والله أنا شايف إنك تروح تزعق وتهددهم بموضوع جهاز حماية المستتهلك
وإنك هترفع قضية ..
وإن الحادثة إلي حصلتلك بسبب العربية الجديدة ..إنت عملت بيها محضر
وإعملهم دوشة
يمكن تعرف تاخد حقك
أو تروح بالفعل لجهاز حماية المستهلك
عرض للطباعة
والله أنا شايف إنك تروح تزعق وتهددهم بموضوع جهاز حماية المستتهلك
وإنك هترفع قضية ..
وإن الحادثة إلي حصلتلك بسبب العربية الجديدة ..إنت عملت بيها محضر
وإعملهم دوشة
يمكن تعرف تاخد حقك
أو تروح بالفعل لجهاز حماية المستهلك
انا مش عارف اقولك ايه؟
يارب يفرج همك
والله حاجه تجنن ... ربنا يصبرك
بجد قرف موضوع الكمبيوتر لو كان بيسبب مشاكل كده
بس اللي مش فاهمه بجد ليه العربيه لما تطفي بيفصل الفرامل
الفرامل المفروض ما تفصلشي ابدااا لآن ده عنصر امان في العربيه
حنقول الدركسيون يفصل ماشي علشان ضد السرقه لكن الفرامل تفصل ليه !!!!
سيبك انتا انا بجد لما بسمع مشاكل العربيات الجديده بحمد ربنا علي عربيتي القديمه (موديل ١٩٧٨) معظم اعطالها بصلحها بايدي و من غير ميكانيكي
الفرامل مش بتفصل لكن بتتقل و تحجر بس لأن اللي بيفصل حضرتك هو السيرفو او عنصر المؤازرة لنظام الفرامل زي الباور في الدريكسيون و ده لإن فكرة عمله بتعتمد على وجود ضغط سلبي أو Vacuum على جانب غشاء كاوتش وده بييجي من المحرك و بالتالي لما المحرك يفصل ميبقاش فيه Vacuum و الفرامل تكون تقيلة زي الدريكسيون الباور لما الموتور يفصل.
لكن طبعاً فيه عنصر أمان مؤقت و هو إن الخرطوم اللي جاي من المحرك للسيرفو فيه بلف لا يسمح برجوع الهواء و بالتالي الضغط السلبي بيكون متحوش في السيرفو و ممكن يستمر لضغطتين فرامل أو تلاته بس لحد ما تقف على جنب و بعد كدة الفرامل تبقى حجر و إنت و عضلاتك بقى.
بلااااااااااااااش احسن بدل ما تكتشف عيب تاني في الاوتوماتيك
خاصه انها عربيه لسه جديده و مااتجربتش اوي في مصر
لو خلاص مصر عليها اصبر ٤ او ٥ شهور كمان و اسآل حد يكون اشتراها قبلك
حتي العربيات الجديده بقيت زي البطيخ (يا حمرا - يا قرعه ) ... مش كفايه البوجيهات المضروبه .. لا دلوقتي الضرب بقي علي العربيه كلها
والله احسن حاجه ان الواحد يشتري حماره (علي راي استاذي اللي كان في المدرسه زمان : عمرك شوفت حمار عمل حادثه مع حمار تاني )
ربنا يعينك على ما بلاك
ويكفيك شرها
بس لو معايا بى ام .. استحاله انزل منها او اغيرها غير لبى ام احدث منها فى الفئه .. لانك هتلاقى اى عربيه بالنسبالها مش اد كده
يا سيدي الفاضل ده عيب قاتل يعني هلاك حضرتك انت هادي اكتر من الازم معاهم الناس دي قمه في الاستهتار و مينفعش معاهم الهدوء ده انتا شاري احدث عربيه في السوق و دافع دم قلبك المفروض ان العربيات الحديثه دي اهم ميزه فيها الامان و حماية الركاب مع عيب زي ال عند حضرتك مفيش اي نوع من الامان و الحمايه و الحمدلله انها جت معاك على قد كدا في الحدثه و غيرها حضرتك لازم تروح حماية المستهلك و ترفع قضية تعويض و تطالب باسترداد فلوسك حياتك مش لعبه يلعبو بيها عشان يقولولك كل شويه العربيه صلحناها خد جربها و تعالا تاني لو فيه مشكله لأنهم مش عرفين العيب فين حضرتك المفروض شاري عربيه شغاله و مؤمنه مش عربية تجارب كل شويه يقولولك جربها لازم تفهمهم الكلام ده
العربيه دي عامله زي عماره قايله للسقوط في اي وقت و ارجو من حضرتك متركبش العربيه دي تاني لحد متشوف حل مع حماية المستهلك وتخلص منها
+1111111111111
يا ريت حضرتك ما تزعلش من كلامي اللي هقوله
حضرتك اللي غلطان من الاول كان لازم اول ما حاجة زي دي تحصل لازم كنت تعمل مشكلة ومشكلة كبيرة (انت في مصر مفيش حاجة هنا بالكلام) وكمان علشان الفلوس اللي حضرتك دفعنها انت مش لاقيها انت كافحت علشان تجبها ودفعتها في العربية دي.
