انا هتجنن .. اعمل ايه ؟

**Hikayat** · 12-04-2010 05:48 AM

كنت عاوز اعرف حل للخدوش اللي في العربيه ليها حل ولا ايه ؟
لاني كتييييير جدااا اركنها واطلع الاقيها ياما محكوكه ياما حد كاتبلي عليها بمسمار او قلم سنون .
طبعا جبت قلم دوكو اسود ومشيت ع الخدوش وفعلا في وقتها مش بتبقي باينه بس بعد يومين ولا حاجه اللون بتاع الدوكو ده بيفتح وبتبقي باينه جدااااااا
وجربت البولش العادي ومعملش حااجه نهااااااائي
العربيه لونها اسود ولسه جديده والخرابيش دي مشوهه منظرها تماما
سمعت عن ان فيه بولش بلون العربيه بيحل المشكله دي ؟ فياريت اللي جربه يقول ؟ ويقولي اجيبه منين وبكام ؟
ولو في طريقه تانيه احسن ياريت تقولوا

**dr.hany** · 12-04-2010 03:52 PM

رايي ماتتعبش نفسك.لاغنى عن الرش الكامل

اى اضافه هاتعملها هاتكون عاملة زى الرقعه

والافضل انك تغطيها.

وطول ما العربيه واقفة فى الشارع ,فامافيش فايده .مش هاتلاحق

سيبها بقي لما الكتابه تزيد اوى ....وبعدين يبقي امسح السبورة

قصدى يبقي رشها

**Ahmed Galal** · 12-04-2010 04:26 PM

فعلا طول ما بتركن فى الشارع هاتدنها تطلتش و حسبنا الله و نعم الوكيل فى الناس اللى ما بتراعيش ربنا و استحمل منظرها شوية انا عارف انك بتبقا متضايق جدا بس لو رحت دهنتها و ركنتها و لقيتها اتخربشت تانى هاتضايق اكتر معلش بقا نصيبنا كده

**د.محمود صلاح** · 12-04-2010 04:38 PM

الخرابيش دوخت الناس ومالهاش حل غير الرش

**khaled_sabry** · 13-04-2010 10:13 AM

انا والدي مره زمان كان لسه راشش عربيته ٥٠٤ ميتاليك و كانت لسه بتبرق
بعدها بشهر تقريبا كان راكن قدام نقابه المهندسين خرج لقي زي ماتقول كده حد خبط العربيه بشاكوش تقيل .. عباره عن نقره كبيره واصله للصاج و الصاج نفسه مفعوص لتحت شويه بس كانت النقره دي في الشنطه من فوق يعني ماينفعشي تكون من خبطه عربيه .. ده حد متعمدها
وبرضه بعدها بفتره قليله كان راكن جنب بيتنا اللي في القاهره بس الظاهر في مكان حد تاني متعود عليه (ماكنشي الشخص ده حاطط حجاره او ملغم المكان و لا اي حاجه)
نزل لقي الشنطه مرسوم عليها دواير بمسمار عريض وواصله للصاج برضه
من ساعتها بطل يرش تاني ... قالي كان شكلها قبل الرش ارحم

**wasta** · 13-04-2010 12:33 PM

المشاركة الأصلية كتبت بواسطة dr.hany

رايي ماتتعبش نفسك.لاغنى عن الرش الكامل

اى اضافه هاتعملها هاتكون عاملة زى الرقعه

والافضل انك تغطيها.

وطول ما العربيه واقفة فى الشارع ,فامافيش فايده .مش هاتلاحق

سيبها بقي لما الكتابه تزيد اوى ....وبعدين يبقي امسح السبورة

قصدى يبقي رشها

ههههههههههههههه حلوه امسح السبوره ديه

**wasta** · 13-04-2010 12:37 PM

الحل الوحيد إنك تسافر أى دوله تانيه وتركن عربيتك هناك مفيش حل غير كده وحتى لاقدر الله إن عربيتك إتخبطت هناك بتمن دهان سياره هنا تشترى سيارة من هناك ويتبقى معاك فلوس كمان

**w-m-a** · 13-04-2010 12:40 PM

غطيها وتوكل على الله

**SkyBird** · 13-04-2010 10:50 PM

يا باشا دي مشكلتنا كلنا
الحل انك تنظر لحد الناس ما تملى عربيتك خدوش ويبقى شكلها لا يطاق وتديها رش كامل
بعد الرش الكامل تنتظر لحد ما يملوها خدوش تاني وترش رش كامل وهكذا

انا اخر شئ بعد الناس ما زهقت من تخديش عربيتي لقيت واحد رازع طوبه كبيرة على الكبوت فوق الفانوس عامل حفرة تبص لي كل ما اجي ادور العربية الصبح
وانا شايف الحل
ان الحكومة تدي لكل مواطن عربية يشغل نفسه بيها

الموضوع: انا هتجنن .. اعمل ايه ؟

LinkBack

أدوات الموضوع

عرض

-

-

-

أنا عندى حل -

-

-

المواضيع المتشابهه

مقارنة يا جماعة عشان انا هتجنن ومش عارف اعمل ايه

اعمل اية يا جماعة انا هتجنن ؟

هتجنن و الله العظيم هتجنن

هتجنن

انا خلاص هتجنن ومش عارف اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة