اوعى من الخنافة ومد الايد

**M.almaghraby** · 11-04-2010 01:32 PM

اكيد طبعا يا ابو اسر في ناس محترمة كتير.....

بس لما تلاقي الي المفروض مهمتهم تنفيذ القانون هما الي كدا ... يبقي اكيد حتخاف علي نفسك من الاشكال زي الي حضرتك حكيت عنها..

يعني المفاهيم اتقلبت هنا....

**dr-mohamed** · 11-04-2010 01:36 PM

المشاركة الأصلية كتبت بواسطة medo2o1o

طبعا كلامك صح
بس بجد حصلى موقف جامد يفطس من الضحك افتكرته كان شبيه بالموقف ده
كنت راكب مع صاحبى بطل مصر و افريقيا جودو عمر عفت لو حد سمع عنه
الواد بسم الله ماشاء الله بيسد الباب
المهم كسر على واحد جامد بالبطة بتاعته و كسرله الفانوس بتاعه
المهم صاحب العربية التانية نازل و الدم بيغلى فى عروقه و عمر نازل يتاسفله و يقوله انا هادفع تمن التصليح
المهم عمر وقف وراه بالظبط لسة الواد بيقول مش تفتح يا............و لسة بيلف ولاقيناه ازبهل
و قاله انا اسف يا باشا و حقك عليا و حصل خير
عمر راح قاله استنى بس هاصلحلك الفانوس
قاله فانوس ايه يا باشا ما هو سليم اهو و اللى يجى فى الريش بقشيش و كفايا انى اتعرفت بحضرتك و لاقيناه خلع
اعدنا دقيقتين بنستوعب و ركبنا العربية و فطسنا على روحنا من الضحك

ميدو
ميدو باشا
ممكن تسلفني صاحيك شوية .؟
اهو على الاقل كل ما اركب العربية اركبه معايا
ينفع ؟؟؟؟؟؟؟؟؟؟

المشاركة الأصلية كتبت بواسطة romeo_6887

في ناس متجيش الا بقله الادب و البلطجه

في دي عندك حق

المشاركة الأصلية كتبت بواسطة aif

كلامك صحيح تماما ....... المفروض مهما حصل ما تمدش ايدك .... دي خبطة عربية بتحصل كل ثانية .... يعني مش حد عاوز يقتلك او يسرقك بالاكراه

والامثلة كتير ....
مثلا ممكن واحد ينزل من عربيته والدم بيغلي في نافوخه ... ويروح مادد ايده على المنافس
ويروح المنافس متلكك ... وواقع ميت ... عنده سكر ... قلبه ضعيف .... أجله بقى
....
علشان لحظة النرفزة دي اصبح سيادته قاتل
.... ودم القتيل في رقبته .... وح تيحاسب عليه امام الله ... يقول لربنا انا ضربته ومات عشان كسرلي فانوس ؟؟؟؟؟؟.....
وح يتسجن ويتبهدل وممكن مستقبله يضيع
ومش ح يسامح نفسه كل ما يفكر في الاطفال اللي خلاهم ايتام ..... واولاده هوا اللي ابوهم دخل السجن واتبهدلو بسببه
....
ليس الشديد بالصرعة انما الشديد الذي يملك نفسه عند الغضب ... او كما قال عليه الصلاة والسلام

والله يا حاج كل مشاركاتك عين العقل

المشاركة الأصلية كتبت بواسطة m.osman

نوعيات عجيبة !!
سنتر لوك عربيتك مقفول + تكييفك + مزيكتك + خليك قاعد جوة عربيتك
و خللي اللي عايز يتخانق يشيط و سيبه و امشي !!
احنا برة الدايرة !!

يا دماغك
يا دوايرك
ايه الروقان اللى انت فيه ده
بس بجد
خليك رايق كدة على طول
انا بسبب العربية ومشاكل الطريق وقلة الادب اللى بتحصل ولانى عصبي وباخد كل حاجة على اعصابي جالي السكر والضغط
نصحية خليك زي ما انت

المشاركة الأصلية كتبت بواسطة a7med_pharma

معلش ياشباب
مفيش حاجة إسمها البلد إلي بناكل من خيرها ..إسمها البلد إلي بتسففنا ترابها
الواحد بياكل وبيشرب من تعبه ..مش من خير البلد
البلد دي مفيهاش خير ....
وأظنكم متابعين موضوع الحد الأدنى للأجور

ما بلاش انت يا فارما
ما كلنا بردو متابعين موضوع عربيتك والروشنة اللى انت عاملها فيها
يا راجل لما احنا بنقول اننا بنسف التراب امال الناس اللى بتسف التراب بجد تقول ايه
وبعدين يا سيدي الحمد لله اننا بنتعب وبناخد جزاء من مقابل عملنا غيرنا بيشقي وبياخد اقل
الرضا نعمة يا فارما

