انا خلاص هتجنن ومش عارف اعمل ايه

**waleedraafat** · 23-05-2009 11:51 AM

انا معايا نوبيرا 2008 عاملة 14 الف كم ، العربية من ساعة ما جبتها وانا كل شوية في التوكيل باحاول اعالج مشكلة وراء مشكلة لدرجة اني مش حاسس اني معايا عربية زيرو ، وبدأت افقد ثقتي في العربية مع كل مشكلة تحصل في العربية وكل مرة اصبر نفسي واقول دا عيب الانتاج المصري عموما وكل الاخطاء البسيطة دي واردة في الانتاج المصري واهم حاجة المحرك واساسيات العربية سليمة ودا كله لحد الموضوع ما وصل للمتور الي هوا اخر حاجة مصبراني علي العربية دي

بدا الموضوع اول ما اشتريت العربية ومع صيانة الالف وشكوتي من صوت المحرك العالي والخشن والتي انتهت بتقبلي لذلك الصوت نزولا علي اراء جميع مهندسي التوكيل ان ده صوت عادي جدا في الدايوا، ولكن من حوالي شهر تقريبا لاحظت وجود تعريق زيت حول غطاء التاكيهات (عامل البنزينة هو الي نبهني لده) وبدات التفت لصوت المحرك واتابع تعريق الزيت في ان واحد ثم ذهبت لمركز الصيانة وكالعادة قامو بطمانتي وان كله تمام وصوت التكتكة العالي ده هيروح مع المشي (برغم تغامزهم عندما لاحظو صوت التكتكة الصادر من المحرك)
وفعلا بيحصل ان الصوت بيروح مع المشي ولكنه يعود مع كل مرة اعيد فيها تدوير السيارة في اليوم التالي

المشكلة اني قرات موضوع لاحد الزملاء في المنتدي بيشتكي من الصوت ده الي هو طبعا صوت البلوف(الكوستيبانات) في سيارة اشتراها مستعملة

هل من الممكن من الاخوة الزملاء وبالاخص أ/ ممدوح ارشادي لمدي خطورة الموضوع ده وتاثيرة علي العمر الافتراضي للموتور وخصوصا اني مش عايز افتح موتور عربية لسه زيرو حتي ولوكان في الضمان مع العلم اني خلاص بدات اتشائم من العرية دي ومن كل الصناعة المصري الي اصبحت اسوأ من الصيني

**Mohamed.Fawzy** · 23-05-2009 01:33 PM

المشاركة الأصلية كتبت بواسطة waleedraafat

انا معايا نوبيرا 2008 عاملة 14 الف كم ، العربية من ساعة ما جبتها وانا كل شوية في التوكيل باحاول اعالج مشكلة وراء مشكلة لدرجة اني مش حاسس اني معايا عربية زيرو ، وبدأت افقد ثقتي في العربية مع كل مشكلة تحصل في العربية وكل مرة اصبر نفسي واقول دا عيب الانتاج المصري عموما وكل الاخطاء البسيطة دي واردة في الانتاج المصري واهم حاجة المحرك واساسيات العربية سليمة ودا كله لحد الموضوع ما وصل للمتور الي هوا اخر حاجة مصبراني علي العربية دي

بدا الموضوع اول ما اشتريت العربية ومع صيانة الالف وشكوتي من صوت المحرك العالي والخشن والتي انتهت بتقبلي لذلك الصوت نزولا علي اراء جميع مهندسي التوكيل ان ده صوت عادي جدا في الدايوا، ولكن من حوالي شهر تقريبا لاحظت وجود تعريق زيت حول غطاء التاكيهات (عامل البنزينة هو الي نبهني لده) وبدات التفت لصوت المحرك واتابع تعريق الزيت في ان واحد ثم ذهبت لمركز الصيانة وكالعادة قامو بطمانتي وان كله تمام وصوت التكتكة العالي ده هيروح مع المشي (برغم تغامزهم عندما لاحظو صوت التكتكة الصادر من المحرك)
وفعلا بيحصل ان الصوت بيروح مع المشي ولكنه يعود مع كل مرة اعيد فيها تدوير السيارة في اليوم التالي

المشكلة اني قرات موضوع لاحد الزملاء في المنتدي بيشتكي من الصوت ده الي هو طبعا صوت البلوف(الكوستيبانات) في سيارة اشتراها مستعملة

هل من الممكن من الاخوة الزملاء وبالاخص أ/ ممدوح ارشادي لمدي خطورة الموضوع ده وتاثيرة علي العمر الافتراضي للموتور وخصوصا اني مش عايز افتح موتور عربية لسه زيرو حتي ولوكان في الضمان مع العلم اني خلاص بدات اتشائم من العرية دي ومن كل الصناعة المصري الي اصبحت اسوأ من الصيني

اخى العزيز

بالنسبه لصوت الموتو اللى اعرفه انه فعلا الدايو طبيعه صوته عالى بس مش لدرجه التكتكه عموما لازم واحد خبير يسمعه علشان يحكم عليه و ممكن تروح لمحمد عبده و هو مكيانيكى دايو ممتاز جدا و شغال فى التوكيل حتى تستشيره بس طالما العربيه فى الضمان

اما بالنسبه لتعريق الزيت فده عادى كانت عندى نفس المشكله فى لانوس 2008 و قالولى فى التوكيل انه عادى و هوا اصلا جاى من خرطوم بخار الزيت و معلجهوش فى التوكيل لكنه راح تماما بعد ان التزمت بوضع معيار الزيت المكتوب قى الكتالوج وهو

3.5 لتر بدون فلتر
3.75 لتر بالفلتر

حتى العامل اللى كان بيغير لى الزيت استغرب قوى و قالى كل الناس بتحط الجركن كله فقلت له انا ماليش دعوه بالناس انا ليا دعوه باللى مكتوب فى كتالوج العربيه
واخر مره غيرت زيت بالمعيار ده حطيت bp visco 5000 و اختفى تعريق الزيت تماما لكنى صراحه مش عارف السبب هل هو الألتزام بمعيار الزيت ام نوع الزيت الجديد عموما زيوت visco زيوت ممتازه و تفوق موبيل و شل بمراحل

**zocor742** · 23-05-2009 01:39 PM

بصراحة مش عارف اقولك اية بس مينفعش انك تسيب عيب فى العربية وازاى فى التوكيل سكتين على كدة مش فاهم
بس شوف اراء الاعضاء اية والاستاذ ممدوح والمهندس سمير عياد هيقدرو يفيدوك اكتر وان شاء اللة بسيطة

**otefa** · 23-05-2009 01:58 PM

بالنسبة لصوت التاكيهات اول ماتشغل العربية اول مرة باليوم والعربية بردة سببه الاساسي ان الزيت بيكون رجع للطبة مع الوقفة طول الليل
ايه نوع الزيت الي بتستعمله!
حاول تحط زيت 10:50w بيبقي خفيف اول ماتشغل العربية الصبح فطرمبة الزيت توصله بسرعة لكل اجزاء الموتور
ممكن كمان يكون ضغط الزيت فيه مشكلة ,ياتري شيكو لك عليه في التوكيل

**Sherif Khalifa** · 23-05-2009 02:09 PM

حضرتك فى الضمان
مينفعش يظهر عندك عيب الكوستبانات على طول كدة
تانى حاجى تعريق الزيت بيكون من جوان التاكيهات و دا من اشهر عيوب النوبيرا بس برضة مينفعش تكون فى عربية زيرو كدة

ارجعلهم و تمسك برأيك و ناقشهم بمنطق انها عربية زيرو مروض تكون خالية من العيوب

و عند التصليح هيحللك مشكلة الجوان كمان

**waleedraafat** · 23-05-2009 05:48 PM

انا اصلا ما باعملش حاجة برة التوكيل ، والزيت الي باستخدمه موبيل 1 كل عشرة الاف كيلو بس الفكرة اني فقدت ثقتي في العربية وشاكك اني اتنصب عليا واخدت منتج معيوب ، انا مش جايب عربية زيرو علشان كل شوية اروح اصلح فيها حاجة في الضمان دا مؤشر لان العربية مجرد ما يخلص الضمان هتبقي حلال عليا بكل المشاكل الي فيها ولو مثلا المتور قرب يفوت لا قدر الله هينيموني طبعا لحد ما الضمان يخلص ومش هاخد حق ولا باطل معاهم وهينتهي الامر باني لبست العربية الي المفروض ان العادي بتاعها الموتور ما ينفتحش قبل مرور حوالي 300 الف كلم من القيادة العادية

