نداء خاص لشركات الأتصالات الثلاثه حرام عليكم

**HAMZAWY** · 11-04-2010 12:45 PM

انا اعرف ان مش ده بس مكسب كروت الشحن فى حاجات تانية زى بونص على اجمالى السحب وبعدين ماينفعش تشتغل فى كروت الشحن بس الا لو بتشتغل بمبلغ كبير جدا عشان تشوف مكسب

**ahmed-moga** · 11-04-2010 01:19 PM

المشاركة الأصلية كتبت بواسطة hamzawy

انا اعرف ان مش ده بس مكسب كروت الشحن فى حاجات تانية زى بونص على اجمالى السحب

لايافندم البونص اللي بيبقي علي أجمالي السحب بيبقي للأكسات والسوبر ديلر فقط

وكذلك بيبقي اكتر في سحب الخط من الوكيل يعني لوبتاخد 1000 خط اتصالات ب 15

جنيه ممكن يبقي 13 جنيه لو خدت 3000 الاف والخط اقصي مبلغ ينزل 12 جنيه لو

خدت 10000 خط والبونص اللي بياخده السوبرديلر أو الأكس نصف جنيه علي الميه

يعني انا بينزلي ب97 هو بينزله ب96.50

المشاركة الأصلية كتبت بواسطة hamzawy

وبعدين ماينفعش تشتغل فى كروت الشحن بس الا لو بتشتغل بمبلغ كبير جدا عشان تشوف مكسب

انا عارف الكلام ده يافندم بس انا بتكلم عن الشباب والناس اللي بيعانوا والحاله معاهم أصبحت مأسويه

ومش قادرين يكسبوا ويعيشوا زينا لأن رأس المال بتاعهم قليل مش زي التجار الكبار أقصي محل

ممكن يكون رأس المال بتاعه 5000 جنيه ده غير اللي قلت عليه سابقا وغير ان في تجار أخرين وللأسف جيرانهم

بيحرقوا أسعار كل حاجه ومش عايزينهم يشتغلوا وبيقولوا أحنا بنجر رجل الزبون قول مخالف للدين والشرع

فاكرين انهم لما هيعملوا كده الرزق كله هيجلهم لوحدهم فقط لا حول ولاقوة الا بالله العلي العظيم

**ahmed-moga** · 11-04-2010 03:28 PM

المشاركة الأصلية كتبت بواسطة wesam_salom

انا كنت فى القصه دى من سنه 99

لما كانت بتكسب بجد

بس كنت معتمد على شغل الجمله والمناديب اللى بتوزع لى وياما لبست اسود فى الخطوط

واكيد ياما ربنا اكرمنى فيها

وانسحبت منها فى 2007 بشكل كبير(من يوم موضوع الكارت ابو 10 بعشره)

لانى حسيت بنهايه المجال ده زى مجال الدش قبله

مفيش مكسب فيه ولا فى الكارت ولا الخط ولا الجهاز ودلوقتى ولا حتى الصينى

مفيش غير المستعمل والصيانه (ومش مع كل الناس)

ونهيت كل علاقتى بيها فى 2009 وحاليا فى مجال بعيد جدا عنها

حاليا مجال المحمول بيحتضر والمركب غرقت

الحق نط منها بسرعه

معاك حق ياوسام في كل اللي قلته وانا بالفعل دلوقتي بشوف نشاط تاني بس الناس دية هتعمل ايه