ياريت حضرتك ما تسكتش وتروح على حماية المستهلك على طول وتقولهم على كل اللي حصل علشان قبل ما يكون موضوع فلوس دي ارواح ناس.
انا اسف لو كلامي زعل حضرتك بس انا فعلا مضايقلك جامد ويا ريت ما تسبش حقك. وربنا يعينك على اللي انت فيه
ربنا يعوض عليك ويصبرك
لما السرفو يفصل تبقى مافرقتشى كتير عن الفرامل تفصل ....لأن الواحد بيبقي ضاغط براحه الاول طبيعي ولما يكتشف الحكايه حيبقى يتقل رجله فممكن مايلحقشى .. وياسيدي خلاص الفرامل شغاله لكن العربيه تفصل مره واحده كده من غير ماتحس دى مصيبه كبيره لأنك بتقول الموتور بيفصل مره واحده مابيديش حتي رعشه قبل ما يفصل... والله انا متنرفزلك جداااا
انا مستحرم و الله المفلوس اللى دفعتها
ده انتا لو كنت ادتهوملى كان يبقى احسن :E_braces[1]: .... على الاقل انا مش حعرضك للخطر بس
الله يكون فى عونك و يقويك على ما بلاك
طبعا واضح جدا لاخوانا الى كانو حيضربونى المرة الى فاتت لما كنت بقول ان الكروز فيها مشاكل و همة يقولو - دى حالات فردية
واضح جدا طبعا انها حالات فردية بديل كل يوم و التانى واحد يطلع و بالمستندات يشتكى من بلوة فى العربية
الا همة صحيح فيين - مش لاقى و لا واحد منهم لية فى الموضوع دة
انا مسيغرب من كام حاجة لو سمحت لى:
* ازاى شارى عربية كورى بعد تصنيعها ب 3 او 4 ايام.
* يعنى ايه "خبك"
* السيارة عملت خادثة واتخبطت من قدام ومن ورا ومن الجنب وبعدين حضرتك عديت على الاصلاح كأنه اخد ساعتين وطلعت تجربها. ممكن توضح ايه اللى اتصلح واخد قد ايه.
* واخيرا حضرتك مقولتش حاجة غلط. ليه بتعتذر. المنتدى مفتوح لمشاركات ومشاكل الناس.
باشا معلش انا عايز اعرف حاجة
هو حضرتك اشتكيت فى حماية المستهلك ولا لاء؟؟
لان سمعت انهم 3 عربيات فى مصر كلها اللى فيها مشكلة الطفى دى
وكمان سمعت انهم جابوا خبراء من كوريا علشان يعرفوا المشكلة فى اية
فلو مشتكتش ياريت تطلع تشتكى علطول
المهندس اللى شغال فى منصور يبقى صاحبى وهما فعلا مهتميم بالعربيه لان المشكله ديه كانت موجوده فى بعض العربيات وتم حلها الا العربيه ديه وديه حاجه محيراهم وحاليا مدير الصيانه متابه الموضوع بيه ومفيش اى استهتار وهما جابو مهندس من جى ام عشان يتابع معاهم
طب لما العربية دى بس اللى فيها المشكلة ما بغيروها اسهل وياخدو العربية يحلو مشكلتها براحتهم ولا بيجربو فى الراجل.
انا شايف انه لو الموضوع كده يبقى تتغيير العربية احسن وارخص واكثر مصداقية.
واخيرا يا باشا مش عايز ترد ازاى اشتريت عربية بعد انتاجها ب4 ايام
ربنا يكون فى عونك وطمنا عملت إيه لما تروح التلات
مشكور أخى الكريم لمشاركتك
و فعلا أنا بعت شكوى لحماية المستهلك بالفعل
و ربنا يقدم اللى فية الخير
مشكور أخى الكريم
و ربنا يفرج همنا جميعا
مشكور أخى الكريم لمشاركتك
هى دى ميزة فعلا فى العربيات القديمة
و شكلى لما هغلم و مش لاقى حل
هلغى الكمبيوتر و أرجعها 20 سنة ورا
أقلبها كربيراتير و كتاوت
هههههههههههههههه
مشكور أخى الفاضل لتوضيحك بس أنا عندى مش بتلحق لضغه أو لأتنين
دة يادوب
و للأسف أن الهاند بريك فى منصور كلها زفت
لأن فى التوكيل مقتنعين أن فرامل اليد مش للأمان الأحطياتى لا
دة أستخدامها فقط للركن فقط
و الله أنا كل ما أسأل حد معاة أتوماتيك غالبا ما بيشتكى من صوت حكة فى الموتور أو صوت حاجة بتشخلل فى الجكمان بس
مشكور أولا أخى الفاضل على مشاركتك
لكن لو ركبت دى بعد البى أم فعلا هتحس أنك راكب عربية أحسن
بس للأسف صح الحلو مش يكمل
خصوصا بعد ما بى أم بقت بتتصنع فى مصر بقت حاجة كدة ملهاش لازمة
مشكور أخى الكريم لمشاركتك
و فعلا أنا قدمت شكوى لمركز الرئيسى لمنصور شيفرولية
و قدمت شكوى لجينرال موتور مصر
و شكوى لجهاز حماية المستهلك
و شكوى لجينرال موتور الشرق الأوسط
و مستنى أشوف بكرة أية اللى ها يتم إن شاء الله
و لو كدة شكوى لمصنع كوريا و واحد تانى لجينرال موتور أمريكا إن شاء الله
مشكور أخى الكريم لمشاركتك و تفاعلك
و فعلا أنا مش ساكت
أنا بعت كذا شكوى زى ما أنا وضحت
و أنشاء الله أشوف حل
على فكرة منصور أتصل بي و أتفق معاية على الميعاد بكرة أن شاء الله
و هيكون فى ترتيب لمهندس جينرال موتور أن شاء الله
و أتصل المركز الرئيسى بيا أمبارح و أكد الميعاد
و كمان يوم الخميس أخر اليوم أتصل بيا جهاز حماية المستهلك
و طلب شوية أوراق و جهزتها فعلا و بعتها فاكس ليهم
و أنا فى أنتظار اللى جاى أن شاء الله
ربنل يعوض علينا جميعا و الله
مشكور أخى الكريم
مشكور أخى الكريم
هههههههههههههههههههه
خلاص خد أنت العربية و تبقى خلصتنى من الخطر هههههههههههههههههههه
أنا اللى أعرفة أخى الكريم أن فى حوالى 5 عربيات بنفس العيب تقريبا
فى مصر بس
و الله الشكوى مش من منصور نفسة الشكوى
من قلة وجود خبرات تقدر تشتغل
ههههههههههه
مشكور أولا أخى الكريم لردك
و ولا يهمك
* هو الغلط من عندى أنا أقصد تاريخ دخول العربية مصر
هى أنتاج 9 - 12- 2009
* هى مش خبك بس الكيبورد اللعين معلش و من حالتى اللى زى الفل غلط فى الكتابة
هى خبط فى الدركسيون زى ما يكون بيفص و يشتغل لحظيا
* أولا أنا جبتها من مطروح على كاسحة علشان قلقان أسوقها كل المسافة دى
خصوصا بعد اللى حصل
ثانيا
كل اللى عملتة أنا أنى ركبت الأكصدام اللى قدام و اللى ورا لأنة على كليبسات
و الفانوس نفس الحكاية
و سايب الباقى زى ما هو
يعنى التطبيق و مكان الخبطات و كل دة سايبة زى ما هو
أنا كل اللى عملتة جمعتها بس
هى شكلها وحش طبعا
بس علشان مش أخرج برة الضمان لغاية ما يشوفوا حل فى التوكيل و علشان يبقى على عينك يا تاجر
و أخيرا أعتذارى لكل اللى كان ليهم حلم فى الكروز
أنى بقول الكلام دة للأسف
مشكور أخى الكريم لأهتمامك
و أنا بالفعل أشتكيت لأمة لا إله إلا الله
ههههههههههههههههههههههه
و أنا بيتهيقلى أنة أكتر
يعنى 3 فى القاهرة و أنتين فى أسكندرية أنا واحد منهم
أنا معتقدش أن حد جة من كوريا و إلا كانوا بلغوا الناس أنهم يصبروا لغاية ما يلاقوا الحل
