الـ كروز بتبطل !!!!!

**arakysolom** · 19-05-2010 01:59 PM

السلام عليكم
الاخ الفاضل ، قدر الله وما شاء فعل ، حضرتك عليك الاتي بدون اي تردد
1- ارسال خطاب رسمي الي جنرال موتورز العلمية بالولايات المتحدة (ديترويت -ميتشجان) لرئيس الشركة مباشرة تحكي باختصار استيائك من الشركة لعد اهتمامها بحياتك و حياة اسرتك بعد هذا الحادث الفظيع وان الصورة العظيمة التي كنت متخيلها لقوة و مكانة جنرال موتورز تلاشت لعدم وقوفهم بجانبك في حل مشكلة السيارة التي ابلغت عن مشكلتها منذ 3 شهور و انا متمسك بارجاع السيارة لعدم قدرتي علي قيادة هذه السيارة مرة اخري بعد ما تركته من اثر سلبي علي .
2- عدم استلام السيارة من منصور و ابلاغهم انك متمسك بتغيير السيارة و انك حترجع عليهم بالحق المدني
3- ابلاغ حماية المستهلك رسميا بخطاب موجه للسيد المهندس / سعيد الالفي تطالبه بحقق في ترجيع السيارة كليا او تغييرها بجديدة و عدم تنازلك عن هذا المطلب
و ربنا يعينك و لا تستلم هذه السيارة مجددا مهما حدث
وهدد برفع المشكله للصحف و التليفزيون حتي يحدث قلق علي السمعة

**أبو كنوز** · 26-05-2010 04:35 AM

لا حول ولا قوة إلا بالله . والله إنى كنت ناوى أغير وأشتريها . لكن كده خلاص ولا مجرد تفكير فيها حتى .
بس إن شاء الله مشكلتك تتحل . بس لو إتحلت وجربت العربيه (وإتأكدت ١٠٠% إن المشكله إنتهت ) عليك ببيعها حتى ولو كنت حاببها وكمان يا ريت تطلع أى حاجه لله على اللى حصلك مع العربيه دى .

**Rsarabia** · 01-06-2010 03:23 PM

اوعى تتنازل عن حقك انك تاخد سيارة اخرى جديدة

**khaled_sabry** · 01-06-2010 04:06 PM

المشاركة الأصلية كتبت بواسطة Rsarabia

اوعى تتنازل عن حقك انك تاخد سيارة اخرى جديدة

ماتخدش سياره جديده لأنك ماتضمنشى يكون فيها عيوب تانه و لا لاء

خد فلوسك احسن

**gebreel** · 01-06-2010 04:19 PM

المشاركة الأصلية كتبت بواسطة khaled_sabry

ماتخدش سياره جديده لأنك ماتضمنشى يكون فيها عيوب تانه و لا لاء

خد فلوسك احسن

يا جماعة خلينا واقعيين منصور عمرو ما هيديلو فلوسو و لو ادهالو لا يمكن تكون كاملة

موضوع العربية الجديدة دي فيها قولان و لو حصلت ياخدها و ياخد ورقها و يطلع بيها على السوق و يعرضها للبيع على طول و اللي ياخدها يا ياخد خيرها كلو يا ياخد مشاكلها و يبقى هو و نصيبو

**Hmatchy** · 01-06-2010 08:07 PM

يااااااااااااااه و انا اللى كنت مستغرب ان احد الأعضاء كاتب تغور من وش منصور
دا انت ليك ألف حق دا ايه دا ايه اللى بيحصل دا
دانا لو مكان صاحب المشكلة دانا هعلى صوتى و أتخانق فى التوكيل مع أتخن تخين
دانا ممكن أجر عيال صغيرة واطبع ورق بالمشكلة وأخليهوم يوزعوه على باب كل معرض عربيات
دانا أجمع صحابى و أوصيهوم يجيبو التوكيل الارض
أعمل بوسترات على حسابى و الزقها على عربيات أصحابى و معارفى ضد منصور
دانا لو هصرف تمن العربية على انى اشرد لمنصور هعملها بس تبرد نارى
ربنا معاك يا رب وطمنا عليك ديماً