المشاركة الأصلية كتبت بواسطة أبـو آســـــر

تخيل ده مثلاً لو مواطن غلبان زي الي انفعل ده
كان ممكن يحصله ايه
على العموم انا بصراحة معظم الظباط الي بقابلهم في كماين بيبقوا محترمين جداً ( ده كان فلته بصراحة كان شكله اصلاً عجيب من غير ما يتكلم بالبنطلون ابو ترتر الي كان لابسه ده )
انا مرة كنت ماشي على كوبري الجامعة باليل في كمين رخم قوي بيقف في اخره
لقيت الظابط بيشاورلي و قالي الرخص
و الله العظيم قبل ما امد ايدي لقيته بيقولي
بقولك ايه ابقى ادهن النمر الي قدام علشان ممسوحة ( فعلاً كانت ممسوحة لانها كانت مؤقته ساعتها )
و قالي توكل على الله مع الف سلامة بس ما تنساش النمر علشان محدش يرخم عليك
انا كنت مزهول بصراحة

فعلا الكمين ده عارفه عند اخر كوبري الجامعة في اتجاه القصر العيني وفيه واحد تانى على كوبري عباس في اتجاه المنيل
الكمينين دول راشقين يوماتي بعد 3 الفجر بس الصراحة محترمين
صحيح يا ابو اسر انت ايه اللى مخرجك الفجر ورايح هناك ؟؟؟؟؟؟؟؟؟؟؟

**أشرف العدوي** · 11-04-2010 03:21 PM

المشاركة الأصلية كتبت بواسطة cairo2005

فعلا الكمين ده عارفه عند اخر كوبري الجامعة في اتجاه القصر العيني وفيه واحد تانى على كوبري عباس في اتجاه المنيل
الكمينين دول راشقين يوماتي بعد 3 الفجر بس الصراحة محترمين
صحيح يا ابو اسر انت ايه اللى مخرجك الفجر ورايح هناك ؟؟؟؟؟؟؟؟؟؟؟

يوم كوبري الجامعة كان مشوار عائلي من الي بيطلعوا باليل دول
و الحمد لله ان العربية ما اتفتشتش
لانه لو كان فتشها كان ممكن يتشل و لا حاجة
كان هيشوف حاجة عمره ماشفها و لا لاقاها في عربية شاب واقفة بتتفتش في كمين
تخيل ايه !!!!!!

منفاخ بلالين
وحلة سمنة بلدي
اه و الله

تاني مرة بتاعة المريوطية
كنت بوصل واحد صاحبي بعد ما صلينا الفجر في الازهر

**dr-mohamed** · 11-04-2010 03:45 PM

المشاركة الأصلية كتبت بواسطة أبـو آســـــر

يوم كوبري الجامعة كان مشوار عائلي من الي بيطلعوا باليل دول
و الحمد لله ان العربية ما اتفتشتش
لانه لو كان فتشها كان ممكن يتشل و لا حاجة
كان هيشوف حاجة عمره ماشفها و لا لاقاها في عربية شاب واقفة بتتفتش في كمين
تخيل ايه !!!!!!

منفاخ بلالين
وحلة سمنة بلدي
اه و الله

تاني مرة بتاعة المريوطية
كنت بوصل واحد صاحبي بعد ما صلينا الفجر في الازهر

وجالك قلب تقول حلة سمنة بلدي ادام الاعضاء اللى عايشين على الزيت والسمنة الصناعي
احمد ربنا انه مفتشش العربية كان هياخد السمنة يقولك مفرقعات ويصادرها للبيت

**أشرف العدوي** · 11-04-2010 04:17 PM

المشاركة الأصلية كتبت بواسطة cairo2005

وجالك قلب تقول حلة سمنة بلدي ادام الاعضاء اللى عايشين على الزيت والسمنة الصناعي
احمد ربنا انه مفتشش العربية كان هياخد السمنة يقولك مفرقعات ويصادرها للبيت

هو أكيد كان ها يصادرها
اصل شكلها كان مغري بصراحة
حلة بايركس قزاز و متغطية بورق الومنيوم

**M.Osman** · 11-04-2010 04:34 PM

المشاركة الأصلية كتبت بواسطة amrelsaqqa

+111111
بجد جبت من الاخر الله عليك

يا دماغك
يا دوايرك
ايه الروقان اللى انت فيه ده
بس بجد
خليك رايق كدة على طول
انا بسبب العربية ومشاكل الطريق وقلة الادب اللى بتحصل ولانى عصبي وباخد كل حاجة على اعصابي جالي السكر والضغط
نصحية خليك زي ما انت

http://www.nilemotors.net/Nile/84846-a.html