مهندس جى أم اللى جة أخى الكريم من مصر و هو بس للمتابعة
و أن شاء الله هقابلة بكرة المفروض
أنا رأى من رأيك بس دة يتعمل لو أنت موجود فى أى مكان غير مصر
و لكن المفاجأة
أبتسم أنت فى مصر
ههههههههههههههههه
و أنا أسف لتأخرى فى الرد و الله
بس أنا رديت متأخر
هو الغلط من عندى
هو أنتاجها 9-12-2009
و تاريخ دخولها البلد كان أول فبراير و شراؤها كان يوم 4 فبراير
عذرا للخطأ مرة أخرىللأسف قدر الله ماشاء فعل
و عسى أن تكرهوا شيأ و يجعل الله فية خيرا كثيرا
هو و الله غيرو الميعاد من الثلاثاء للأثنين
يعنى بكرة أن شاء الله و أنشاء الله التفاصيل كلها هتبقى حصرية هنا أن شاء الله
هي الحياة في مصر كده فعلا الواحد حتي لو معاه فلوس مش بيعرف يستمتع بيها ولازم ألف حاجه تسمم بدنك
مش عارف يا باشا هما كام بالظبط
بس كنت بتكلم مع واحد تقيل فى حماية المستهلك على موضوع ان الكروز بتبطل وكدة وقالى هما 3 حالات بس فى مصر كلها
ممكن يكونوا دول اللى اتقدموا بشكوة بس والباقى لا والله اعلم
بس لما جيت اعرف منة سبب انها بتبطل قالى لوعرف السبب بطل العجب وقال هما جابوا خبراء من كوريا علشان يعرفوا السبب واحنا مستنين النتيجة
وياريت تتابعنا بأخر الاخبار
ربنا يصبرك يا باشا ومعلش طول بالك شوية وربنا معاك وبلغنا بالجديد عشان نطمن عليك
بصراحيه الكروز مشكلها كثير وتمنها غالي عليها والكيا سيراتو افضل منها بمراحل
ياريت حضرتك تطمنا عليك وايه اللي حصل وحاول ما تعديش حرف واحد من اللي حصل من غير ما تقوله وربنا بإذن الله مش هيضيع حقك
ياترى اية الجديد
لا حول ولا قوة إلا بالله
الله يكون في عونك
مشكور أخى الفاضل و قدر الله ماشاء فعل
مشكور أخى الكريم لأهتمامك
و بالنسبة للعدد بالظبط من جينرال موتورز أن فى حوالى 8 ألاف سيارة كروز فى السوق
منهم 12 سيارة بها نفس العطل
و ممكن فعلا زى ما أنت بتقول أنهم يبقوا 3 اللى قدموا الشكوى
مشكور أخى الكريم لدعائك و ربنا يصبرنا جميعا
أخى الكريم هو فعلا زى ما سبق و قد ذكرت أن 12 سيارة فقط
غير كدة السيارة وهم فعلا و قنبلة
لكن حكاية السيراتو دى ممممممممم
هى شكل و كل حاجة طول ما أنت جوة البلد لكن برة على طريق و على سرعة يبقى 128 أحسن منها الصراحة
و أسأل مجرب و لا تسأل التوكيل
مشكور أخى الفاضل لأهتمامك و ربنا يوفقنا جميعا
مشكور أخى الفاضل لأهتمامك
فعلا لا حول و لا قوة إلا بالله
أخوانى الأفاضل إليكم ما حدث فى يوم فعلا طويل إلى أبعد حد
توكلت على الله فى الثامنة صباحا للتوجة للتوكيل
و قد وصلت الساعة التاسعة إلا عشرة دقائق
و عندما بدأت فى الأنعطاف لدخول مدخل منصور على الطريق الصحراوى بالأسكندرية
و إذا بالسيارة تفعلها مرة أخرى
فأسرعت بسحب الفرامل اليد فظلت تزحف السيارة لأنها على رمال
حتى وقفت و الحمد لله بوجهها فوق الجزيرة الموجودة للمدخل
و النتيجة أسرع كل من فى مكتب الحجز لكى يرى ما حدث
و الحمد لله ربنا ستر
فدخلت للتوكيل فقالوا أنهم فى أنتظارى و لكن إليكم ما حدث
ظللت منتظرا فى المكتب حتى الساعة 11و نصف حتى جاء لى مهندس و طلب منى مفتاح السيارة
حتى يجربها بنفسة مع أنه سبق و قد فعلتها السيارة معة فى التوكيل و داخل الورشة فى المرة السابقة
و أخذها و ظل يجربها حتى قابلت المهندس الممثل الرسمى لشركة جينرال موتورز مصر
و لكنة كان مشغول جدا بسيارات أخرى