**abou-yahia** · 02-06-2010 10:59 AM

المشاركة الأصلية كتبت بواسطة famo

أخوانى الكرام بعد طول غياب

سواء بغيابى عنكم و دة غصب عنى علشان مكانش فية جديد
و غياب عربيتى عنى
أولا عربيتى أستلمتها من التوكيل أمبارح و الحمد لله
أولا
العربية أتصلحت بالكامل و أخدت اللون بتاعة و بقت زى الأول بس أسوء
لأن الدهان باين أنة كان معمول مش فى فرن للدهان
بس الظاهر أنة كان فرن بلدى
و طبعا صباح التجريح اللى فية مطرح ما أتحط على الأرض و اتركب و أتشال و اتهبد
ثانيا الكلفة الكلية للسيارة كانت على حسابهم تحت بند إرضاء العميل
كدة كان العربية عندهم من يوم ما جبتها شهر و نص عندى و شهر و نص عندهم
و طبعا مشكلة التبطيل أنتهت تماما و العربية بقت زى الفل
دة اللى عرفتة منهم
و الكارثة طبعا هى الحقيقة
العربية تانى يوم ما أستلمتها بطلت تانى لنفس العيب
و جابت أخرى معاها
بجد خلاص أنا أتقرعت من الحوارات بتاعتهم دى
و جهاز حماية المستهلك مستنى علشان يعمل لجنة فنية للفحص
علشان يقول كلمتة
حتة حاولت أنى أبيع العربية
رغم أن الشغل اللى أتعمل فيها المفروض شغل توكيل بس النتيجة
أنت يا أستاذ عربيتك شكلها كانت مخيشة
دى مغسرة أكصدمات و كمان رشت رفارف و عتب لا يا أستاذ مش هينفع أقول على سعر
علشان متزعلش منى
و دة فعلا اللى حصل
كلة خايف من حوار التبطيل و محدش عايز يشترى

دة الجديد و أسف مرة تانية أنى بوجع دماغكم بقصص مغامرات الكروز ضد منصور

و بجد ربنا يستر

دة أنا و أنا بعمل تصريح خروج السيارة
بقول للمحاسب ربنا يستر و مرجعش المرة اللى جاية العربية تبقى محتاجة تغير نص مثلا أمامى أو خلفى
لأنى مش متفائل خلاااص بعد ما دخلت عند منصور

و ربنا يستر علينا و عليكوا أجمعين

ربنا معاك ان شاء الله
معلش بس مش عارف مادام هما عرفوا ان التبطيل من الكونتاكت علي قد ما فهمت والمفروض انهم غيروه ايه اللي حصل تاني طيب زاللي انا فهمته برضك من حضرتك ان فيه عربيات غيرك مشتركه في نفس العيب وجري عليهم اصلاح ذيك هل ممن الممكن انك تتواصل معاهم عشان تشوف الكلام ده حصل معاهم برضه ولا العيب ده لسه عندك برضه .
طبعا متسبش التوكيل واعتقد انك لازم تبتدي اجرائات التعويض القضائيه معاهم لان اللي بيحصل ده تهريج .
ربنا معاك واوصيك بالصبر وربنا ان شاء الله يجزيك خير

-

الموضوع: الـ كروز بتبطل !!!!!

LinkBack

أدوات الموضوع

عرض

العرض المتطور

-

-

-

المواضيع المتشابهه

كروز وللا سيراتوووو ؟؟؟ خلااااااااااااااص كروز ونص ---------------------------------

العربيه بتبطل ليه؟؟؟؟؟؟

العربية بتبطل منى!!

العربيه بتبطل ؟؟؟؟؟

بتبطل !!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة