الموضوع: فكرة جت في بالي .. حد يفكر معايا ؟ :-)

المشاركة الأصلية كتبت بواسطة nab!l

لو بتفكر تغير فعلا العربيه دى جامده
استنى خالد ايمن هو اللى يحكيلك تاريخ حياتها

حبيب قلبى ...
معلش يا جماعه انا اسف على التاخير بس والله لسه شايف الموضوع حالا ....

شوف بقى يا باشا ....
بما انك اوبلاوى ...
هل حضرتك بتتعامل مع التوكيل ولا بتروح لحد برا ؟؟
لو بتتعامل مع التوكيل يبقى كده تمام عشان هتريح نفسك من مشكله التوكيل ...(قصدى انك واخد عليهم يعنى ....) لو مش بتتعامل معاهم هتواجهك مشكله الوكيل ...(الفيكترا السى متطوره جدا جدا و محدش بيفهم فيها ...)
هتواجهك مشكله التوكيل ...
الى هى عدم توافر قطع الغيار "الخارجيه"للسياره ربنا ما يضطرك ليها ...
انما الفلاتر و الذى منه موجود عندهم و باسعار منافسه لباقى سيارات فئتها ...
على عكس اسعار قطع غيارها الخارجيه زى الفوانيس و الاكصدامات الى سعرها اعتقد يتعدى سعر قطع غيار الباسات ..
بما انك بتفكر فى مانيوال ..
يبقى انت كمان تجاوزت مشكله "فتى" الناس فى الفتيس ...
و انا شخصيا بقولك الفتيس الايزى ترونيك مقهوش حاجه ....و اساسا انت هتجيبها مانيوال ...و ده مهما كان افضل من الايزى ترونيك ....(على الاصل دور )....
اداء العربيه عموما افضل من الفيكترا بى بشكل كبير ...
ثبات اعلى ...
سحب افضل (افضل من ال 1600 )..
ثبات اعلى ..
عفشه صوتها شبه معدوم ...
و لكن تحتفظ بنشوفيه الالمانى المعتاده و كمان فيها حركه رخمه اوى ان جسم العربيه بيتهز فى المطبات كتير ...(لا ينصح بشرب المشروبات داخل السياره )
فرامل العربيه قويه جدا جدا جدا و هقول جدا من هنا للسنه الجايه ....
اقوى من الاوكتافيا ...(الى الناس بتحلف بفرملتها)....
عيوب العربيه الاساسيه الى مفيش جدال عليها ...
1-سعر اعاده بيع منخفض
2-توكيل سىء
3-قطع غيار خارجيه غاليه و مش متوفره بسهوله
4-هوايات التكييف الريشه السفليه فيها ضعيفه جدا جدا و بتتكسر لوحدها (بس مش بتبان لو انت مش قافل الهوايه ..و ربنا كرمنى وواحده منهم اتكسرت ..بس فى نفس الوقت تصليحها سهل جدا جدا و تكلفته جنيه واحده و هو تمن امبوبه امير ...)
5-الفانوسين الى ورا بيدخلو "دبان" فقط لا غير ...
مفيش لا تراب ولا مياه ولا اى حاجه ...
هو فقط الجزء السفلى من الفانوس (الجزء بتاع لمبه المارشدير) هتلاقى فيه دبان ...

غير كده العربيه ما شاء الله ممتازه ...
سحب و فرامل ووسع و فخامه و هدوء و عزل و رحابه و شياكه و ثبات ...
ممتازه بجد ...
بس متفكرش تبيع بدرى ..
معلش ده تقييم سريع على اد معلوماتى
لو فى استفسار قول و ان شاء الله اقدر افيدك ...
و كمان هنا المهندس احمد شرف الدين معلوماته ما شاء الله قيمه و هيفيدك اكتر منى