فطلب منى أن أنتظر حتى يجربوا السيارة و يأخذوا بيانات و بعدها سوف نتحدث فى الموضوع
و ظللت منتظرا حتى الساعة الثانية و النصف حتى بدأوا بعقد أجتماع
و بالفعل
بدأوا بأسئلة عما حدث و عما يحدث تفصيلا
و بعدها و أخر ما توصلوا إلية أن السيارة سوف تظل موجودة بالتوكيل حتى يعرفوا السبب
و عندما قمنا بالسؤال المفروض أن فى مثل هذة الأمور أن تستبدل الشركة السيارة بأخرى تفاديا لحدوث كارثة
و كان الرد أنه عندما يتم الكشف عن العيب لو يستدعى سوف نغير السيارة خلاف ذلك لا
فعلى أن أنتظر حتى يكتشفوا العيب
و عندما قمت بالسؤال على الوقت المطلوب
قالوا مفتوح عامل الوقت
بمعنى شهر أو أثنان لا يعرفون
و بالتالى ممكن سنة
و كان الحل أنهم سوف يدبرون لى سيارة أخرى حتى يكتشفون العيب
( أبقى قابلنى يعنى )
و السيارة هى المفاجأة سيارة أفيو أتوماتيك
و سوف أستلمها بعد يومين بمعنى المفروض أنة اليوم
و لكنى بعد أن نزلت من بى أم لكى أركب كروز
أفاجأ أنى أركب أفيو
أنى أكرة هذة السيارة هى صغيرة و غنية عن التعريف
و بالنسبة لسيارتى الكروز موجودة فى التوكيل محجوزة بعد أن تم أفراغ محتوياتها
يركبها كل من يريد أن يجرب السيارة لكى تبطل معاة و هم منتظرين
يجربونها فى طرق غير ممهدة و مستوية
لكى يجدون العطل
يدمرون لى باقى السيارة من عفشة و إلى أخرة
و فعلا لا أجد أى حل أخر
حتى حماية المستهلك لا يرد
و جينرال موتور مصر لم يتصلوا
و لا أعرف أين أذهب وسط هؤلاء
و ربنا يستر فى اللى جاى
فعلا أنا متبهدل من غير سيارتى فأهون على أن أجعلها بالجراج على أن تفكك و تصبح سيارة لكل من يريد أن يركب لكى يختبر
و فى النهاية بشتى الطرق أنا الخاسر ضمن هؤلاء
لأنها سوف تصبح مقلب زبالة فى نهاية المطاف
و أنتى يومى الطويل فى التوكيل الساعة السادسة إلا ربع
المغرب
و ضغط دمى طبعا عالى
بسبب ما جرى
ممنوع استخدام اللون الأحمر فى الكتابه
تم تغيير اللون
يرجى مراجعة قوانين المنتدى
21/4/2010
7:17 pm
مشرف 12 ب
حسبي الله و نعم الوكيل
حسبي الله و نعم الوكيل
حسبي الله و نعم الوكيل ربنه سصبرك والله انا مخنوق جداا بسبب ما حدث لك و بجد انا كرهت العربيه دي لانها طلعت مقلب زباله بس معلش متزعلش اكيد ربنه هيعوضك خير
أفيو
يا نهار أسود
الناس دي شكلها عايزين يخلصوا عليك
يعني تنزل من عربية بتبطل و هي ماشية علشان تركب أفيو
انا بعتبر نفسي من الفدائيين كل يوم و انا راكبها ممكن تنفجر في اي وقت
بس انل مش فاهم
انت ماعملتش محضر في القسم ليه لحد دلوقتي
و مش في شركة منصور
لاء في المهندس الي سلمك العربية و قالك انها سليمة
دي قضية شروع في قتل ( و ننتظر رد اي عضو محامي هنا )
أنا مش عارف انت روحتلهم تاني ليه
ربنا معاك و يحميك
حسبى الله ونعم الوكيل
ربنا يصبرك ويجعله فى ميزان حسناتك
جرب تانى جهاز حماية المستهلك
يا اخى سبحان الله
لو الموضوع فعلا 5 عربيات فى مصر زى ما قالو
لية ميغيرهمش و ينقذ سمعتة و سمعة العربية و مبيعاتة
يا اخى اية 5 عربيات بالنسبة له و يكون قصادها مبيعات و سمعة عربية
صحيح العقل زينة - و دة ان دل فيدل على العقليات التى تدير الان فى منصور
يا ريت حضرتك تطلع على مكتب محامي وتقولوه كل اللي حصل وتشوف رأيه وتاخدوا وتطلع على القسم اللي حضرتك تابع ليه وتاخد صورة من المحضر ده وأي ورق تاني ليه صلة بالموضوع ده وتبعتوه في كذا جهه (حماية المستهلك - جنرال موتورز).
وربنا يصبرك وقول الحمد لله على كل شيء بإذن الله ربنا هيكرمك وتاخد حقك