الموضوع: لانسر بوما خليجى 2010

الشارك تكسب, عربية ممتازة وقوة ماتورها 109 حصان (1500 cc)أعلي من البوما 106 حصان (1600cc)

المشاركة الأصلية كتبت بواسطة tarekeg

شكرا لردك
السيارة اللى انا شوفتها مكتوب عليها "على قايم باب السائق" (طبقا لمواصفات دول الخليج/المملكة العربية السعودية) هى كده تبقى خليجى سعودى ولا ايه؟

وبما انك معاك العربية ايه رأيك فيها وهل محتاجة abs ولا مش فارق؟ وياريت تقولى اخبار الثبات على السرعات العالية عامل ايه!

- كل السيارات الخليجى مكتوب على القايم الباب ( طبقا ً لمواصفات دول الخليج / المملكة العربية السعودية ) والموجودة معى امارتى ( دبى ) ومكتوب نفس العبارة وكنت هأشترى عربية خليجى كويتى قبلها من عند سمير ريان وكان مكتوب عليها نفس العبارة وعلشان كدة سألت واهتميت بالموضوع وعند سمير ريان مندوب المبيعات قال لى لف على كل العربيات الخليجى ( كنت بتكلم على الانسر ) هتلاقى نفس العبارة
- اما موضوع abs انا اللى معى بدونة ومجربتوش ولكن اول ما استلمت السيارة وفى ميدان رمسيس وبحكم انى متعود على المانيوال فمسكت فرامل برجلى الشمال وكان اخى خلفى بعربية فيرنا ولبس فيا لان عربيتى وقفت فى مكانها والنتيجة تلفيات بسيارتة هو حتى ان بوية الصاج لدية طلعت فى الاكصدام الخلفى لى بالرغم من انها فابريكة لدية ولم تتأثر السيارة لدى عالرغم من قناعتى بإن الاكصدام الخلفى لدى خفيف
وتجربة اخرى على كوبرى اكتوبر سيارة قطعت على الطريق بالعرض فجأة كان عايز ينزل واول ما مسكت فرامل العربية زحفت قليلا ً ولكنها فرامل ممتازة
- الثبات عن تجربة حتى سرعة 180 كم / س ممتاز بحكم انى بسافر كتير وقطعت اكثر من 11 الف كم فى اربع شهور واعتقد مفيش طريق فى مصر ممكن تمشى علية بسرعة حتى 180 وانت مطمئن للطريق ولكن السيارة بمجرد غلق الزجاج ولولا وجود جرس على ال 120 كم متحسش انها ماشية على 80 حتى
وفية تقرير مصور انا مشارك به هنا بيقيم السيارة من حيث العيوب والمميزات
واهم عيوب السيارة هو فقرها للاوبشن مثل السيراتو والالنترا من مثيلاتها فى نفس الفئة السعرية
واى استفسار انا فالخدمة