الموضوع: لو عندك ارض فاضية, ايه المشروع المناسب ليها ؟؟؟

المشاركة الأصلية كتبت بواسطة otefa

حلوة دي.....ده يقرب لفؤاد المهندس:c_laugh[1]:

الأسم ح يبقى كدة
عربية المهندس ..... لأحلى فول مدمس
والوزن والقافية مظبوطة كمان
.....
بجد المشروع بتاع الفول ده ممتاز
الربح الصافي ح يكون في حدود 200 جنية يوميا بعد كافة المصروفات وده لو قدرتين فول بس ويخلصو في نص نهار
..
لكن لازم يشارك واحد صنايعي محترم في الاول علشان يعرف الدنيا ماشية ازاي
الموضوع مش سهل زي مانتو فاكرين
مثلا سيد اللي جنبنا اشهر بتاع فول في العباسية
اللي بيشتغلو معاه حوالي 8 كلهم اخواته وقرايبه
العمل بيبقى نصه في البيت ...
تدميس الفول
عمل الطحينة
عمل الدقة
عمل السلاطة
المخللات والباذنجان
الجبنة ام قوطة
سلق البيض
غسيل الاطباق والعدة
....
ويجي الكلام ده كله بعد الفجرع المحل في عربية نص نقل وعربية بيجو سبعة راكب
يبدأ الجزء السهل اللي هو البيع
وطبعا ده بيبيع فول وجبنة وبيض بس يعني مالوش في الطعمية .....
...
يعني تقدر تقول انها مؤسسة صغيرة فيها كتيبة من العمال اللي مش بيتعبو م الشغل .... والعمل منظم لأقصى درجه ...
من ضمن الناس اللي بيشتغلو معاه
محمد ابن الحاج سيد ... خريج تجارة القاهرة
وناس تاني مؤهلات عليا وكلية علوم وحاسب آلي ....
م الآخر طالما الشغل شريف ومربح ..... يبقى مافيش مشكلة
انهو الاحسن
مهندس معاه ماجستير ومش لاقي شغل ولا لاقي يعيش
ولا صاحب محلات فول ممكن تكبر وتبقى الشبراوي وجاد والبغل وآخر ساعة .... دول مليونيرات يا باشا
نسيت انوه على ان كونه راجل مهندس ومتعلم ح يقدر يطور مشروعه وينميه ويديره صح .... اكيد المتعلم غير اللي ماكنش عنده فرصة يتعلم
العلم نورون
آسف للإطااااااااااااااااااااا ااااااااااااااااااااااااا ااااااااااااااااالة