وانا بس سؤالي علشان اكون مححد ايه الي ممكن يخلي عربية زيرو توصل للعب ده في المحرك (بلوف التاكيهات) وما مدي تاثير ذلك حتي بعد الاصلاح علي العمر الافتراضي للموتور وهل اصلاحها يفتح الباب لعمليات اصلاح متكررة لذلك العيب علي اعتبار ان اصلاح بعض العيوب الميكانيكة في اي سيارة لا يعيدها ابدا لحالتها ووضعها الاصلي

وشاكر جدا لاجابتكم وتعاونكم

**otefa** · 23-05-2009 05:56 PM

معلش ياباشا انشاء الله ليها حل طبعا دي حاجة محبطة جدا ان الواحد يشتر ي جديد علشان يريح دماغه ومفيش فايدة التعب يفضل وراه
بس عيوب التصنيع دي واردة حتي في اغلي الماركات
مقلتلناش ايه العيوب التانية الي خليتك تروحلهم كذا مرة

**Sherif Khalifa** · 23-05-2009 05:57 PM

انا معرفش حضرتك اية القرارات الانهزامية دى كلها
الموضوع بسيط جدا و مشكلة البلوف دى بتتحل ببساطة شديدة و هتبئا حاجة متعبش العربية نهائى

امال تعمل اية لو كنت مكان واحد معانا فى المتندى اشترى (سوبارو) ايوة سوبارو و عمل عمرة متور و غير بساتم بعد كيلو متر بسيط

انت كل الى عليك انك تغلس عليهم شوية و هتاخد حقق

بلوف التاكيهات علشان تكون عارف عددهم 16 بلف بيتم الكشف على التالف منهم و بيتغير البلف برة التوكيل بحوالى 40 او 50 جم

و بيتفك جوان التكيهات عند الاستبدال يعنى هتكون فرصة لاستبدال الجوان

و مش دى اخر الدنيا كتير فى عربيات زيرو و بيكون فيها اكتر من كدة
و تذكر انت معاك ضمان ضد عيوب الصناعة و عندك هيئة حماية المستهلك فى مصر يمكن الاعتماد عليهم :)

**otefa** · 23-05-2009 06:03 PM

المشاركة الأصلية كتبت بواسطة waleedraafat

بدا الموضوع اول ما اشتريت العربية ومع صيانة الالف وشكوتي من صوت المحرك العالي والخشن والتي انتهت بتقبلي لذلك الصوت نزولا علي اراء جميع مهندسي التوكيل ان ده صوت عادي جدا في الدايوا، ولكن من حوالي شهر تقريبا لاحظت وجود تعريق زيت حول غطاء التاكيهات (عامل البنزينة هو الي نبهني لده) وبدات التفت لصوت المحرك واتابع تعريق الزيت

صوت الماتور عالي ازاي تقصد rpm عالي!
صوت التاكيهات بدا يزيد مع تعريق الزيت ولا قيله!

**marawanshahin** · 23-05-2009 06:05 PM

متخافش الكستبنات مافيش منها خوف هى حتخلى صوت العربية عالى و ممكن تخلى العربية مش مظبوطة و تعلى استهلاك البنزين لأنها المسئولة عن فتح و غلق الصبابات لكن بيتهيألى مش حتأثر على العمر الأفتراضى للموتور بس المفروض انك تكون شارى العربية و هى صوتها ناعم و مافيهاش أى عيوب جوهرية أنا رأيى تروحلهم و تعمل معاهم مشكلة لغاية ما يصلحوها وهددهم انك حاتروح جهاز حماية المستهلك.

الموضوع: انا خلاص هتجنن ومش عارف اعمل ايه

LinkBack

أدوات الموضوع

عرض

-

-

-

-

-

-

-

المواضيع المتشابهه

انا هتجنن خلاص مش عارف فيه اية يا جماعة

مقارنة يا جماعة عشان انا هتجنن ومش عارف اعمل ايه

انا خلاص معنتش عارف اعمل ايه

خلاص اتخنقت ومش عارف اعمل ايه ؟

هتجنن خلاص ....عندي جراج خاص وموش عارف اركن فيه !!!!

الكلمات الدلالية لهذا الموضوع

المفضلات

المفضلات

ضوابط المشاركة