الـ كروز بتبطل !!!!!

**Famo** · 30-06-2010 10:23 AM

السلام عليكم ورحمة الله و بركاتة

إخوانى الأعزاء اللى منورين الموضوع

أنا بشكركم جميعا لمتابعتكم المشكلة فعلا

بس ليا تعليق صغير بس على بعض الناس

أولا أنا رغم اللى حصل معايا و الحادثتين اللى ربنا نجانى منهم

أحب أقول حاجة

أنا فعلا كنت معجب جدا بالكروز

و مازلت معجب أوى أوى بيها

و كل اللى كان هدفى من وراء موضوعى اللى عملتة و شاركتكم جميعا فية أنى كنت أوصل لحل

خصوصا أن فى خبرات لناس تفوقنى خبرة و تفوقنى ممارسة فى مجال السيارات

بس كل المشكلة كانت أنى أعمل أية و أنى أتصرف أزاى فى مشكلة زى دى

لكن أولا و أخيرا أنا زعلان على بيعها جدا لأنها مميزة بالنسبالى جدا

و لكن أخيرا كنت كل اللى بعملة أنى بنصح الناس بالأبتعاد مش عن العربية لأ

لكن عن المانيوال بس

خوفا من أن الناس تلاقى نفس المشكلة اللى عندى

و ربنا ما يجيب حاجة وحشة لحد و اللى فى الخير يقدمة ربنا

و مرة أخرى شاكر ليكم كتير لأهتمامكم

متمني للجميع الخير و دوام الصحة

أخوكم فتحى محمد

**abou-yahia** · 30-06-2010 10:42 AM

سعدنا بيك والله يا استاذ فتحي ربنا بأذنه تعالي يباركلكك ويرزققك احسن منها وياريت نشوفك هنا معانا في القسم علي طول مهو انت بصراحه بقيت خبير الكروز الاول هنا ولا ايه .

**eng_ahmedryad** · 30-06-2010 05:14 PM

الحمد لله أنك بعت العربية وأنك طلعت منها على خير

ولو ما أخدتش حقك منهم في الدنيا هاتخده من في الأخره ، ووقتها خلي الفلوس تنفعه

وربنا يرزقك ويخلفك خير منها إن شاء الله

**mo7amed3afifi** · 07-07-2010 03:16 AM

حمدا لله علي سلامتك..ارجو منك ان تحتسب كل هذه المشقة والمعاناه عند الله
وان شاء الله هيعوضك كل الخير ..
قدر الله وما شاء فعل..

**khpopo** · 08-07-2010 03:14 PM

المشاركة الأصلية كتبت بواسطة mo7amed3afifi

حمدا لله علي سلامتك..ارجو منك ان تحتسب كل هذه المشقة والمعاناه عند الله
وان شاء الله هيعوضك كل الخير ..
قدر الله وما شاء فعل..

+1

ربنا يوفق

**drzezo0o** · 17-04-2011 03:47 PM

السلام عليكم انا احمدعدلي من اسيوط واتمنيت ان يكون معايا شفروليه كروز وربنا كرمني والحمد لله بس نفس المشكله اللي بتواجه اي حد معاه كروز انها بتطفي في اي وقت وفي اي مكان دون انذار سابق والتوكيل معندهوش اي فكره عن السبب ومهما عملت سوفت للسياره هترجع تاني انا روحت لتوكيل وقال الكروز كله كده حسبي الله ونعم الوكيل والمشكله ان محافظه اسيوط مفهاش صيانه شيفروليه خالص يا جماعه انا معاكم لو عايزين اشارك معاكم في حل المشكله للعربيه دي انا مستعد وعلي استعداد تام اجمع قدر ممكن من العربيات من محافظه اسيوط بالكامل لأن المشكله كبيره مش ساهله وعلي علاقه بجميع اصحاب سيارت كروز

**salome** · 20-04-2011 07:25 PM

السلام عليكم استاذ احمد
المشكله اللي حضرتك بتتكلم عنها انا عنيت منها من اول ما استلمت الكروز ودا كان بتاريخ19-12-2010 يعني من سنه وخمس شهور بالظبط وطبعا المشوار كان طويل جدا مع التوكيل وكل مره ياكدولي ان المشكله اتحلت وارجع اكتشف طبعا ان العيب لسه موجود واخر مره ودتها توكيل القاهره وقالولي ان المشكله هتتحل عن طريق سفت وير جديد والكلام دا كان من حوالي اسبوعين وهي لسه معملتش حاجه لدلوقتي المهم ان انا كمان علي اتصال باصحاب حوالي 5 عربيات غيري عندهم نفس العيب وعندي استعداد اعمل اي حاجه لو العيب دا اتكرر تاني
نسيت اقولك اني قدمت بلاغ في ياسين منصور فشهر 11 اللي فات ودا بعد ما فعلا يأست انهم هيعملولي اي حاجه
عندي استعداد ابعت لحضرتك ارقام تلفونات الناس اللي عندهم نفس المشكله دي وكمان العربيه لو مبطلتش تاني معايا هعرف حضرتك علشان تروح تنزلها السوفت وير دا جايز صحيح يكون دا الحل
في حاجه تانيه انا قريت خبر علي النت من اسبوعين ان شيفروليه سحبت2100 عربيه كروز بسبب عيب فعجله القياده واكيد العيب دا هوا اللي موجود عندنا بس طبعا هما مش عاوزين يعترفو بكده علشان صعبانه عليهم طبعا شركه جينيرال موتورز الغلبانه تخسر فلوس بس احنا طبعا ارواحنا مش مهمه

**khaled_sabry** · 05-05-2011 02:40 PM

ط¬ظ†ط±ط§ظ„ ظ…ظˆطھظˆط±ط² طھط³طھط¯ط¹ظٹ 154 ط£ظ„ظپ ط³ظٹط§ط±ط© ظƒط±ظˆط² ظ„ظپط.طµ ط¬ط°ط¹ ط§ظ„ظ…ظ‚ظˆط¯..
لنك للخبر اللى اتقال فى مشاركه للعضو الفاضل

**mhmdalsaadany** · 05-05-2011 08:19 PM

على فكره الخبر دا عن سيارات امريكا المنتجه خصيصا لها مش من انتاج مصانع كوريا وكمان بيتكلم عن عجله القياده مش ان العربيه بتبطل
انا بصراحه مش شايف علاقه بين الخبر والموضوع ياريت توضيح وشكرا

-

الموضوع: الـ كروز بتبطل !!!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

كروز وللا سيراتوووو ؟؟؟ خلااااااااااااااص كروز ونص ---------------------------------

العربيه بتبطل ليه؟؟؟؟؟؟

العربية بتبطل منى!!

العربيه بتبطل ؟؟؟؟؟

بتبطل !!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة