتاعه بايظ يعمل ايه

يجيب مروحه ويحط headphones skull candy مش هتسمع الهوا

المشاركة الأصلية كتبت بواسطة أبـو آســـــر

انا شوفت حاجة زي كدة
بس كانت في كمين
انا مرضتش اعمل موضوع بيها علشان اعرف انه ممنوع
كان يوم الخميس 1/4/2010
في كمين واقف في المريوطية بعد الفجر على طول
كان في اول الكمين تاكسي ابيض و بعدين عربية كرولا و بعدين العبد لله
الي حصل كان في ظابط من الي شكلهم مستفز و كان لابس لبس عجيب شوية ( بنطلون جينز ديق و فيه ترتر ) و شكله لسة متخرج
وقف التاكسي نزل واحدة منه و قعد يشتمها شتايم قذرة جداً و هي عمالة تعيط و شارو للأمين جه الامينكمل شتايم و راح راميها في البوكس ( هي شكلها كان عادي بصراحة )
العربية الي بعد التاكسي الكرولا
قالوا الرخص الراجل تفضل مشكورا طلع الرخصتين و اداهمله
الظابط بص فيهم و قعد يتكلم شوية وفجا’ لقيته بيفتح الباب و بيشد الراجل من قفاه و عمال يشتمه و هوب راح لزقه قلم على وشه
و كانت الصدمة الي اضرب طلع مستشار ايوة مستشار بس واضح انه ابن ناس لانه مش مفيم و لا حاطط نسر و لا الكلام ده و كمان كان لابس ترنج و شبشب
المهم الراجل انا حسيت انه اتصدم و قاله يا ابني انا مستشار
الظابط مستشار مين يا ابن ...... و بيقوله انا اطلع الطبجنة و اديك طلقة اموتك و كلام مستفز
المهم بعد ما المستشار فاق من الصدمة
بدون مبالغة الظابط ده اتمسح بكرامته الارض بمعنى الكلمة
و الظابط اتصل جاب عربية دورية في نقيب جاي سخن اتمسح بكرامته الارض هو التاني
النقيب اتصل من موبايله قاله خد كلم محمد بيه ( انا معرفش مين محمد بيه ده )
بس المستشار كان بيقوله ينفع يا محمد ظابط يطلع مواطن عادي من عربيته بالعافيه و كان بيزعقله في التليفون
المهم الظابط طبعاً خد ضرب من المستشار لحد ما وشه و رم
و كان ممسوك من قفاه زي الحرامي
و الله كل ده بدون مبالغة
اكتر من ساعة ونص عمال يتمسح بكرامته الارض و لا حد من الي جه قادر يوقفه بس بصراحه حقه
المستشار يقوله انهاردة يا انا اقدم أستقالتي يا انت تقدمها انا مش سايبك
المهم الظابط فلفص منه و طلع موبايله و كلم حد
مفيش 10 دقايق جت عربية هوندا نط فيه و جري

بس كان منظر مقرف بصراحة

أحسن حاجة لما الظابط اضرب اول قلم من المستشار
عمال يشهد الناس الي واقفه
جه مواطن كدة من الناس الطيبين انفعل قوي عليه
انا مش هاشد مع الشرطة انتوا بتضربونا وبتعذبونا انتوا بتعملونا كاننا صوماليين انا ها اشهد مع الباشا و هروح معاه في اي حته

والله العظيم تلاتة انا لو حد فكر يعمل معايا كدا ممكن اقتله بجد مش هزار

تقولي بلد.......... بلد مين يا عم الحج

بقا دا ظابط؟؟؟!!! المفروض انه ظابط.......... امال الي مش ظابط يعمل ايه؟؟!!!

زي مانا قلت قبل كدا يا جماعة...... الواحد يشوفله مكان محترم يعيش فيه... مش مصر!