مرايه الميجان كلاكيت عاشر مره

**iaibrahim** · 12-10-2012 10:04 PM

لو حد يعرف مكان لاصلاح العطل الازلى بتاع المرايه التى لا تقف ولكن تروح للاخر ......المرايه الشمال بتعمل كده وبلحقها بيدى ولكن اليمين باظت خالص لان الافندى فى صقر قريش فكها خاص ومعرفش يصلحها وقال ده عايزه ماتور لانه فيه ترس مكسور المهم انه لعب فيها لدرجه ان درجه الحراره لا تظهر فى الشاشه ومعروف ان حساس الحراره فى المرايات !!!! اسف للاطاله لانى متضايق جدا ومش عارف لو حد عنده حل وجزاكم الله كل خير

**MohammedAladel** · 13-10-2012 10:46 AM

بالنسبة للمراية الضم

موضوع فتحها للآخر عايزة إنك تفك الموتور وتصلحه بنفسك وعشان تركبه تانى بتجيبله حتة ماسورة ضغيره وفيها صامولتين عشان تضغط عليه

ممكن ما تتصلحش فعلا لو الترس اللى فى الموتور متكسر خالص ويفضل الموتور يلف على الفاضى إلا لو لقيت ترس زيه و دا صعب

بالنسبة لحساس المراية بتاع الحرارة بيبقى موجود فى المرايا اليمين وباين منها من برا زى سن مدور كدا من تحت شوفه راكب ولا لأ

لو راكب يبقى أكيد ما وصلش الوصلة الكهربائية بتاعته كويس فى مكانها و دى سهلة إن شاء الله

**MohammedAladel** · 13-10-2012 11:21 AM

دا موضوع كنت فاكك فيه المرايا http://www.nilemotors.net/Nile/301521-a.html

وبعدين كلمت الأستاذ شريف محمد وقالى على حكاية فك الموتور والترس وربطه بمسمار من أباجورة قديمة

والأستاذ شريف عمل الموضوع دا ونجح معاه

بعدها الباش مهندس شريف triton غير الأستاذ شريف محمد عشان متتلغبطش بينهم هههههه عمل القصة دى ونجحت برضه وجابلنا الصورة النهائية
http://www.nilemotors.net/Nile/308795-2006.html

بس أنا طنشتها لأنها بتقف عندى بالمسمار الىل صاحبها القديم كان مركبه

وكنت ناوى لما أبقى رايق أعملها لكن حصل خلاف مع السيد الوالد بناءا عليه مش بركب العربية ولا بلمسها حتى ولا عايز أعمل فيها حاجة :(

**iaibrahim** · 13-10-2012 03:37 PM

شكراعلى الرد وانا شوفت الوضوع بس انا ماليش اوى فى الفك والتركيب والسؤال هل فيه مكان يصلح المرايه ؟ ام حساس الحراره اعتقد ان الصنيعى لعب فى دايره الكهرباء لانه كان شغال قبل كده مع جزيل الشكر

**MohammedAladel** · 13-10-2012 05:19 PM

فيه واحد بيقولوا اسمه رامى كويس

بالنسبة للحساس زى ماقولت لحضرتك من غير فك وتركيب تشوفه هتلاقيه فى المراية اليمين حط إيدك تحتها هتلاقى خرم وطالع منه زى سن مدور بلاستيك هو دا الحساس لو موجود يبقى إن شاء الله احتمال

يكون الحساس مفصول من جوا كهرباء

أو الفيشة بتاعته مش راكبة لأنه ليه فيشة صغيرة ممكن يكون نسى يركبها أو مركبهاش كويس

وهى حاجة بسيطة جدا إن شاء الله مش متعبة بس عايزة واحد عنده ضمير

**iaibrahim** · 14-10-2012 01:15 AM

انا عارف ان غالبا محتاج موتور للمرايه .....طيب رامى موجود فين او تليفونه لو تعرفه مع جزيل الشكر

**Mo.Kareem** · 14-10-2012 05:57 PM

رقمة 01224043919
إسمه هشام
عنوانة هوصفهولك علشان هو مش محل ولا ليه يافطة هو زي شقة كدة في عمارة بس مشهور بيصلح مرايات بس
لما تكون في شارع رمسيس العمومي متجه من الإسعاف لرمسيس بعد ماتعدي الدخلة بتاعة التوفيقية بشويه في بنزينة موبيل كبيرة على اليمين بعدها علطول في إشارة تقاطع العربيات فيها بتكون جاية من الناحية الشمال قبل الإشارة دي علطول في فتحة على اليمين للي عايز يدخل الشارع اليمين اللي العربيات اللي جاية من التقاطع بتدخل فيه، هتدخل من الفتحة دي بس مش هتدخل يمين هتلاقي في وشك علطول شارع يعتبر بميل 45درجة تقريباً على شارع رمسيس وهيكون في وشك وإنت في الفتحة ديه
أول ماتدخل الشارع ده تاني أو تالت عمارة على الشمال هتلاقي في المدخل بتاعها فاترينة ثابتة لشركة ادوات قياس يا تسئلهم فين ميشو بتاع المرايات يا تتصل بيه وهو ينزلك هو تقريبا في الدور التاني أو التالت
معلش انا عارف إنها وصفة غريبة بس لو مش واضحة إتصل بيه وهو يقولك العنوان لو أسهلك علشان تسئل وإنت ماشي