لو عندك ارض فاضية, ايه المشروع المناسب ليها ؟؟؟

**mmwwaassffyy** · 12-04-2010 09:27 PM

اى مشروع ناجح لازم صاحبه عنده خبرة فى المجال الهيشتغل فيه عشان مايخسرش وصاحب الارض مهندس يشوف تخصصه ايه ويحاول يعمل حاجة فى مجال او قريب من مجال تخصصه ان امكن لو مشممكن يقدر يعمل حاجة فى هذا المجال يبقى المبانى والايجار افضل شئ لوالامكانيات تسمح بس يضع فى الاعتبار لو المكان شعبى الدور شقتين -- لو المكان راقى يبقى شقة واحدة ويهتم بالواجهة للعمارة -- ولو يقدر يطلع دور دور على حسب امكانياته وفيه بنك التعمير او التمويل العقارى يقدر يمول لو يقدر يدفع اقساط اعتقد ذلك

**otefa** · 12-04-2010 09:39 PM

المشاركة الأصلية كتبت بواسطة aif

الأسم ح يبقى كدة
عربية المهندس ..... لأحلى فول مدمس
والوزن والقافية مظبوطة كمان

.....
بجد المشروع بتاع الفول ده ممتاز

العلم نورون

آسف للإطااااااااااااااااااااا ااااااااااااااااااااااااا ااااااااااااااااالة

علي القافية بجد

......... يعمل مطعم مش عربية فول ويبقي مطارد من البلدية وخلافه.....ماهو مافيش احسن من مشاريع الاكل.....مكسب كويس....وخسارة محسوبة في اسوأ حالتها.

**for_ever** · 13-04-2010 08:34 AM

المشاركة الأصلية كتبت بواسطة ams

ايه المشكلة يعنى ؟!

نفسيا بتبقي صعبة ... و كمان الاهل بيصعبو الموضوع ده
مثلا والدك ممكن يقولك بكل بساطة بعد ما صرفت عليك دم قلبي كل السنين دي تشتغل بتاع فول ؟
يا تري ايه الرد ساعتها ؟

**for_ever** · 13-04-2010 08:36 AM

المشاركة الأصلية كتبت بواسطة mmwwaassffyy

اى مشروع ناجح لازم صاحبه عنده خبرة فى المجال الهيشتغل فيه عشان مايخسرش وصاحب الارض مهندس يشوف تخصصه ايه ويحاول يعمل حاجة فى مجال او قريب من مجال تخصصه ان امكن لو مشممكن يقدر يعمل حاجة فى هذا المجال يبقى المبانى والايجار افضل شئ لوالامكانيات تسمح بس يضع فى الاعتبار لو المكان شعبى الدور شقتين -- لو المكان راقى يبقى شقة واحدة ويهتم بالواجهة للعمارة -- ولو يقدر يطلع دور دور على حسب امكانياته وفيه بنك التعمير او التمويل العقارى يقدر يمول لو يقدر يدفع اقساط اعتقد ذلك

احترم رأيك جدا
بس في سؤال مهم. يا تري البيزنيس مان بيفكر كده ؟
يعني الراجل ده بيشتغل في اكتر من مجال و مش شرط الخبرة اعتقد المهم هنا هو الادارة ؟

**for_ever** · 13-04-2010 08:38 AM

المشاركة الأصلية كتبت بواسطة otefa

علي القافية بجد

......... يعمل مطعم مش عربية فول ويبقي مطارد من البلدية وخلافه.....ماهو مافيش احسن من مشاريع الاكل.....مكسب كويس....وخسارة محسوبة في اسوأ حالتها.

فعلا معاك حق, مشاريع الاكل دايما كسبانة ...
حتي لو كانت غالية
عندك مثلا بيتزا هت و ماكدونالدز و كنتاكي عمالين بيغلو كل شوية الوجبات بتاعتهم و بردو تلاقي زحمة طحن عليهم !!!!!!
ده حتي بقي يبيع كيس المايونيز ب 50 قرش :)))
سبحان الله يرزق من يشاء بغير حساب :)

**for_ever** · 13-04-2010 08:40 AM

المشاركة الأصلية كتبت بواسطة m.osman

انا بصراحة هعملها جراج
شوية و ابنيها
و اعمل تحت bakery محترم
و اسميه

hot breads :d

فعلا اقتراح عملي جدا بالنسبة لظروفه

**for_ever** · 13-04-2010 08:42 AM

المشاركة الأصلية كتبت بواسطة aif

ممكن حضرتك يسميه .... فول المهندس

اعتقد لازم يسميه اسم منيل عشان يكسب
يعني مثلا حاجة تقرب للجحش :)
اكيد صاحبي هيجيلو نقطة لما اقترح عليه الاقتراح ده :)

**mmwwaassffyy** · 13-04-2010 01:34 PM

المشاركة الأصلية كتبت بواسطة for_ever

احترم رأيك جدا
بس في سؤال مهم. يا تري البيزنيس مان بيفكر كده ؟
يعني الراجل ده بيشتغل في اكتر من مجال و مش شرط الخبرة اعتقد المهم هنا هو الادارة ؟

بالنسبة للبزنس الامكانيات عالية هو بيدرس المشروع ويشوف جدواه بيجيب ادارة كويسة +ناس خبرة فى المجال +تكاليف المشروع ويشوف التكاليف كام -- حاجة السوق وكم المبياعات ونسبة الربح المتوقعة وصاحب المال يراجع رؤوس المواضيع وممكن يكسب وممكن يخسر برضة -- انا بالنسبة لي شخصيا انا دكتور لو عملت مستشفى اعرف ادير المشروع واكسب بس انا شخصيا باستحرم التجارة فى المرض لان المفروض الدولة توفر العلاج المناسب لكل مريض -- لذلك انا باشترى ارض واعمل عمارة واجر صحيح التكاليف على اكثر-- لو كنت مهندس ستكون التكاليف اقل كثير -- بس ديه حالة العاجز بالمناسبة ايضا نسبة الربح فى الايجار اقل من ارباح البنك لكن تعتمد على ان راس المال فى المبانى لا يتاكل بفعل الزمن ---عكس البنك -- بل يزيد

**FunnyMickey** · 13-04-2010 01:52 PM

كنت عند مهندس ميكانيكا من اسبوع وقاللي لو قدامك ارض فاضيه
عاوز يعمل مشروع كبير
مكان كده يعمل ميكانيكا وكهرباء وعفشه وبتاع
يعني حاجه كده علي مستوي وكار كير كمان وغسيل
لو صاحبك عاوز يأجر الارض
ابعتلي نمرته وانا اخلي المهندس يكلمه ويتفقوا سوا